Carles Puigdemont

de Carles Puidemont im 2016

De Carles Puigdemont, d Langform vom Name isch: Carles Puigdemont i Casamajó [karɫəs pudʒðəˈmon i kazəmə'ʒo] (* 29. Dezember 1962 z Girona, Spanie) isch vom 16. Jänner 2016 bis zum 27. Oktober 2017 dr 130. Präsident vo de Autonome Gmeinschaft vo Katalonie und Ministerpräsident vo de Region gsi.

Er isch Mitgliid in dr CiU gsi, dr Convergència i Unió, won e Bündnis vo katalonische Bardeie gsi isch. 2011 isch er zum Bürgermäister vo Girona gweelt worde, dr erst Nid-Sozialist sit ass Spanie demokratisch worde isch. Im Juli 2015 het er dr Josep Maria Vila d'Abadal as Bresidänt vom Stedtverbund für d Unabhängigkäit (Associació de Municipis per la Independència) abglööst. Bi de Parlamäntswaale in Katalonie 2015 isch er as Abgordnete vo dr Liste Junts pel Sí ins Parlamänt vo dr Region gweelt worde. Am 9. Januar 2016 het en dr Artur Mas as Bresidänt vo Katalonie vorgschlaage, für dass dr Procés, also s Verfaare für d Errichdig von ere unabhängige Republik Katalonie, mit Erfolg witergfüert wurd.

Noch em Unabhängigkeitsreferendum z Katalonie 2017, wo vom oberschte Grichtshof vo Spanie verbote wore isch, sin dr Puigdemont un di vo ihm gfüert Regierig am 27. Oktober 2017 uf Grundlag vo Artikel 155 vo dr spanische Verfassig vom Amt enthobe worde un vo der spanische Justiz u. a. wäge Rebellion aagchlöagt worde. Är isch derno ins Uusland gflücht un läbt siterhär z Belgie im Exil.

Weblink

 Commons: Carles Puigdemont – Sammlig vo Multimediadateie

• Parlament de Catalunya – Carles Puigdemont i Casamajó uf de Website vom katalanische Parlament

Fuessnote

Dä Artikel basiert uff ere fräie Übersetzig vum Artikel „Carles_Puigdemont_i_Casamajó“ vu de dütsche Wikipedia. E Liste vu de Autore un Versione isch do z finde.