Kocherlball

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Kocherlball ye un evento de baile folklorico que se fa una vegada a l'anyo en chulio de 6 am a 10 am en a Chinesischer Turm en o Englischer Garten de Múnich, (Bavera, Alemanya).

Historia

En o sieglo XIX (arredol de 1880) toz os domingos de maitins (de 5 am a 8 am) en primerías de l'estiu, cuan feba buen orache, dica 5000 treballadors domesticos de Múnich (como guisanders, sirvients, ...) se reuniban pa bailar en a Chinesischer Turm. Solament podeban reunir-se muit luego en o maitín porque heban de tornar a treballar dimpués. En 1904, l'evento estió prohibiu por as autoridaz a causa d'a "manca de moralidat".

En 1989 se reprenió a celebración d'o Kocherlball. Muitos participants vienen con ropa tradicional (Dirndls u Lederhosen), beluns tamién con viellos uniformes de sirvients u ropa d'o sieglo XIX. Iste evento atraye en l'actualidat dica 15.000 visitants cuan fa buen tiempo.

Etimolochía

A parola "Kocherl" ye una parola alemana muito emplegada en o sieglo XIX pa denominar a las criadas, os sirvients, as duenyas de casa y, sobre tot, o personal d'a cocina, o guisandero.

Datos: Q1230230
Multimedia: Kocherlball / Q1230230