Estreleira

Estreleira
Datos
Estáu	España
Colores	blancu, azul y bermeyu
Elementos representaos	estrella de cinco puntes

La bandera estreleira simboliza la llucha del movimientu socialista y comunista pola independencia de Galicia.

La modalidá de bandera de franxa azul con una estrella colorada nel centru úsase pola mayor parte del nacionalismu gallegu d'izquierdes. Anguaño ta abondo estendida en Galicia pola mor de la espansión del nacionalismu nos últimos años. La estrella colorada creáronla militantes comunistes de la UPG (Unión do Povo Galego) allá pelos años 60 del sieglu XX, recordando la "estrella solitaria" de la bandera de Cuba, adoptada tres llograr la independencia d'España.

Según investigadores de la Fundación 10 de marzo, vinculada a CCOO y al Partíu Comunista de Galicia ( PCG ), esta bandera usóse primeramente por militantes de la seición guerrillera del PCE en Galicia, nos años 40 del sieglu XX, siendo xefe de la guerrilla Antonio Seoane y Secretariu del PCE en Galicia (el PCG nun se crearía hasta los años 60) José Gómez Gayoso mientres los nacionalistes usaben dende la creación de Partíu Galleguista una bandera asemeyada cola estrella amariella.

Anguaño úsase como reclamu na defensa del nacionalismu gallegu d'izquierdes. Tolos partíos nacionalistes d'izquierda de Galicia (BNG, Nós-UP, FPG...) usen la bandera como símbolu del so nacionalismu.

Al contrario que la bandera oficial de Galicia, nun tien un diseñu de construcción exactu, sacante que la estrella colorada tien que tar nel centru, alineada cola franxa azul.

Referencies

Enllaces esternos