Kreis Hermannstadt
| Der Artikl is im Dialekt Nordboarisch gschriem worn. |
Da Kreis Hermannstadt oda Kreis Sibiu (rumänisch Judeţ Sibiu, ungarisch Szeben megye) is a Kreis (Judeţ) in da Region Centru. Historisch ghead-a zua Region Simbüang. D'Kreisståd is Hermannstadt (rum. Sibiu, ung. Nagyszeben). As Nummanschüddl und d'gängiche Åkiazung fia dean Kreis is SB.
Da Kreis Hermannstadt grenzt im Noadn an 'n Kreis Mieresch, im Ostn an 'n Kreis Kronstadt, im Südn an d'Kreise Argeş und Vâlcea und im Westn an 'n Kreis Weißenburg.
Da Voasitznde vum Kreisråd is da Bottesch Martin vum DFDR (Demokratischs Forum vu de Deitschn z'Rumänien).
Demographie
Im Joa 2002 håud dea Kreis 422.224 Ejwona ghabt und a Bvöikarungsdichtn vu 78 Ejwona pro km². Newa Rumänen gibt's imma no deitschspråuchige und ungarischspråuchige Bvöikarungsandeu.
Geographie
Da Kreis håud a Gsamtflächn vu 5.432 km².
Munizipien und Steed im Kreis Hermannstadt
(Stand: Voikszölung 2002)
| Gmaind | Sächsischa Nama | Rumänischa Nama | Ungarischa Name | Ejwona |
|---|---|---|---|---|
| Hermannstadt (Munizipium) | Hermestatt | Sibiu | Nagyszeben | 154.892 |
| Mediasch (Munizipium) | Medwisch | Mediaş | Medgyes | 62.750 |
| Agnetheln | Ognitheln | Agnita | Szentágota | 10.894 |
| Freck | ? | Avrig | Felek | 14.260 |
| Heltau | Hielt | Cisnădie | Nagydisznód | 15.648 |
| Kleinkopisch | Klikopesch | Copşa Mică | Kiskapus | 5.369 |
| Elisabethstadt | Eppeschdorf | Dumbrăveni | Erzsébetváros | 8.419 |
| Reußmarkt | Risena | Miercurea Sibiului | Szerdahely | 4.063 |
| Salzburg | ? | Ocna Sibiului | Vizakna | 4.102 |
| Selischte o. Großendorf | ? | Sălişte | Szelistye | 5.795 |
| Talmesch | ? | Tălmaciu | Nagytalmács | 8.837 |