Telecinco

Telecinco
	canal de televisión
Llocalización
Sede	Fuencarral
Direición	España
Forma xurídica	sociedad anónima
Historia
Fundación	3 marzu 1990
Fundador	Mediaset España
Organigrama
Dueñu	Mediaset España
Participación empresarial
Organización matriz	MFE - MediaForEurope (es)
	Web oficial

Telecinco ye una canal de televisión privada española, d'ámbitu estatal, qu'emite n'analóxico y en dixital, xestionáu pol Grupu Gestevisión Telecinco. La canal entamó sos emisiones el 10 de marzu de 1989 y la programación regular comenzaren el 3 de marzu de 1990, siendo la segunda cadena privada n'emitir pa toda España.

Historia

En 1989, el Gobiernu d'España ordenó la lliberalización de la televisión, otorgando tres nueves llicencies. Amás de Tele 5, Antena 3 recibe otra pa emitir n'abiertu y Canal Plus una que-y permite efectuar emisiones en codificau.

El Grupu Gestevisión-Telecinco, con un capital de 12.000 millones de pesetes, obtien del Gobiernu español la llicencia d'emisión el 26 d'agostu de 1989. La composición societaria distribuíase de la siguiente manera:

Fininvest, de Silvio Berlusconi (25%).
Organización Nacional de Ciegos de España (ONCE) (25%);
Ediciones Anaya, de Germán Sánchez Ruipérez (25%);
Javier Fernández, de Chocolates Trapa (15%);
Ángel Medrano, empresariu del sector turísticu (10%).

Con una programación y una estética inspiraes na Canale 5 italiana tamién propiedá de Berlusconi, entamó a emitir en marzu de 1989 y sos emisiones regulares comenzaren en marzu de 1990, baxo la direición de Valerio Lazarov.

Volcada nuna programación d'entretenimientu y concursos, a partir de 1994 comienza la so reestructuración simbolizada pola salida del accionariáu de la ONCE y la sustitución de Lazarov por Maurizio Carlotti.

Durante esa época incorpórense al accionariau los Grupos Correo (25%) y Planeta (25%).

A partir de 1998, tres la llegada de Paolo Vasile al puestu de Conseyeru Delegáu iníciase'l camín que convierte a Telecinco na cadena de mayor audiencia n'España.

Yá nel añu 2001 la cadena rompe audiencies col programa estrella "Gran Hermano", convirtiéndose España nel primer país n'emitir 9 ediciones d'un reality.

El 14 de mayu de 2007 Telecinco, en unión con Mediaset, mercó Endemol (la productora más importante d'Europa) por 2.629 millones d'euros, convirtiéndose nun de los grandes medios audiovisuales del mundu.

En 2006, el direutor d'Informativos Telecinco, Juan Pedro Valentín, foi sustituyíu por Pedro Piqueras. Pedro Piqueras nesi mesmu añu contrató a J.J. Santos pa ponelu al frente de la seición deportiva de los sos informativos. Na actualidá presenta los informativos de les 15.00.

La cadena cerró el 2005 liderando tolos meses menos payares y avientu y ganando l'añu en audiencia.

Dende marzu de 2006 hasta la actualidá (avientu 2007) foi la cadena líder n'audiencia tolos meses consecutivos.

Grupu Telecinco

El Grupu Gestevisión Telecinco foi creau en marzu de 1989.

Tres la so salida a bolsa en 2004, el Grupu Telecinco queda na actualidá compuestu por: Mediaset Investimenti (50,13%), Vocento (13%), Accionistes (36,87%). Les empreses controlaes pol grupu son: Atlas (axencia de noticies), SALTA (productora de programes de televisión), Grupu Editorial Telecinco GET (explotación comercial de les obres musicales na cadena), UNE (rede de televisiones llocales), Publiespaña (xestión de publicidad), Publimedia Gestión (comercialización de soportes multimedia) y Europortal Jumpy España (Telecinco.es).

Imaxe corporativa

En 1997 la canal renueva completamente la so imaxe corporativa, siendo los cambeos más visibles el pasu de la marca Tele 5 al actual Telecinco y el nuevu logotipu eliminando la flor propia del grupu Mediaset de Berlusconi (fundador de la cadena), un símbolu que aún mantienen los sos homónimos n'Italia.

A finales de 2005 cambeó el so eslogan a "La fuercia del 5" col que cambiaren les cortinilles.

Logotipu

Dende'l momentu en que comenzó les sos emisiones en 1989, el logotipu de Telecinco (entós Tele 5) taba formáu por: "Tele" y debaxo "5", xunto a la flor carauterística de toles empreses de Mediaset. Nes cortines de presentación de programes, el logu yera de color oru, mientres que la mosca manteníase blanca.

En 1997, Tele 5 cambia radicalmente la so imaxe corporativa, pasandose a llamar Telecinco y eliminando, tantu la pallabra "Tele" como la flor de Mediaset del so logu y sustituyendo esta por un puntu de color roxu nel centru del "5", que pasa a ser azul. Mientres la mosca, pasa a ser treslucida, formada únicamente por un "5" col nuevu círculu tamién tresparente.

En 2001, la cadena cambia de nuevu el so logu, que ye'l mesmu qu'enantes anque'l "5" pasa a ser unu más cortu y el círculu central pasa a ser una bola con variación de color, según que cortinilla sea, amás de que se-y añade la pallabra "Telecinco" na parte inferior del logu. La mosca ye tamién actualizada col nuevu símbolu, anque la bola central pasa a ser de color y un pocu más opaca que antes.

Dos años dempués, la cadena vuelve al so anterior logotipu, anque agora la bola central va cambiando el so color según onde apaezca, y na mosca, cada día, un color distintu.

Emisión en TDT

Cola llegada el 30 de payares de 2005 de la TDT, Telecinco llanza Telecinco Estrellas, actualmente pueden vese series de Telecinco (Yo soy Bea, Al salir de clase, Hermanas, Javier ya no vive solo, 7 vidas, Médico de familia, Esencia de poder, 20 tantos, Señor Alcalde, El pasado es mañana, Ellas son así, Periodistas), cine y el concursu Telecinco, ¿dígame? poles mañanes presentáu principalmente por Lorena Franco y Joan Picó y poles nueches por Ivan Varela y Mercè Galán, asina como series extranxeres en versión orixinal subtitulada. Y Telecinco Sport, onde emite la programación de Eurosport News amás d'ofrecer los fines de selmana les sesiones de clasificación y carreres de Fórmula 1, GP2, Superbikes, WTCC (Mundial de Turismos) y el programa "Más que coches".

Emiten pel mux 68, que comparten con Fly Music.

Dende el 18 de febreru les canales de tdt de telecinco, telecinco estrelles y telecinco sport cambiaren el so nome por el de telecinco dos y FDF (Factoría de ficción).

12 meses, 12 causes

12 meses, 12 causes ye una iniciativa solidaria pola cual Telecinco dedica mensualmente parte de la so programación a informar y sensibilizar acerca de una causa social. Púnxose en marcha n'avientu de 1999.

En 2004 creárense los Premios 12 meses, 12 causes, dedicaos a reconocer el llabor de les persones, coleutivos y trabayos que destaquen pola so aportación a la solidaridá, el desarrollu y la paz.

Enllaces esternos

Referencies

Enllaces esternos

Wikimedia Commons tien conteníu multimedia tocante a Telecinco.