Ferrero - Bombones
Ferrero ye una empresa agroalimentaria italiana creada en 1946 n'El Piamonte (Italia). Con 60 años d'esperiencia, el grupu Ferrero ye'l tercer productor européu de dulces y el sestu del mundu nel sector de dulces y chocolatería.
El propietariu hasta'l 14 de febreru de 2015 foi Michele Ferrero, quien se convirtió nel home más ricu d'Italia con un patrimoniu que Forbes envaloraba en 19.000 millones de dólares; patrimoniu qu'en 2015, xubía a los 23.400 millones de dólares.
Historia
[editar | editar la fonte]En 1946 Pietro Ferrero inventó una crema d'ablana y cacáu, pensó que podía ser estendida sobre'l pan, y llamenla "Pasta Gianduja". El productu tuvo un gran ésitu y polo tanto Ferrero pasó dende la producción artesanal a la producción industrial creando la nueva empresa que lleva'l so nome.
La Pasta Gianduja evolucionó y dio orixe a un productu que, vendíu sol nome Nutella dende 1964, fíxose popular nel mundu enteru, con munchos otros productos, incluyendo los bombones de chocolate Ferrero Rocher.
El 14 de febreru de 2015, Michele Ferrero, fíu de Pietro Ferrero y quien tenía la propiedá de la empresa, finó por causa de una llarga enfermedá; esto fizo que Giovanni Ferrero, fíu de Michele, tuviera que faese cola propiedá del grupu Ferrero, yá que el so hermanu Pietro Ferrero Jr., que dirixía la empresa al pie del so padre, finara en 2011 mientres faía negocios en Sudáfrica.
Actualidá
[editar | editar la fonte]El so volume de negociu en 2002 foi de 4.400 millones d'euros. El grupu consume añalmente 70.000 tonelaes de cacáu, 56.000 d'ablanes (de les cualos ye'l primer consumidor mundial) y 102.000 de lleche.
El 18 d'abril de 2011 fina n'accidente de tráficu, Pietro Ferrero, unu de los herederos d'esta empresa mientres realizaba un viaxe de negocios en Sudáfrica.[1]
Productos
[editar | editar la fonte]Ferrero cuenta anguaño con una gran gama de productos pa distintos gustos y edaes.Los productos de Ferrero son:
1.Tic Tac (duce):Son pequeños carambelos vendíos en caxes plástiques tresparentes que tienen dellos sabores, tamaños y colores: Tic Tac menta intensa, Tic Tac menta, Tic Tac naranxa, Tic Tac Cherry Passion y Tic Tac Fresa Mix.
2.Nutella: Crema duce a base de cacáu, lleche, y ablanes. Ye ensin dulda el productu más conocíu y significativu de la compañía, que tien, incluyendo la so presentación habitual, 3 estilos distintos: Nutella, Nutella B-ready y Nutella&GO.
3.Kinder: Ye la llinia infantil de los productos Ferrero. L'elementu más conocíu d'esta llinia ye'l kinder sorpresa o güevu kinder, que mundialmente conozse por ser una fina bola de chocolate con una capa interna de lleche, que guarda nel so interior una cápsula de plásticu que contién xeneralmente un moñecu o xuguetes. Los productos d'esta llinia son: Sorpresa (mentáu enantes), Joy, Schoko-Bons, Gran Sorpresa, Chocolate, Maxi, Cereali, Bonu Classic, Bonu White, Bonu Mini, Délice, Happy Hippo.
4.Ferrero: Ye la llinia de productos de la compañía, especializada en bombones de chocolate. Bien probablemente xunto cola Nutella, sían los productos más reconocíos d'esta chocolateria italiana. la llinia Ferrero compónse por: Ferrero Rocher, Grand Ferrero Rocher, Ferrero Golden Gallery, Ferrero Collection, Ferrero Prestige, Mon Chéri, Confetteria Raffaello.
