İsmayıl Əliyev (rektor)

İsmayıl Əliyev
Şəxsi məlumatlar
Doğum tarixi	1950
Doğum yeri	Naxçıvan rayonu, Naxçıvan MSSR, Azərbaycan SSR, SSRİ
Təhsili	Azərbaycan Dövlət Pedaqoji İnstitutu
Fəaliyyəti	alim
Elmi fəaliyyəti
Elmi dərəcəsi	pedaqogika elmləri doktoru
Elmi adı	professor

Əliyev İsmayıl İsrafil oğlu (1950, Naxçıvan rayonu) — pedaqogika elmləri doktoru, professor, "Naxçıvan" Universitetinin rektoru (1999–2019), Naxçıvan Muxtar Respublikası Ali Məclisinin deputatı.

Həyatı

İsmayıl Əliyev 1950-ci ildə Babək rayonunun Təzəkənd kəndində anadan olmuşdur. 1957-ci ildə Naxçıvan şəhər 1 №-li orta məktəbin 1-ci sinfinə daxil olmuş, 1967-ci ildə həmin məktəbin 10-cu sinfini bitirmiş, 1968-ci ilin sentyabr ayınadək həmin məktəbdə laborant vəzifəsində işləmişdir. 1968-ci ildə Azərbaycan Dövlət Pedaqoji İnstitutu Naxçıvan Filialının dil-ədəbiyyat fakültəsinə daxil olmuş, 1972-ci ildə oranı fərqlənmə diplomu ilə bitirmişdir.

Elmi-pedaqoji fəaliyyəti

1972–1973-cü illlərdə 32 №-li Texniki-peşə məktəbində Azərbaycan dili və ədəbiyyat müəllimi işləmişdir. 1973-cü ilin mart ayından Naxçıvan Dövlət Pedaqoji İnstitutu (indiki Naxçıvan Dövlət Universiteti) pedaqogika kafedrasında əvvəlcə pedaqoji təcrübə üzrə inspektor, sonradan assistent, müəllim, baş müəllim, dosent, kafedra müdiri, tarix-filologiya fakültə dekanının müavini vəzifəsində işləmişdir. 1988-ci ildə namizədlik, 2003-cü ildə doktorluq dissertasiyaları müdafiə etmişdir. 2002-ci ildə ABŞ Bioqrafiya İnstitutu tərəfindən ilin adamı seçilmişdir. 2005-ci ildən Naxçıvan Dövlət Universiteti pedaqogika və psixologiya kafedrasının professorudur. "Naxçıvan" Universitetinin ilk rektoru olmuşdur. Naxçıvan Muxtar Respublikası Ali Məclisinin deputatıdır.

Evlidir, dörd övladı var.

Kitabları

• Azərbaycan etnopedaqogikası (magistr hazırlığı üçün dərs vəsaiti)
• İbtidai təhsilin pedaqogikası (mühazirələr xülasəsi)

Xarici keçidlər

• "NAXÇIVAN" UNİVERSİTETİNİN REKTORU