Institutu Polar Noruegu

Institutu Polar Noruegu
	Norsk Polarinstitutt (nb)
	direición gubernamental, editor d'accesu abiertu y agencia cartográfica nacional (es)
Llocalización
Coordenaes	69°38′38″N 18°56′54″E / 69.6438716°N 18.9483555°E
	Institutu Polar Noruegu Institutu Polar Noruegu (Noruega)
Historia y usu
Apertura	1928
	Web oficial

L'Institutu Polar Noruegu (en noruegu: Norsk Polarinstitutt) ye una institución pública d'investigación y desenvolvimientu científicu fundada para l'estudiu de les rexones d'alta llatitú, con sede en Tromsø.

La institución funciona baxu la tutela del ministeriu noruegu de mediu ambiente y tien como misión la coordinación y organización de les misiones d'investigación científica nes rexones polares so soberanía o responsabilidá de Noruega.

Actúa tamién como órganu consultivu del Gobiernu Noruegu y de diverses instituciones internacionales en materies referentes al mediu ambiente en rexones de clima polar.

La institución emplega cerca de 110 persones, con instalaciones fixes en Tromsø (sede) y Ny-Ålesund (Svalbard). Opera tamién estaciones d'investigación na Tierra de la Reina Maud (L'Antártida).

Les actividaes del institutu centrense na investigación y xestión ambiental nes rexones polares.^[1]^[2]^[3]

Los investigadores del NPI investiguen la biodiversidá , el clima y les toxines ambientales nel Árticu y L'Antártida, y nesti contestu l'institutu forne y entama espediciones a gran escala a dambes rexones polares.

L'institutu contribúi al trabayu climáticu nacional ya internacional y ye un puntu de contactu activu pa la comunidá científica internacional.

L'institutu arrexunta y analiza datos sobro'l mediu ambiente y los sitios del patrimoniu cultural nes islles de Svalbard y Jan Mayen al traviés del proyectu Monitoreo Ambiental de Svalbard y Jan Mayen (MOSJ). El mapeo topográficu tamién ye una xera importante : el IPN ye l'autoridá nacional de topografía y mapeo de les árees polares de Noruega, incluyíos los estudios xeolóxicos non comerciales.

En L'Antártida, l'institutu ye responsable de la xestión de toles actividaes noruegues. Esto significa que tolos suxetos noruegos qu'entamen actividaes en L'Antártida tienen de comunicase primero col NPI.

Directores

No.	Name	Term of office
1	Harald Sverdrup	1948	1957
2	Anders K. Orvin	1957	1960
3	Tore Gjelsvik	1960	1983
4	Odd Rogne	1983	1991
5	Nils Are Øritsland	1991	1993
6	Olav Orheim	1993	2005
7	Jan-Gunnar Winther	2005	2017
8	Ole Arve Misund	2017	Titular

Referencies

Enllaces esternos

Páxina oficial del Norsk Polarinstitutt (Noruegu-bokmål)
Páxina sobro l'Institutu Polar, (n'inglés)

[1] Norwegian Polar Institute (n'inglés)

[2] La disminución del xelu del árticu afeuta a les poblaciones de les aves marines. (castellán)

[3] s climáticos nel artico afecta a su fáuna, (castellán).

[1]

[2]

[3]