Ṭāʾ (Arabische Buechstabe)
Ṭāʾ ( طاء ) isch de sechzeet Buechstabe vom arabische Abece und het de Zaalwert 9. Er isch usem phönizische Thet entstande und drum mitem Hebräische Tet und em griechische Theta verwandt.
Luutwert und Umschrift
[ändere | Quälltäxt bearbeite]S Ṭāʾ isch ann vo de vier arabische emphatische Luut und het kai Entsprechig im Tütsche. Es werd gliich artikuliert wie s Ta, aber mit mee Spanig und d Zunge isch nöcher bim Gaume (IPA: /tˁ/). I de DMG-Umschrift werd s Ṭāʾ mit /ṭ/ gschribe, aso emene /t/ miteme Punkt unedra. I de nödwüsseschaftliche Literatur werd de Punkt maist eweggloo. I Domainnäme und Internetfore werd mengisch d Zaal 6 bruucht, um de Luut z widergee.
S Ṭāʾ isch e Sunebuechstabe, da haisst de Artikel al- werd assimiliert: aṭ-ṭarīqu "de Weg".
Unicode
[ändere | Quälltäxt bearbeite]| Unicode Codepoint | U+0637 |
|---|---|
| Unicode-Name | ARABIC LETTER TAH |
| HTML | ط |
| ISO 8859-6 | 0xd7 |