Rudolf III. vu Bade
| Dialäkt: Undermarkgreflerisch |
Dr Rudolf III. vu Bade († 2. Februar 1332) isch vu 1288 bis zue syym Dod 1332 Markgrof vu Bade gsi.
Är isch dr dritt Suhn vum Markgrof Rudolf I. un däm syyre Frau Kunigunde vu Eberstei us em Ebersteiner Adelsgschlächt gsi.
Dr Rudolf III. het anne 1278 em Chloschter Lichtedal d Stadt Ettlinge gschänkt. Är het vier Chrieg gfiert gege d Stadt Stroßburi un dr Bischof vu Stroßburi. Am Aafang isch dr Rudolf II. no Aahänger gsi vum Chenig Friedrich vu Eschtryych, isch aber im Lauf vu dr Zyt zue däm syym Gegner, em Ludwig vu Baiern, ibergange.
Vor em März 1306 het er d Jutta († 27. März 1327, begrabe im Chloschter Lichtedal) ghyrote, d Dochter vum Berchtold II. Grof vu Stroßburi.
Dr Rudolf III. isch 1332 gstorbe un isch im Chloschter Lichtedal begrabe.