Jajangmyoen
 | |
| Wastan sané tiosan | Jjajangmyeon |
|---|---|
| Tipé | Mie Cina, Myeon |
| Mawit saking | Shandong, Cina |
| Wawengkon utawi wewidangan | Asia Kangin |
| Lakaran utama | Mie, chunjang, be, jukut, utawi anggén be pasih |
| Ajengan sané pateh | Zhajiangmian |
| Aran Koréa | |
|---|---|
| Hangeul | 자장면 |
| Hanja | 炸醬麵 |
| Alih Aksara sané kaparipurnayang | jajangmyeon |
| McCune–Reischauer | chajangmyŏn |
| Aran liyanan | |
| Hangeul | 짜장면 |
| Hanja | 炸醬麵 |
| Alih Aksara sané kaparipurnayang | jjajangmyeon |
| McCune–Reischauer | tchajangmyŏn |
Jajangmyeon utawi jjajangmyeon (hangeul; 자장면) inggih punika ajeng-ajengan saking Koréa sané marupa mi.Jajangmyoen mawit saking kruna jajang sané maarti saus magoreng miwah myeon sané maarti mi.Jajangmyeon wantah mi sané madaging saus kacang kedele selem. Warnan sausnyané selem. Ajeng-ajengan puniki polih pengaruh saking Tionghoa. Ring Tionghoa ketah kabaos Zhajiangmian. Saus jajangmyeon kakaryanin antuk pasta kacang kedele selem sané kabaos chunjang (hangul: 춘장)ketah kawewehin antuk bawang sané katektek, zucchini miwah ulam utawi ajeng-ajengan segara. RIkala masak saus ketah taler kawewehin antuk cornstarch (silih tunggil pati sané kakaryanin antuk tepung jagung)puniki sané ngawinang sausnyané kentel. Pasta kacang kedelae (chunjang) kakaryanin antuk kedele sané kanyahnyah. Jajangmyeon madué varian lianan sakadi ganjajangmyeon (간자장면) utawi jajangmyeon sané kasajiang antuk mi sané sausnyané kapisahangan nenten kacampur. Variasi lianan inggih punika samseon jajangmyeon (삼선자장면) sané nganggén saus saking campuran ajengan laut sakadi cumi, udang sakewanten nenten naenin nganggén ikan. yéning sarahina, anake Koréa nenten maosang kruna myeon, wantah maosang sané cendet manten sakadi jajang, ganjajang, samseon jajang utawi samseon ganjajang.
-
Gan-jjajang -
Jaengban-jjajang -
Yuni-jjajang -
Samseon-gan-jjajang -
