Konstantin Borisoqlebski
| Konstantin Borisoqlebskiy | |
|---|---|
| rus. Борисоглебский Константин Аркадьевич | |
| Şəxsi məlumatlar | |
| Doğum tarixi | |
| Doğum yeri | Moskva |
| Vəfat yeri | Bakı |
| İşləri və nailiyyətləri | |
| İşlədiyi şəhərlər | Bakı, Almatı, Kursk |
| Əsas tikililəri |
Yüksəliş kafedralı Bakıda 4 nömrəli poliklinikanın binası Xəzər Dəniz Gəmiçiliyi QSC binası |
Konstantin Arkadyeviç Borisoqlebskiy (rus. Борисоглебский Константин Аркадьевич) — memar, mülki-mühəndis, 1909-1913-cü illərdə Bakı şəhərinin baş memarı olmuşdur.[1]
Həyatı və fəaliyyəti
[redaktə | mənbəni redaktə et]Konstantin Borisoqlebskiy 1869-cu ildə Moskva quberniyasında, zadəgan ailəsində[2] anadan olmuşdur. Sankt-Peterburq Mülki Mühəndislər İnstitutunda təhsilini bitirdikdən sonra, xidmət üçün Astraxana göndərilmişdir. Daha sonra fəaliyyətini Yeddisu vilayətində davam etdirən Borisoqlebskiy, burada Qazaxıstanın ilk metal körpüsünü (1898) inşa edir.[3] 1896-1902-ci illərdə Yeddisu vilayətinin inşaat idarəsinin memarı kimi çalışır. Həmin müddətdə çoxlu sayda layihələrə imza atmasına baxmayaraq, onun yaradıcılığınn həmin dövrünün əsas işi kimi Almatı şəhərində layihələndirdiyi Yüksəliş kafedralı göstərilir.[2] Konstantin Borisoqlebskiynin memarlığı və Andrey Zenkovun mühəndisliyi[2] ilə inşa edilmiş kafedralın açılışı 1907-ci ildə baş tutur.
1902-ci ildə layihəsinin həyata keçirilməsini görmədən memar Yeddisu vilayətini həmişəlik tərk etməli olur.[2] 1910-cu ildə Bakıya gələn Borisoqlebskiy şəhər memarı vəzifəsinə təyin edilir.[4] Memarın yaradıcılığının Bakı dövrü iki monumental bina ilə yadda qalır ki, bunlar da Onginskaya 5 (hazırda Məhəmməd Əmin Rəsulzadə) küçəsindəki Olginskaya sıralarının binası (1910-1912) (hazırda Xəzər Dəniz Gəmiçiliyi Qapalı Səhmdar Cəmiyyətinin binası) və Balxanskaya 61 (hazırda Füzuli küçəsi) və Krasnovodskaya (Səməd Vurğun küçəsi) küçələrinin kəsişməsində yerləşən Kişi gimnaziyası (1911-1913) (hazırda 4 nömrəli şəhər xəstəxanasının binası) binasıdır.[2][4]
-
Yüksəliş kafedralı, Almatı -
Xəzər Dəniz Gəmiçiliyi Qapalı Səhmdar Cəmiyyətinin binası, Bakı -
Kişi gimnaziyasının binası , Bakı
İstinadlar
[redaktə | mənbəni redaktə et]- ↑ Надеждина, Татьяна. "Архитекторы Азербайджана 19 и начала 20-го века". proza.ru. 2020-11-30 tarixində arxivləşdirilib. İstifadə tarixi: 4 iyun 2018.
- ↑ 1 2 3 4 5 "Борисоглебский Константин Аркадьевич - городской архитектор". 2021-06-27 tarixində arxivləşdirilib. İstifadə tarixi: 4 iyun 2018.
- ↑ "БОРИСОГЛЕБСКИЙ, Константин Аркадьевич". mke.su. 2022-01-24 tarixində arxivləşdirilib. İstifadə tarixi: 4 iyun 2018.
- ↑ 1 2 "Константин Борисоглебский". polonia-baku.org. 2021-09-28 tarixində arxivləşdirilib. İstifadə tarixi: 4 iyun 2018.