Saltar al conteníu

Conurbación de Washington-Baltimore

Coordenaes: 39°00′N 77°18′W / 39°N 77.3°O / 39; -77.3
De Wikipedia
Conurbación de Washington-Baltimore
Alministración
PaísBandera de Estaos Xuníos d'América Estaos Xuníos d'América
Distritu federal[[Distritu de Columbia|{{{2}}}
Capital federal (es) Traducir Washington D. C.
Tipu d'entidá Área estadística combinada
Nome oficial Washington-Baltimore-Arlington, DC-MD-VA-WV-PA Combined Statistical Area (en)
Nome llocal Washington–Baltimore combined statistical area (en)
Xeografía
Coordenaes 39°00′N 77°18′W / 39°N 77.3°O / 39; -77.3
Demografía
Población 9 973 383 hab. (1r abril 2020)
Más información
Estaya horaria Horariu del este de Norteamérica
Cambiar los datos en Wikidata
Mapa de la conurbación de Washington-Baltimore (AEC de Washington-Baltimore-Arlington), 2012.

La conurbación de Washington-Baltimore ye un área estadística combinada (AEC) qu'abarca la rexón formada poles árees metropolitanes de les ciudaes de Washington DC y Baltimore (Maryland), que se solapen. La rexón inclúi la fastera central del estáu de Maryland, la septentrional del estáu de Virxinia, trés condaos del estremu oriental de Virxinia Occidental y un condáu del estáu de Pennsylvania. La conurbación ye la cuarta mayor área estadística combinada del país, la de mayor renta per cápita y la que tien la población con mayor nivel educativu de toes[1][2].

L'area recibe la denominación oficial, según la Oficina d'Alministración y Presupuestu (Office of Management and Budget, OMB), de área estadística combinada de Washington-Baltimore-Arlington. El so centru fórmenlu les dos árees metropolitanes de les sos dos ciudaes principales: l'área metropolitana de Washington (de nome oficial área estadística metropolitana de Washington-Arlington-Alexandria) y l'área metropolitana de Baltimore (de nome oficial área estadística metropolitana de Baltimore-Columbia-Towson). Formen parte del área estadística combinada otres cinco árees estadístiques más pequeñas y que, magar que nun son contigües coles anteriores, tienen llazos económicos perimportantes con elles y, poro, inclúinse na AEC[3]. Son les árees estadístiques metropolitanes de Hagerston-Martinsburg, Chambersburg-Waynesboro, Winchester y California-Lexington Park, y l'área estadística micropolitana d'Easton.

Hai, amás, dellos condaos, como los de Caroline y King George, en Virxinia, que magar que nun son incluyíes oficialmente pola OMB na AEC considérense a sigo mesmos, pola cercanía a la conurbación y pola cantidá de población de so que va trabayar a ella, parte d'esta conurbación[4][5]. La población conxunta del área estadística combinada, según el censu de 2020, ye de 9.973.383 habitantes. La so ciudá más poblada ye Washington DC (689.545 habitantes), y el condáu con más habitantes ye'l de Fairfax, en Virxinia: nelli viven 1.150.309 persones[6].

Referencies

[editar | editar la fonte]
  1. ↑ CSA Median Household Income, na web greaterbaltimore.org.
  2. ↑ Drew J, Raleigh-Durham area ranks third in U.S. for college degrees, artículu na web del Triangle Business Journal (22 de setiembre de 2009).
  3. ↑ Revised Delineations of Metropolitan Statistical Areas, Micropolitan Statistical Areas, and Combined Statistical Areas, and Guidance on Uses of the Delineations of These Areas, boletín 18-04 de la Oficina d'Alministración y Presupuestu (14 de setiembre de 2018).
  4. ↑ Cohn V, Gardner A, 3 Virginia Exurbs Near Top of U.S. in Growth, artículu na web del The Washington Post (16 de marzu de 2006).
  5. ↑ Descripción económica del condáu de Caroline na web del departamentu de desarrollu económicu del condáu.
  6. ↑ 2020 Population and Housing State Data, na web de la Oficina del Censu d'Estaos Xuníos.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Conurbación_de_Washington-Baltimore&oldid=4168585»