Agan̄ Ama-ibot Ido (Naijiria)
Agan̄ Ama-ibot Ido (òrere Federal Capital Territory me usem Uket-chieen̄) ìre agan̄-mkpulu eyi òkup inyi mkpulu ido [Federal govt], òkup me agan̄ etete me Naijiria. Abuja òrere ama-ibot Naijiria, ìkup me agan̄ yi. Efieek ijọn̄ me lek oka ama-mkpulu Kwara, Naija, Kaduna mè Pilatu isa ichili ama-mkpulu yi me 3 Sepitemba, 1976;<ref4> agan̄ ilile me lek ijọn̄ esabe ichili agan̄ yi ìnan̄a me lek ama-mkpulu Naija. Agan̄ yi ìkup me agan̄ inyọn̄ etete me Naijiria. Ìkup me agan̄ inyọn̄ me lek usọk-okwaan̄ eyi Okwaan̄ Naija mè Okwaan̄ Benuwe. Agan̄-mkpulu echi òtatap ikana ọmọ ìre Naija me agan̄ ichep-ura mè agan̄ inyọn̄, Kaduna me agan̄ inyọn̄ mbum-ura, Nasarawa me agan̄ mbum-ura mè agan̄ osiki, mè Kogi me agan̄ osiki mbum-ura. Esese òkup me etete agan̄ yi mèlek ebi kè ofifi agan̄-mkpulu me ido Naijiria ìre ke agan̄-mkpulu kechilọ mîkaan̄ ogwu ibot mkpulu egobobe sa me orirọ ibene-ubọk, ire, ogwu òkikpulu agan̄ keyi ìre ogwu otuchieen̄ ogwu ogwu ibot mkpulu ido ogobobe.
Mfufuk
[nen̄e ge | nen̄e me ebon]Ekechili Agan̄ Ama-ibot Ido Naijiria sa me ida ikan [promulgation of decree] òso 6 enyibe me acha 1976. Echili ọmọ mije îkupbe me uyọt ibe eweek ere òbobọbọkọ irek ama-ibot eyi Ama-ile Legọs mije Legọs înwaan̄ enenen, ere òsisik eyi mêkọtbe inama iwele ìkayaka ìmin. Ere yi egobobe kire aya ama-ibot ìre ijọn̄ ebi Gwari mgbọ ya; lek ijọn̄ ya si ìkakukup me irak otoko ita echa òmimiin̄ ichit (òrere Awusa, Igbo mè Yoruba). Ọmọ ore amgan̄-mkpulu ene esebe ichit me emen me Naijiria.
Ida-ikan eyi òso 6 eyi 1976 ya înyi mkpulu ido [Federal govt] unye me lek ijọn̄ òkup me emen agan̄-mkpulu yi. Sabum mkpulu ido onibọkọ lek ijọn̄ agan̄-mkpulu yi, ebi ene mîse me agan̄ mkpulu ya mè iluk ida ibọkọ si [sparsely populated]; ene 120,000 eluk me emen asabọn ama 840; owuwa me lek kiban̄ cha ere ebi Gwari.<ref6> Mîsan̄a ebi ìkiluk me lek ijọn̄ yi me mgbọ ya ifo emen asabọn ama cha òkukup igbet agan̄ ya, kire Suleja me Agan̄-mkpulu Naija mè Niyu Kashi [New Kashi] me Nasarawa.
Agan̄
[nen̄e ge | nen̄e me ebon]Ebi FCTA (Federal Capital Territory Administration) ekikpulu agan̄ yi sà ebi FCDA (Federal Capital Development Authority) ekikpọ chieen̄ me lek inanama ere mè inu-nnama [infrastructure].<ref9> Okike ijọn̄ Agan̄ yi oben̄be ìre 7,315 km². Otu-ifuk ene ìluluk me emen ìre ene 2,238,800 me acha 2016. Ìkaan̄ Agan̄-mkpulu ija gweregwen gaalek, òrere:
Usem
[nen̄e ge | nen̄e me ebon]Usem echi ekitumu me Agan̄ Ama-ibot Ido igọọk me Agan̄-mkpulu ija:[1]
| Agan̄-mkpulu Ija | Usem echi ekitumu |
|---|---|
| Abaji | Dibo; Gupa-Abawa, Ebira, Ganagana |
| Abuja | Gade; Gbagyi, Nupe, Awusa |
| Bwari | Gwandara; Ashe; Gbagyi |
| Gwagwalada | Gbari, Egibra, Awusa |
| Kuje | Gade; Gbagyi |
| Kwali | Gwandara; Gbagyi; Ebira, Kami, Ganagana, Nupe, Awusa |
Mîktumu usem Awusa iwa enenen me Agan̄ Ama-ibot Ido yi.[1]