Count Basie
William Basie (21 d'agostu de 1904, Red Bank – 26 d'abril de 1984, Hollywood (es) 
), conoíu como Count Basie, foi un direutor de big band y pianista estauxunidense de jazz.
Trátase d'unu de los músicos de jazz más populares de la historia, vincuáu, prácticamente a lo llargo de cincuenta años, a la direición de una big band d'importante influencia en determinaos rexistros estilísticos del jazz asociaos, principalmente, al swing y a la so corriente más tradicional.
Biografía
Fíu de padres músicos (sou padre, Harvie Basie, tocaba'l melófonu y so madre, Lillian (Childs) Basie, yera pianista), recibió d'ella les sos primeres lleiciones, ainaí como de los pianistas de stride de Harlem, especialmente de Fats Waller.
El so primer trabayu profesional consistió n'acompañar a intérpretes de vodevil y en formar parte d'un grupu musical que se formó en Kansas City en 1927. Depués de trabayar tamién nuna productora de películes mudes, xuntóse a los Walter Page's Blue Devils en xunetu de 1928. El vocalista del grupu yera Jimmy Rushing.
Basie abandonó la banda a los entamos de 1929 pa tocar con otraes orquestes, ente les que taba la liderada por Bennie Moten. Depués de la muerte d'éste, en 1935, Basie trabayó demientres un tiempu como solista anantes de formar la so propia orquesta inicialmente llamada Barons of Rhythm, a la que s'incorporaron munchos antiguos miembros de la banda de Moten como Walter Page (baxo), Freddie Green (guitarra), Jo Jones (batería) y Lester Young (saxofón tenor). Jimmy Rushing convirtióse nel cantante. L'ensamu consiguió establecerse nel Reno Club de Kansas City y entamó a dase a conocer a través de la radio. El periodista y productor John Hammond, depués d'escuchalos, recomendólos a varios axentes y compañíes discográfiques. Como resultáu d'ello, la orquesta marchó de Kansas en 1936 y firmó un contratu col Grand Terrace de Chicago, depués vendríen conciertos en Buffalo y Roseland en Nueva York. La so primera grabación fuoi en Decca Records en xineru de 1937. Regresó a Chicago y más sero al Ritz Carlton Hotel en Boston. La so grabación de "One O'Clock Jump" convirtióse nel so primer tema nes llistes d'éxitos en seiembre de 1937; más tarde, tras convertise nel so tema más popular, foi incorporáu al Grammy Hall of Fame.
El regresu de Basie a Nueva York tuvo llugar en 1938 nel club the Famous Door, que constituyó tou un éxitu pa la orquesta. Nel iviernu d'esi añu, "Stop Beatin' Round the Mulberry Bush", cantáu por Rushing, entró nel Top Ten de los éxitos.
Al entamu de 1939 tuvo en Chicago, depués de cambiar de compañía discográfica (de Decca a Columbia Records), y más sero marchó a la Costa Oeste.
A principios de los cuarenta fizo llargues xires pel país, que duraron hasta la entrada d'Estaos Xuníos na Segunda guerra mundial n'avientu de 1941, a partir de la cual los movimientos amenorgaron.
Demientres la so estancia na costa oeste participó cola so orquesta en cinco películes, toes elles realizaes en 1943: Hit Parade of 1943, Reveille with Beverly, Stage Door Canteen, Top Man y Crazy House. Obtuvo tamién numberosos éxitos musicales tanto nel ámbitu del pop como del rhythm and blues: "I Didn't Know About You", "Red Bank Blues", "Rusty Dusty Blues", "Jimmy's Blues" y "Blue Skies".
Hacia mediaos de los años setenta la so salú entamó a deteriorase, depués de sufrir un ataque al corazón en 1976. Morrió de cáncer de páncrees en Hollywood, Florida en 1984, a la edá de 79 años.
Selección discográfica
- Count Basie Sextet (1954, Clef)
- Count Basie and the Kansas City 7 (1962, Impulse!)
- Basie Swingin' Voices Singin' (1966, EMI)
- Afrique (1971, BMG International)
- Loose Walk (con Roy Eldridge) (1972, Pablo)
- Basie Jam (1973, Pablo)
- The Bosses (con Big Joe Turner) (1973)
- For the First Time (1974, Pablo)
- Satch and Josh (con Oscar Peterson)
- Basie & Zoot (con Zoot Sims) (1975, Pablo)
- For the Second Time (1975, Pablo)
- Basie Jam 2 (1976, Pablo)
- Basie Jam 3 (1976, Pablo)
- Kansas City 5 (1977, Pablo)
- The Gifted Ones (con Dizzy Gillespie) (1977, Pablo)
- Basie Jam: Montreux '77 (live) (1977, Pablo)
- Satch and Josh...Again (con Oscar Peterson) (1977, Pablo)
- Night Rider (con Oscar Peterson) (1978, Pablo)
- Count Basie Meets Oscar Peterson – The Timekeepers (con Oscar Peterson) (1978, Pablo)
- Yessir, That's My Baby (con Oscar Peterson) (1978, Pablo)
- Kansas City 8: Get Together (1979, Pablo)
- Kansas City 7 (1980, Pablo)
- Kansas City 6 (1981, Pablo)
- Mostly Blues...and Some Others (1983, Pablo)
Enllaces esternos
Wikimedia Commons acueye conteníu multimedia sobre Count Basie.
| Control d'autoridaes |
|
|---|
Datos: Q107008- Multimedia: Count Basie
- ↑ Afirmao en: maniadb. Maniadb artist ID: 119434?o=d. Llingua de la obra o nome: inglés.
- ↑ URL de la referencia: http://proleksis.lzmk.hr/51907/. Apaez como: Bill William (Count) Basie.
- ↑ URL de la referencia: http://www.bbc.co.uk/go/rss/int/news/-/news/uk-scotland-edinburgh-east-fife-10821809.
- ↑ URL de la referencia: http://soozebluesjazz.weebly.com/count-basie.html.
- ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Find a Grave. Data de consulta: 21 xunu 2024. Llingua de la obra o nome: inglés.
- ↑ URL de la referencia: https://www.nytimes.com/1983/04/12/obituaries/catherine-basie.html. Data de consulta: 27 marzu 2024.
- ↑ Afirmao en: idRef. Identificador de referencia de idRef SUDOC: 029424747. Data de consulta: 4 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ «Count Basie». Paséu de la Fama de Hollywood.
- ↑ «Count Basie, Jack Nicholson, Les Paul make New Jersey Hall of Fame» (3 avientu 2009).
- ↑ URL de la referencia: https://www.ksmhof.org/alphabetical-list/.