EuroVelo

Kàrta vum EuroVelo-Netz

Dialäkt: Mìlhüüserisch

EuroVelo ìsch a europäisch Netz vu lànga Velo-Waga. Ìm gànza ìsch dàs Netz mehr às 70 000 Kilometer làng, 's enthàltet àcht Nord-Süd-Waga, viar West-Oscht-Waga un zwei Rundwaga. S Projakt steht unter dr Veràntwortung vu dr ECF (European Cyclists’ Federation).

Gschìcht

D Idee vu'ma ìnternàtionàla Stroßanetz fer d Velo ìsch ànna 1995 entstànda. Àm Ààfàng ìsch's vu da ECF, „De Frie Fugle“ (Dänemàrk) un Sustrans (UK) igfiahrt worra. Zitter Àuigscht 2007 ìsch d ECF allei fer dàs Projakt veràntwortlig.

Ànna 2009 hàt s Europäischa Pàrlamànt ìn dr EU-Kommission verlàngt, àss sa s Projakt EuroVelo un bsunderscht dr Wag EuroVelo 13 („Iron Curtain Trail“ uf Anglisch) unterstìtzt. Da EuroVelo 13 un dr EuroVelo 15 („Rhiiràdwag“) sìn d letschta vo ìns Netz derzüekumma sìn, ìm Septamber 2011.

Ìm Dezamber 2012 hàt s Europäischa Pàrlamànt bschlossa, àss s EuroVelo-Netz ìns Projakt TEN („Trans-European Networks“, uf Anglisch) ufgnumma sott wara.

Ààforderunga

Dr EV 6 z Saint-Louis, ìm Elsàss

As gìtt a pààr Regel, fer àss a Ràdwag àls EuroVelo-Route kààt ààgnumma wara:

• Nàtionàla or regionàla Ràdwaga verwanda, wo's ìm Lànd scho gìtt, oder wo scho vorgsah sìn.
• Dur mìndschens zwei Lander durageh.
• Mìndschens 1 000 km làng sìì.
• A klàra Bezeichnung hàà, wo güeta Verkàuifsmeegligkeita brìngt.
• A effektiva Plànnung hàà (Finànziarung, Pàtnerschàfta...).
• A Lànd-normàlisiarta un vollstandiga Schìlderung hàà, wo ìn beida Rìchtunga sìchtbàr ìsch.
• A spezifischa EuroVelo-Schìlderung hàà, wo d Ààforderunga vu da UNECE un ECF folgt.

Lischta vu da EuroVelo-Waga

Rìchtung Norda-Süda

• EV 1 : Àtlàntikkìschta-Route, Nordkap – Sagres (8 186 km)
• EV 3 : Pìlgerroute, Trondheim – Santiago de Compostela (5 122 km)
• EV 5 : Via Romea Francigena, Brindisi – London (3 900 km)
• EV 7 : Sunna-Route (Mìtteleuropa), Nordkap – Malte (6 000 km)
• EV 9 : Bernstei-Route (Oschtsee – Adria), Danzig – Pula (1 930 km)
• EV 11 : Oschteuropa-Route, Nordkap – Athen (5 964 km)
• EV 13 : Iserner-Vorhàng-Route, Kirkenes – Carelo àm Schwàrza Meer (6 800 km)
• EV 15 : Rhiiràdwag, Andermatt – Rotterdam (1 320 km)
• EV 17 : Rhoneràdwag, Andermatt – Palavas-les-Flots (1 100 km)

Rìchtung Oschta-Weschta

• EV 2 : Hàuipstädt-Route, Galway – Moskau (5 500 km)
• EV 4 : Mìtteleuropa-Route, Roscoff – Kiew (4 000 km)
• EV 6 : Flìss-Route (Àtlàntik – Schwàrz Meer), Saint-Brevin-les-Pins - Constanța (3 653 km)
• EV 8 : Mìttelmeer-Route, Cádiz – Nikosia (5 388 km)

Rundfàhrta

• EV 10 : Hànsa-Rund (Oschtseekìschta) (7 930 km)
• EV 12 : Nordseekìschta-Ràdwag (5 932 km)

Weblinks

 Commons: EuroVelo – Sammlig vo Multimediadateie

• Offiziell Websitt www.eurovelo.com