Alpes bavaros

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Alpes bavaros Bayerische Alpen
Wallberg
Cheografía
Cordelera	Alpes
Sector	{{{sector}}}
{{{tpran}}}	{{{ran}}}
Maxima altaria	2.962 m, Zugspitze
Cimas importants
Largaria
Amplaria
Superficie
Vértiz cheodesico
Subsistemas
Administración
Estau	Alemanya Austria
País
'
Cheolochía
Edat	Terciario
Materials
Tipo
Mapa

O termin Alpes bavaros (en bavaro Boarischen Oipn, en alemán Bayerische Alpen) se refiere en un sentito amplo a la parti d'os Alpes que se troba situata en o territorio d'o estato de Bavera. Manimenos, por un regular se considera que fa parti d'os Alpes bavaros nomás o territorio montanyoso situato entre os ríos Lech y Saalach. Por ixo de traza mas precisa se considera que os Alpes d'Allgäu que s'estendillan por territorio bavaro y de formación mas tardana, y tampoco os Alpes de Berchtesgaden no fan parti d'os Alpes bavaros.

Iste termin tamién s'ha emplegato a sobén por os clubs alpins de parla alemana en a suya clasificación d'os Alpes Orientals seguntes o Club Alpín (en alemán Alpenvereinseinteilung der Ostalpen). Termín que no s'ha de trafucar con o de Prealpes bavaros. Istos zaguers abracan nomás a parte d'os Alpes entre os ríos Loisach por l'ueste y Inn por l'este

Os Alpes bavaros en un sentito mas amplo fan parti d'os Prealpes orientals septentrionals y abracan:

os Alpes d'Allgäu (una parti)
os Alpes d'Ammergau (a mayoría)

Anvista enta l'ueste d'o pico Wallberg (Alpes d'o Mangfall).

o macizo de Wetterstein (parti)
os Prealpes bavaros con o Estergebirge, o Walchenseebergen, o Benediktenwand y os Alpes d'o Mangfall
das Karwendel (una parti, o Vorkarwendel; a parti prencipal se troba en o Tirol)
os Alpes de Chiemgau (a mayoría)
os Alpes de Berchtesgaden (una parti).

A tuca mas alta d'os Alpes bavaros y d'Alemanya ye o Zugspitze. Se troba en a parti occidental d'o macizo de Wetterstein, tien una altaria de 2.962 metros y incluye dos chicotas cheleras alpinas.

Adintro de tot o conchunto d'os Alpes, os Alpes calcarios bavaros fuoron os zaguers en estar modelatos mientres a Edat de Chelo. Asinas s'orichinoron os circos glaciars, os ibons y as tipicas vals en forma d'U. Os sedimentos d'os ríos d'a epoca glacial amás d'as cheleras dixoron en a rechión subalpina un paisache pleno de tozals, ibons y turberas.