Kielestura moe tawetc koe Sainte-Maxime (trutca ke Lebasque)

Kielestura moe tawetc koe Sainte-Maxime ~ Le goûter sur la terrasse à Sainte-Maxime (FR)

Kielestura moe tawetc koe Sainte-Maxime ( francavon Le goûter sur la terrasse à Sainte-Maxime ) tir trutcapa lumkirafa gu 105.4 × 183.5 cm-, i puntalingeks keve stama skuyun gan Henri Lebasque francaf lingesik bak 1914. Bata trutca koe korikaf dotay re ( 2018 ) tigir. Henri Lebasque va geeka ke Franca bak 1906 kosmar. Jontikviele jonvieleper abdida koe Le Cannet poke Cannes bak 1924 parmon koirubar. Sainte-Maxime poke Saint-Tropez kle tir tana zixa ke inafa kosmara va gola. Mediterraneafi afi is zakod ke lidawicka va benelafa kira ke inafa koekefamafa lingeropa bam tadled. Izvorka Henri Lebasque jotikye gan noban litevaf lingesik zo turestapayar, i gan tulon Pissarro is Renoir. Va lan miloxilaf direlitevik dum Paul Signac ( 1863-1935 ) dere stier. Inafa lingeropa va vrafuevafa rekola banugale gruper. Azon va jemakevaf yambik kakever. Voxen bat dilaf lingeropaf lizor va inafa kralira va liteva me vangabeyed. Kielestura moe tawetc koe Sainte-Maxime trutca kle zavzar vey litevafa tisila. Lingesik va vrafuevafe ckane me malsaver ise va ukafa pistolera ke jemakik me yoter. Kielestura moe tawetc koe Sainte-Maxime trutca bas Henri Lebasque bak oxam 1928 gan Frédéric Manaut gaderopik ( 1868-1944 ) zo lusteyer. Manaut yasa kali 1969 va trutca di videyer. Lingeks azon pridupuyur azen bak 2011 pu lan doteyesik kan Christie's sistu ika biwe tan-celemoy dollar talolk gire zo doleyer. Drunara va grabom Henri Lebasque va konaka trutca watson gu yasaf tawetc skuyur. Viele va bata linger, pune tir gruyenaf yambik klaaf gu balem-san-lerdda. Detce a kona drunara mu dizvesik mivokon awir : yasafa koekuca xuton ice soporafa tuwava. Dimnarura va savsapafa watsa ke locus amoenus fudaxo dankagayano gan ezlopik ke Savsugal gan koplekura gu vieleafa geltruca zo adalar. Emudesa wafuca is getcuca ke tuwava to batlize isu re zo ropojad, vols parmon tenunaf darekeugal. Lingesik va yasafe tame dem anton ayikya is rumeik kaatoer enide va koekuca ke nakila divnedir. Ayikye dive trutca is eze yasafa blira bak bat idulugalaf afizcek tarizan gu rumeuca tigid. Bata prostewafa wira va walmunera va lag wal ayikye is ayikya va selt abdi 1914 vadjeyer. Vonuca ke tuwava ton tcastaf ilt moe azega don centetum dem ware toa awir. Henri Lebasque va yalestaca gu intafa oxinakila batkane koplekur. Va mediterraneaf patectoy dere rundar. Tawetc vamoe biraf wirayap tigir. Va vansara va bira moo binka ok aalkirafa ok luckirafa kelda rogestit. Mona koe ekamafa ruxa ronyasena male tawetc tigir. Bagaf gem is edji is lebuca ke rumeik va idulaf afizcek tuaulas voxis rotir modesis bazecked. Kot koredik va ilt estur oke va djuprogestur. Acum baroy korik tigis moe tawetc va ilt gin koe nuba disuked. Iteem me tid rowin. Ant disukera ke kerakorafa ayikya ticlanisa va tawetc awir. Lingesik va gexata gumesolwiackar. Dum koe alkafa lingeropa ke XV-eafa decemda lize kot tumtik tiyir dem milafa gexata, bata baroya ayikya nope kona lesayafa adala me zo solwid. Batcoba dere tir toda ke toloy rumeik rotorigin gu jelik. Lebasque va ilkafa swavopa vols tiki ke ayik is tuwavafa anameda me dulaper. Detceikafa pestalera ke kot me tir inaf uum. Voxen kot pester tamaf gu xo. Henri Lebasque va koafiara va nakila tadlesa va dalafa kira va buneks mafelon feliler. Gijarotifa afta awisa kene kadimazent is moe patectoy is bira gan merowina kepaita vamoe tawetc zo flancer. Flipi ke ukafa narara tir tupoara va koekuca. Larde mukot tir konendara gu awalt is idul, pune jonkaf nideks ke fentafa kseva ( falte is kuse ) tid felis, dem yona kevaxasa kretsa ( vage ke ayikya is imwa koe edji is glorde moe azega ). Ayewase batake ke gem nover da va izga leve tawetc rosabet. Jemakeva is lageva is muxareva bak 1914 ixam kruldeyed, voxen Henri Lebasque va mecoba guon danur ise eze ilamota ke abdulizor is dantalera dile tcalasa va bane sare zavzagir. Drunason va intafa disukera va mana grupepena nakila, yambik tire tir vey liteva. Tison « lingesik va daava is afi », va ezluca ke vieleuca muxackar. Wiyuca, rotir kaluca, mal yasafa koekuca is tama wal ayik is tuwava ronovanblid. Watsa va Côte d'Azur gola Remi klepa, Henri Lebasque va konaka trutca watson gu Côte d'Azur gola lingeyer. Lana tid grupeckena. Lingeks va Côte d'Azur gola Kielestura moe tawetc koe Sainte-Maxime Cannes, imwugalon Velikye koe mediterraneaf patectoy Sanary, wiks va Sicié evilma Le Cannet, faltafa marwida Molt ke Saint-Tropez (1) Kruba bak kielcek koe Cannes Saint-Tropez, velikya poke sul Molt ke Saint-Tropez (2) Saint-Pierre etol koe Cannes Wiks va Esterel jaka Dere rupec ► Trutceem ke Lebasque Stragela (fr) Brigitte Bouret, Joseph Déchelette, Fenêtre sur. Exposition, Roanne, Musée des beaux-arts et d'archéologie J. Déchelette, 09/03-17/06/2002, Roanne, Musée des beaux-arts et d'archéologie Joseph Déchelette, 2002, ASIN B000WQRTP6. (fr) « Palette impressionniste et fauve en Méditerranée. Henri Lebasque et Henri Manguin », wonara ke tcila ke Roanne, 2009. (en) Benezit Dictionary of Artists, 2006, Oxford Index internetxo (en) Blirizva ke Henri Lebasque - Findlay Galleries (fr) Blirizva ke Henri Lebasque - Rivages de Bohème internetxo (fr) Lingeks ke Henri Lebasque dene tcileem ke Franca; Joconde, www.culture.gouv.fr (fr) Orsay tcila – Dotayestova

Kielestura moe tawetc koe Sainte-Maxime Le goûter sur la terrasse à Sainte-Maxime (FR)  Yambik Henri Lebasque  Evla 1914  Ord Nakila  Lingerinda Puntalingeks keve stama  Lum 105.4 × 183.5 cm-  Tigixo Korikaf dotay Trutceem ke Lebasque Ayikyaf delt Debanyesa ayikya dem batakafi edji • Delt va Marie-Marguerite Brocq weltikya • Moe kusafa starka, Sanary • Ayikya dem blafotafi edji • Ayikya is tabra • Gadikyuca • Gadikya is nazbeik • Delt va Blanche Norel • Yikya dem biotedji • Yikya dem yasko • Sardikya asadasa • Delt va Madame Berthe Delaunay • Ruseta • Moe soza Belira Toloya velikya belisa • Belira (1) • Belira (2) • Yikya belisa koe matela • Le Cannet, Lebasque W-ya belisa koe matela Cadimeem Cadimeem, imwugal • Cadimeem, fentugal • Cadimeem, muvugal • Cadimeem, idulugal Côte d'Azur gola Kielestura moe tawetc koe Sainte-Maxime • Cannes, imwugalon • Velikye koe mediterraneaf patectoy • Sanary, wiks va Sicié evilma • Le Cannet, faltafa marwida • Molt ke Saint-Tropez (1) • Kruba bak kielcek koe Cannes • Saint-Tropez, velikya poke sul • Molt ke Saint-Tropez (2) • Saint-Pierre etol koe Cannes • Wiks va Esterel jaka Tivafa gozara Gozara kan tiv • Yikya koe tota • Toloya velikya koe tota, Aix • Gozara moe lava • Baroya velikya koe tota • Koe tota moe Marne kuksa • Tivafa gozara koe Les Andelys Koe matela Matela • Koe matela koe Saint-Tropez, idulugalon • Ayikya is rumeik koe matela, idulugalon • Nono keve polku ke matela ke Lagny • Le Cannet, sespado • Les Andelys, baroya yikya koe matela • Nono is Pierre koe matela • Idulugal koe matela Kuksa Kene Marne kuksa poke Montévrain • Marne kuksa koe Lagny • Toloy rumeik drume lava • Seine bost koe Paris • Lagny, tota is tcatesa tota moe Marne kuksa • Moe domega ke Marne kuksa Lagny ik vema Pamponne etol koe Lagny • Chessy vawila, Lagny • Patectoy poke Montévrain • Sorka moo awaltanafa kelda • Wida Lebaca Modera • Ranyesa lebikya • Ranyesa lebafa yikya • Yikya koe aala • Senyesa lebikya (1) • Senyesa lebikya (2) • Senyesa lebikya (3) • Senyesa lebikya (4) • Senyesa lebikya (5) • Yikya senyesa domon ice lird • Lebikya senyesa koe patectoy • Lebikya senyesa koe patectoy koe Saint-Tropez • Senyesa lebikya mamadasa • Lebikya altogisa va ilava • Lebikya basklaimasa • Lebikya debanyesa moe ilava • Debanyesa lebikya (1) • Debanyesa lebikya (2) • Lebikya dem mardflek • Lebikya dem flek • Lebikya moe keraf tcalist • Lebikye keve raltadukafa saxatca • Lebikya moe divatcesiku • Lebikya Lebasque yasa Lebasque W-ya is nazbeikya poke Marne Kuksa • Lebasque W-ya is Marthe nazbeikya • Nono is tasila • Nono debanyeso koe matela • Nono ton niponaf gem Nakila koe tuwava Yikya koe aal ba siel • Kielcek koe gerd • Estura moe werd • Kielcek koe aala • Patectoy Piluda Toloya yikya moe piluda • Moe piluda • Baroya kolavasikya moe piluda • Ayikya moe piluda Tawadayafa nakila Vestara va imwa • Tcatesikya keve kuksa, nomon • Vebaltasik Yalestaca Imwa • Trig dem imwa • Yalestaca dem akreye • Trig dem zurida • Raltada koe trig Ara trutca Korik estus va ebeltaf beg • Titawaltara mo Pont-Aven • Jotafe lingesikye • Vookera • Wiks male kepaitadilk • Muvugal • Diabolo omba • Mivdelt • Paul de Camondo • Delt va Isaac Camondo • Pistolera • Saint-Maxime, balikareizusikya   Tuveli icde Lingeropa