D Hööli vo Lascaux

D Hööli vo Lascaux (franzöösisch Grotte de Lascaux) ligt im Daal vo dr Vézère bi Montignac im franzöösische Departemänt Dordogne. Si ghört sit 1979 zum Wältkulturerbi vo de UNESCO.

Beschriibig

In dr Hööli vo Lascaux si e baar vo de eltiste bekannte abbildende Kunstwärk vo dr Gschicht vo dr Menschhäit. D Bilder wärde in s Jungpaläolithikum datiert, zerst het mä dänggt si sige zwüsche 17'000 und 19'000 Joor alt, jetzt git s Expärte wo si für no elter halte. D Hööli ghöört zum Umkräis vo dr Frankokantabrische Höölikunst.

D Hööli isch am 12. Septämber 1940 vom Marcel Ravidat, Jacques Marsal, Georges Agnel und Simon Coencas entdeckt worde. Dr Henri Breuil het sä undersuecht und no im gliiche Joor en ersti wüsseschaftligi Beschriibig veröffentligt. 1948 isch d Hööli für s Publikum ufdoo worde. Wäge dr Füechdikäit wo d Bsuecher verursacht häi, het sich Schimmel afo bilde und d Hööli isch für s Publikum zuedoo worde. Mä het d Bilder restauriert und sithär wärde si die ganz Zit überwacht.

Bilder

• 
• 
• 
• 
• 

Artifakt

Ööllampe us rootem Sandstäi, wo in dr Nööchi vom Brunne gfunde worde isch

Usser Bilder het s in dr Hööli au Sache gha, wo d Archeolooge usgrabt häi. Drunder si 403 Artifakt us Stäi, 28 Wärkzüüg us Chnoche, Schmuck (10 Muschelumhäng), 113 Überräst vo Dier, e Hufe Holzchoolestück, gröösseri Pflanzeräst und meereri Fragmänt vo de Farbe, wo d Mooler brucht häi.

Weblink

 Commons: Hööli vo Lascaux – Sammlig vo Multimediadateie

• Animierte Rundgang dur d Hööli
• Di internationali Wanderusstellig (französisch und englisch)
• ZDF – Terra X: Die Sixtinische Kapelle der Eiszeit – Fernsehserii Terra X uf ZDF (31. Augste 2008)

Dä Artikel basiert uff ere fräie Übersetzig vu dere Version vum Artikel „Höhle_von_Lascaux“ vu de dütsche Wikipedia. E Liste vu de Autore un Versione isch do z finde.

45.0538055555561.1708333333333200