President d'Ucraína

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Volodymyr Zelensky, actual president d'Ucraína

O president d'Ucraína (en ucrainés: Президент України, tr.: Prezydent Ukrayiny) ye o chefe d'Estau d'Ucraína y ye uno d'os dos masimos representants d'o poder executivo en o país. Ye amás o comandant en chefe d'as Fuerzas Armatas y encabeza o Consello Nacional d'Esfensa y Seguranza, que aserora a o president.

O president representa a la nación ucrainesa en as relacions internacionals, leva a cabo as negociacions y concluye trataus internacionals. Tamién coordina y controla l'actividat d'os organos d'o poder executivo en l'ambito d'a seguranza y esfensa nacional; y, d'alcuerdo con a Constitución ye o garante d'a sobiranía estatal, a indivisibilidad territorial, a observancia d'a Constitución y os dreitos humans y as libertatz d'os ciudadans.

Dende o 20 de mayo de 2019, o president d'Ucraína ye Volodymyr Zelensky, d'o partiu Servidor d'o Pueblo.