2001: Kosmik Odissey

2001: Kosmik Odissey
ing. 2001: A Space Odyssey
Janr	Elmi-fantastika
Əsas mövzu	süni intellekt, kosmik tədqiqat, Antropogenez
Rejissor	Stenli Kubrik
Prodüser	Stenli Kubrik
Ssenari müəllifləri	Artur Klark Stenli Kubrik
Operator	Ceffri Ansuort[d]
Bəstəkarlar	Rixard Ştraus Aram Xaçaturyan İohann Ştraus
İstehsalçı	Metro-Goldwyn-Mayer
Distribütor	Metro-Goldwyn-Mayer, Netflix
İlk baxış tarixi	2 aprel 1968
Müddət	143 dəq.
Büdcə	10.500.000 $
Gəlir	146.000.000 $, 60.481.243 $
Ölkələr	ABŞ  Birləşmiş Krallıq
Dil	ingilis dili
Rəng	rəngli
Çəkiliş yeri	Namibiya, Arizona, Yuta
IMDb	ID0062622
Vikianbarda əlaqəli mediafayllar

2001: Kosmik Odissey 1968-ci ildə Amerikalı rejissor Stenli Kubrik tərəfindən çəkilmiş elmi-fantastika filmidir. Ssenarisi Artur Klarkın qısa hekayələrindən ilhamlanan film yadplanetlilər tərəfindən yerləşdirilən və insanlıq tarixinə təsir edən bir qayanın kəşfindən sonra 5 kosmonavtın şüurlu kompüter HAL ilə Yupiterə səyahətindən bəhs edir. Film insan təkamülü, ekzistensializm, texnologiya, süni intellekt, və yerdənkənar həyat kimi mövzulara toxunur.

Filmdə kosmik səyahətin elmi cəhətdən dəqiq təsviri və misli görülməmiş vizual effektlər xüsusilə diqqət çəkir. Kubrik filmin hekayəsini dialoqdan daha çox görüntülərlə nəql edir. Filmdə Rixard Ştraus, İohan Ştraus, və Aram Xaçaturyan kimi bəstəkarların klassik musiqisi geniş yer alır.

2001 çoxları tərəfindən dünya tarixinin ən önəmli və nüfuzlu filmlərindən biri hesab olunur. Bəziləri filmi müəmmalı və apokaliptik olaraq şərh etsə də, digərləri filmin insanlığa optimist nöqteyi-nəzərdən baxdığını irəli sürüb. 4 kateqoriyada Oskar nominasiyası alan film Vizual Effektlər kateqoriyasında mükafata layiq görülmüşdür. 1991-ci ildə ABŞ Konqres Kitabxanası tərəfindən "mədəni, tarixi, və ya estetik cəhətdən əhəmiyyətli" hesab edilən film ABŞ Milli Film Arxivində qorunub saxlanılır.