Céléng cedil
Céléng cedil (Porcula salvania) inggih punika spésiés bawi pinih langka ring jagaté sané mangkin, tur wantah asiki spésiés ring génus Porcula. Ipun taler pinaka spésiés bawi pinih alit ring jagat. Éndemik ring India, céléng cedil inggih punika suid sané maasal saking padang tegal aluvial ring bongkol pagunungan Himalaya, ring kategehan nganti 300 m (980 ft). Populasi babi cedil polih kasebar jimbar ring padang tegal sané tegeh, padet, tur belus ring jalur cupek bongkol bukit Himalaya pahan kelod saking kalér kauh Uttar Pradesh nganti Assam, saking Népal pahan kelod tur Bénggala Kalér, saha minab ngajimbar nuju habitat sané manampekan ring sisi kelod Bhutan.[3] Santukan parambahan manusa tur parusakan habitat alami céléng cedil, spésiés niki kaperkirayang sampun punah ring pamahbah awal warsa 1960an. Sakéwanten, daweg warsa 1971, populasi alit céléng cedil kacunduk malih rikala ipun malaib saking wana puun ring nampek Suaka Margasatwa Barnadi ring Assam. Sané mangkin, wantah asiki populasi céléng cedil sané kauningin magenah ring Taman Nasional Manas ring Assam, India.[3] Populasiné kaancem olih panganggonan, kabakaran, tur paborosan liar. Antuk prakiraan populasi kirang saking 250 individu wayah, céléng cedil ngaranjing dados spésiés Kaancem Punah ring Lis Barak IUCN, saha upaya konservasi sekadi panangkaran aan program palepasliaran malih sané mangkin kantun mamargi.[2]
- ↑ Grubb, P. (2005). "Species Porcula salvania". Ring Wilson, D.E.; Reeder, D.M (eds.). Mammal Species of the World: A Taxonomic and Geographic Reference (édisi ka-3rd). Johns Hopkins University Press. p. 641. ISBN 978-0-8018-8221-0. OCLC 62265494.
- ↑ 2,0 2,1 2,2 Meijaard, E.; Narayan, G.; Deka, P. (2019). "Porcula salvania". IUCN Red List of Threatened Species. IUCN. 2019: e.T21172A44139115. doi:10.2305/IUCN.UK.2019-3.RLTS.T21172A44139115.en. Kaaksés 16 January 2022. Unknown parameter
|name-list-style=ignored (help) - ↑ 3,0 3,1 Chakravorty, P.; Sanyal, S. (2017). "Conservation of the Pygmy Hog in India". Ring Pratihar, S.; Clark, Jr. H.O. (eds.). Defaunation and Conservation. Tucson, Arizona: Herpetological Society, Tucson. pp. 95–104. ISBN 978-93-85248-79-5.