Vulpes lagopus

Vulpes lagopus;
Estáu de caltenimientu
	; Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Mammalia
Orde:	Carnivora
Suborde:	Caniformia
Familia:	Canidae
Subfamilia:	Caninae
Xéneru:	Vulpes; Kaup, 1829
Especie:	V. lagopus; (Linnaeus, 1758)
Distribución
Sinonimia
	Alopex lagopus (Linnaeus, 1758); Canis lagopus Linnaeus, 1758; Canis fuliginosus Bechstein, 1799; Canis groenlandicus Bechstein, 1799; Vulpes arctica Oken, 1816; Vulpes hallensis Merriam, 1900; Vulpes pribilofensis Merriam, 1903; Vulpes beringensis Merriam, 1903
Consultes
	[editar datos en Wikidata]

La Vulpes lagopus ye una especie de mamíferu carnívoru de la familia de los cánidos qu'habita en llurigues a lo llargo y anchu de la tundra, xeneralmente nes llombes.^[2]

Hábitat y distribución

Les raposes ártiques distribúinse a lo llargo de les tundres del norte d'Europa, Asia y Norteamérica, incluyíes munches islles a les que llegaron caminando sobro'l xelu mientres les glaciaciones.

Descripción

Una raposa ártica en Canadá, pelame d'iviernu

La raposa ártica tien unes oreyes pequeñes y una capa trupa de pelo blancu que-y dexa subsistir y cazar a temperatures estremes (d'hasta -50 °C).^[3] Nel branu, esta capa blanca de pelame llarga camuda por una capa pardu-abuxada de pelame más curtia.^[4]^[5] En Groenlandia documentáronse exemplares de pelame azulada, carauterística apreciada polos pelliteros y potenciada polos criadores.

Les raposes ártiques miden ente 35 y 55 cm de llargu.^[6] El pesu del machu ye 3,5 kg de permediu, con un rangu de 3,2 a 9,4 kg, y el de la fema de 2,9 kg, con un rangu de 1,4 a 3,2 kg.^[6]

Comportamientu

Permanecen actives tol añu y son de los pocos animales que nun enviernen o emigren a otres rexones mientres l'iviernu.^[7] Suelen pasar sobro los bloques de xelu buscando xibartes varaos y carnáu abandonao polos osos polares, a los que siguen mientres díes. Estos suelen inoralos, anque diéronse casos d'ataques d'osos escontra raposes ártiques. Si dalguna raposa ye sorprendida pol destemple branizu a gran distancia de tierra firme, pue acabar nes fauces d'un tiburón. En tierra, los sos depredadores más frecuentes son el llobu y l'uxu de la especie bubo scandiacus.

Alimentación

El so principal alimentu consiste en pequeños mamíferos y aves, siendo la so principal presa'l lemin. Tamién consume güevos, y n'ocasiones da caza a los cachorros de foques. Davezu aliméntense del carnáu dexáu por carnívoros más grandes, como los osos polares. Cuando nun atopen carne, peracaben bagues y algues.

Reproducción

Esta especie aparéase en marzu, que ye'l mes cuando yá hai camaes de lemmings, que van dexar a la madre alimentase meyor; esta, nel mes de mayu, da a lluz una camada de cinco o ocho cachorros.^[7]

Mientres el branu, esta especie forma pareyes monógames que curien conxuntamente de les críes. Nos llugares onde falten los lemmings y otros pequeños mamíferos, como n'Islandia, les raposes ártiques aliméntense casi puramente d'aves marines.

Subespecies

Muda de la pelame estacional, branu (enriba), iviernu (embaxo)

Hai cuatro subespecies:

Raposa ártica d'Isles Bering, Alopex lagopus beringensis
Raposa ártica d'Islandia, Alopex lagopus fuliginosus
Raposa ártica d'Isles Pribilof, Alopex lagopus pribilofensis
Raposa ártica de Groenlandia, Alopex lagopus foragorapusis

Referencies

↑ Angerbjörn, A. & Tannerfeldt, M. (2014). «Vulpes lagopus» (inglés). Llista Roxa d'especies amenazaes de la UICN 2015.2. Consultáu'l 26 d'agostu de 2015.
↑ Bininda-Emonds, ORP; JL Gittleman, A Purvis (1999). «Building large trees by combining phylogenetic information: a complete phylogeny of the extant Carnivora (Mammalia)». Biol. Rev. 74: páxs. 143–175. doi:10.1017/S0006323199005307. http://www.daimi.au.dk/~cmosses/thesis/articles/Bininda_Emonds_Carnivora.pdf. Consultáu'l 30 de xunetu de 2008. (enllaz rotu disponible n'Internet Archive; ver l'historial y la última versión).
↑ Garrott and Eberhardt (1987). Novak, M. et al. (eds.): Wild furbearer management and conservation in North America.
↑ Canids: Foxes, Wolves, Jackals and Dogs
↑ Arctic Fox Alopex lagopus
↑ ^6,0 ^6,1 "Alopex lagopus" at the Smithsonian
↑ ^7,0 ^7,1 Dewey, T. and C. Middlebrook. 2007. "Vulpes lagopus" (On-line). visto 16 de mayu de 2009 at Animal Diversity Web

Bibliografía

Nowak, Ronald M. 2005. Walker's Carnivores of the World. Baltimore: Johns Hopkins Press. ISBN 0-8018-8032-7
Sistema Integráu d'Información Taxonómica. «Vulpes lagopus (TSN 622025)» (inglés).

Enllaces esternos

State of the Environment Norway: Arctic fox.

Smithsonian Institution - North American Mammals: Vulpes lagopus

[iucn-1] Angerbjörn, A. & Tannerfeldt, M. (2014). «Vulpes lagopus» (inglés). Llista Roxa d'especies amenazaes de la UICN 2015.2. Consultáu'l 26 d'agostu de 2015.

[complete-2] Bininda-Emonds, ORP; JL Gittleman, A Purvis (1999). «Building large trees by combining phylogenetic information: a complete phylogeny of the extant Carnivora (Mammalia)». Biol. Rev. 74: páxs. 143–175. doi:10.1017/S0006323199005307. http://www.daimi.au.dk/~cmosses/thesis/articles/Bininda_Emonds_Carnivora.pdf. Consultáu'l 30 de xunetu de 2008. (enllaz rotu disponible n'Internet Archive; ver l'historial y la última versión).

[G_and_E-3] Garrott and Eberhardt (1987). Novak, M. et al. (eds.): Wild furbearer management and conservation in North America.

[4] Canids: Foxes, Wolves, Jackals and Dogs

[5] Arctic Fox Alopex lagopus

[smith-6] 6,0 ^6,1 "Alopex lagopus" at the Smithsonian

[ADW-7] 7,0 ^7,1 Dewey, T. and C. Middlebrook. 2007. "Vulpes lagopus" (On-line). visto 16 de mayu de 2009 at Animal Diversity Web

[1]

[2]

[3]

[4]

[5]

[6]

[7]