Bavariya kralı

Bavariya kralı
alm. König von Bayern‎
Bavariya gerbi
Vəzifədə sonuncu III Lüdviq
Başçılıq edir	Franz fon Bayern
Müraciət forması	Əlahəzrət
Səlahiyyət müddəti	ömürlük
Vəzifənin təsis tarixi	1806
Vəzifədə birinci	I Maksimilian İosif
Vəzifədə sonuncu	III Lüdviq
Vəzifənin ləğv tarixi	1918
Vikianbarda əlaqəli mediafayllar

Bavariya kralı — krallığın ləğv edildiyi 1805-ci ildən 1918-ci ilə qədər Bavariya Krallığı kimi tanınan regionda Bavariyanın irsi Vittelsbax sülaləsi hökmdarlarına məxsus bir titul idi.

Tarixi

Napoleon ilə Müqəddəs Roma İmperatoru II Frans arasında 26 dekabr 1805-ci ildə bağlanmış Pressburq müqaviləsinin şərtlərinə əsasən, Napoleona müttəfiq olan bir neçə hersoqluq krallıq statusuna yüksəlmişdi. Bunlardan ən güclülərindən biri Bavariya hersoqu IV Maksimilian İosif idi və bu müqavilədən sonra 1 yanvar 1806-cı ildə o, rəsmi olaraq Bavariya kralı I Maksimilian İosif titulunu aldı. O, Vittelsbax sülaləsinin Pfalz-Birkenfeld qolunun üzvü idi.

Maksimilianın varisləri alman millətçiliyinə müqavimət göstərdilər və Bavariya rəhbərləri tədricən Almaniya ittifaqında Prussiya və ya Avstriya tərəfindən təhlükə hiss edən kiçik dövlətlərin himayədarına çevrildi. Dini əlaqələr və cənubi alman dili Avstriya-Prussiya müharibəsində məğlub olana qədər dövləti daha çox Avstriya ilə əlaqələndirdi. Kral II Lüdviq 22 avqust 1866-cı ildə Prussiya ilə ittifaq imzaladı və faktiki olaraq Bavariyanın müstəqilliyindən imtina etdi.

23 noyabr 1870-ci il tarixli müqavilə ilə Bavariya yeni Alman İmperiyasına birləşdirildi, lakin nisbətən böyük dərəcədə öz muxtariyyətini qorudu. Bavariya kralları titullarını qoruyub saxladılar, ayrıca diplomatik və hərbi korpuslar saxladılar. Birinci Dünya Müharibəsi başa çatdıqdan sonra 1918-ci ilin noyabrında Almaniya İmperiyası ləğv edildikdə, Bavariyanın sonuncu kralı III Lüdviq də taxtdan salındı.

Krallar

Ad	Şəkil	Titul	Başlanğıc	Son	Rəsmi titul	Qeyd
I Maksimilian		Pfalts kurfürstü və Bavariya kralı	1799	1825	Əlahəzrət Maksimilian İosif, Bavariya kralı	Pfals-Zveybrükgen qrafı Frederik Mikaelin oğlu. Öz sələfi kurfürst Karl Teodorun uzaq qohumu; 1795-ci ildən Pfals-Zveybrükgen qrafı. Fransız İnqilabının xaosunda Müqəddəs Roma İmperiyası dağıldı. Bu hadisələrin gedişində Bavariya yenidən Fransanın müttəfiqinə çevrildi və 1 yanvar 1806-cı ildə Maksimilian kral oldu.
I Lüdviq		Bavariya kralı	1825	1848	Əlahəzrət Lüdviq, Bavariya kralı, Frankoniya və Şvabiya hersoqu, Reyn-Pfalz qrafı	I Maksimilianın oğlu. Almaniyada 1848-1849-cu illər inqilabı zamanı taxtdan imtina etdi.
II Maksimilian		Bavariya kralı	1848	1864	Əlahəzrət Maksimilian, Bavariya kralı, Frankoniya və Şvabiya hersoqu, Reyn-Pfalz qrafı	I Lüdviqin oğlu.
II Lüdviq		Bavariya kralı	1864	1886	Əlahəzrət Lüdviq, Bavariya kralı, Frankoniya və Şvabiya hersoqu, Reyn-Pfalz qrafı	II Maksimilianın oğlu. II Lüdviq alm. Märchenkönig‎ (nağıl kralı) kimi də tanınırdı. 1871-ci ildə Bavariyanın Alman İmperiyasının tərkib hissəsinə çevrilməsinə razı oldu, 1886-cı ildə dəli elan edildi.
Otto		Bavariya kralı	1886	1913	Əlahəzrət Otto, Bavariya kralı, Frankoniya və Şvabiya hersoqu, Reyn-Pfalz qrafı	II Maksimilianın oğlu. Otto bütün hakimiyyəti boyu ruhi xəstə idi və onun funksiyaları aşağıdakı şahzadə qəyyumlar tərəfindən həyata keçirilirdi.
Qəyyum şahzadə Luitpold		Bavariya qəyyumu	1886	1912	Əlahəzrət Luitpold, Bavariya Qəyyum Şahzadəsi, Bavariya hersoqu, Frankoniya və Şvabiya hersoqu, Reyn-Pfalz qrafı	I Lüdviqin oğlu. II Lüdviq və Otto üçün qəyyum.
III Lüdviq		Bavariya qəyyumu və Bavariya kralı	1913	1918	Əlahəzrət Lüdviq, Bavariya kralı, Frankoniya və Şvabiya hersoqu, Reyn-Pfalz qrafı	Qəyyum Luitpoldun oğlu və Otto üçün qəyyum. 1913-cü ildən kral. Noyabr inqilabı zamanı taxtını itirmişdir.

Hazırkı iddiaçılar

Franz Bonaventura Adalbert Maria Herzoq fon Bayern (14 iyul 1933-cü ildə anadan olub), Əlahəzrət Bavariya Hersoqu kimi xitab edilir və Bavariya Krallığının keçmiş hakim ailəsi olan Vittelsbax ailəsinin başçısıdır. I Lüdviq (1786–1868)

• Luitpold, Qəyyum Şahzadə (1821–1912)
  • III Lüdviq (1845–1921)
    • Ruprext, Vəliəhd Şahzadə (1869–1955)
      • Albrext, Bavariya hersoqu (1905–1996)
        • Franz, Bavariya hersoqu (d. 1933)
        • (1) Maks, Bavariya hersoqu (d. 1937)
    • Şahzadə Frans (1875–1957)
      • Şahzadə Lüdviq (1913–2008)
        • (2) Luitpold (d. 1951)
          • (3) Lüdviq (d. 1982)
          • (4) Henrix (d. 1986)
          • (5) Karl (d. 1987)
      • Şahzadə Rasso (1926–2011)
        • (6) Volfqanq (d. 1960)
          • (7) Tassilo (d. 1992)
          • (8) Riçard (d. 1993)
          • (9) Filip (d. 1996)
        • (10) Kristof (d. 1962)
          • (11) Korbinian (d. 1996)
          • (12) Stanislav (d. 1997)
          • (13) Marsello (d. 1998)
• Şahzadə Adalbert (1828–1875)
  • Şahzadə Lüdviq Ferdinand (1859–1949)
    • Şahzadə Adalbert (1886–1970)
      • Şahzadə Konstantin (1920–1969)
        • (14) Şahzadə Leopold (d. 1943)
          • (15) Şahzadə Konstantin (d. 1986)
        • (16) Şahzadə Adalbert (d. 1944)
          • (17) Şahzadə Hubertus (d. 1989)