Zum Inhalt springen

Boult-sur-Suippe

Us der alemannische Wikipedia, der freie Dialäkt-Enzyklopedy
Boult-sur-Suippe
Wappe vun Boult-sur-Suippe
Boult-sur-Suippe (Frankreich)
Boult-sur-Suippe (Frankreich)
Boult-sur-Suippe
Boult-sur-Suippe
Region Grand Est
Département Marne
Arrondissement Reims
Kanton Bourgogne-Fresne
Kommünàlverbànd Grand Reims
Koordinàte 49° 22′ N, 4° 9′ OKoordinate: 49° 22′ N, 4° 9′ O
Heche 66–116 m
Flech 19,75 km2
Iiwohner 1.780 (1. Jänner 2020)
Bevelkerungsdicht 90 Iiw./km2
Code Postal 51110
INSEE-Code 51074
Website www.boultsursuippe.fr
Dialäkt: Mìlhüüserdiitsch

Boult-sur-Suippe LL-Q150 (fra)-Mathieu Kappler-Boult-sur-Suippe.wav [bul(t) syʁ sɥip](info) ìsch a frànzeescha Gmainda mìt 1.780 Iiwoohner (Schtànd: 1. Januar 2020) ìm Département Marne ìn dr Regioon Grand Est. Sa g’heert zem Arrondissement Reims un ìsch Mìtglììd ìm Gmaindaverbànd Grand Reims.

wu dr Nàmma har ìsch

[ändere | Quälltäxt bearbeite]

S’ Dorf ìsch zem äärschta Mol ànna 1213 unter’m àltfrànzeescha Nàmma Bou ìn’ra Urkunda ärwäähnt worra. Ànna 1226 ìsch’s uff Làtiinisch Bodillum g’nännt gsìì, un d’rnooh wììder uff Àltfrànzeesch Boul ànna 1384 un Boult ànna 1394. Wahrend dr Frànzeescha Revoluzioon ìsch d’ Gmainda unter’m Nàmma Boult grìnda worra. Numma schpeeter hàt sa dr vollschtandiga Nàmma Boult-sur-Suippe ìwwernumma.[1]

Dr Dorfnàmma schtàmmt vu dr Oïl-Wurzla boul, wo „Bìrka“ bediitet.[2]

D’ Iiwoohner nännt m’r Bouquines LL-Q150 (fra)-Mathieu Kappler-Bouquines.wav [bukin](info) (fìr d’ Fràuija) un Bouquins LL-Q150 (fra)-Mathieu Kappler-Bouquins.wav [bukɛ̃](info) (fìr d’ Manner) uff Frànzeesch.[3]

Geogràfii

[ändere | Quälltäxt bearbeite]
Karte
s’ Gmaindagebiat vu Boult-sur-Suippe

Boult-sur-Suippe lììgt äbba 15 Kilomeeter nord-nordeeschtlig vu Reims àm neerdliga Rànd vum Département Marne àn dr Granz zem nochberliga Département Ardennes. D’ Gmainda lììgt àlso ìm Norda vu dr histoorischa Prowìnz Champagne. Sa lììgt ìm Iizuugsgebiat vu dr Seine un wìrd vun Oscht uff Wäscht vu dr Suippe duurakweert. S’ Zäntrum lììgt uff’ra Heecha vun äbba 70 Meeter, s’ Tààl vu dr Suippe a bìtsi tiafer. S’ G’land schtaigt ìn dr Braita bis uff Norda un àuf uff Süüda bis ìwwer 100 Meeter.[4]

Äbba 86 Prozant vu dr Gmaindaflächa waara fìr d’ Làndwìrtschàft b’nutzt, 9 Prozant sìnn b’wàlda, b’sunderscht äntlàng vu dr Suippe (Schtànd: 2018).[5]

Umgaa wìrd Boult-sur-Suippe vu da Nochbergmainda Houdilcourt (Département Ardennes) ìm Nordwäschta un Norda, Sault-Saint-Remy (Département Ardennes) ìm Norda, Roizy (Département Ardennes) ìm Norda un Nordoschta, L’Écaille ìm Nordoschta, Bazancourt ìm Oschta, Pomacle ìm Süüda, Bourgogne-Fresne ìm Süüdwäschta so wia Saint-Étienne-sur-Suippe ìm Wäschta.[4]

G’schìcht

[ändere | Quälltäxt bearbeite]

Àm And vum Äärschta Waltkriag ìsch s’ Dorf zärschteert gsìì.[6] Àm 1. Oktoower 1920 ìsch d’ Gmainda mìt’m Kriagskriiz 1914–18 üsszaichent worra.[7]

Ànna 2022 hann Àltertummforscher vum Nàzionààlìnschtitüüt INRAP z’ Boult-sur-Suippe a reemisch Theààter äntdäckt, wo ìwwer 65 Meeter brait gsìì ìsch.[8]

wia d’ Beveelkerung äntwìckelt hàt

[ändere | Quälltäxt bearbeite]
Joohr 1962 1968 1975 1982 1990 1999 2006 2013 2020
Iiwoohner 840 974 938 899 1361 1353 1436 1689 1780
Kwalla: Cassini un INSEE

wàs doo z’ sah ìsch

[ändere | Quälltäxt bearbeite]
  • d’ reemisch-kàthoolischa Kìrìch vu dr hailiga Kriiz (Sainte-Croix) vum 12. un 13. Joohrhundert. Sa hàt a romàànischer Schìff vum 12. Joohrhundert, a gootisch Kweerschìff un Choor vum 13. Joohrhundert, un a Wäschtfàssààda vum 18. Joohrhundert. D’ Fanschterglaaser hàt d’ Reimser Warkschtàtt Simon-Marcq ìm 20. Joohrhundert harg’schtällt.[9] D’ Kìrìch ìsch friahjer em Màrtiin vun Tours g’wìdmet gsìì. Sa ìsch ìm Äärschta Waltkriag schwaar b’schaadigt un d’rnooh räschtoriart worra — numma àb 1958 hàt m’r doo wììder d’ hailiga Mass àbg’hàlta.[9] Zitter 1920 ìsch sa bii da Histoorischa Dankmooler klàssifiziart, wo-n-a nàzionààla Bediitung hann.[10] Ìn dr Kìrìch sìnn a Schtaischtàtüüta vu dr Màdonna[11] un a Schtaischtàtüüta vum hl. Johànnis Evànggeelìscht, baida vum 16. Joohrhundert, àls Objakta bii da Histoorischa Dankmooler mìt’ra nàzionààla Bediitung klàssifiziart.[12] S’ Gotteshüüs wìrd vum lokààla Verain „Association des Amis de l’Église Sainte-Croix de Boult-sur-Suippe“ pflaagt.[13]
  • d’ reemisch-kàthoolischa Kàpall „Unsra Liawa Fràui vu dr Güata Hìlf“ (Notre-Dame-du-Bon-Secours) vum Joohr 1537. Sa ìsch ìm Diitsch-Frànzeescha Kriag un ìn da baida Waltkriaga mehrmols zärschteert un näi uffbàuija worra. Sa ìsch ànna 2003–2004 nochamol räschtoriart worra.
  • a Waawaräi, wo ànna 1865 vu dr Gsällschàft Hennegrave un Barrecle bàuija worra-n-ìsch. Ànna 1914 sìnn doo 175 Waabschtiahl gsìì. Àlles dàs ìsch zitter’m 24. Àuigscht 1988 ìm Genrààlverzaichniss vu da Histoorischa Dankmooler iitrajt.[14]
  • s’ Kriagerdankmool vum Äärschta Waltkriag. Ar ìsch zitter’m 5. Hornung 2003 ìm Genrààlverzaichniss vu da Histoorischa Dankmooler iitrajt.[15]
  • àn dr Kànààlschtrooss (rue du Canal) schteht a riasiga Schwàrz-Pàppla, womm’r „La Pouplie“ nännt,[16] wo woohrschiins unter dr Härrschàft vum Ludwig XIII. gepflànzt worra-n-ìsch.[17] Sa ìsch 37 Meeter hooch un 12 Meeter ìm Umkrais.[18] Dr Verain „France Sauvage“ hàt sììe àls scheenscht Bàuim vu Frànkrììch g’wählt,[19] un ànna 2021 ìsch sa àm Plàtz 9 vum Wättb’wärb vum „Öiropäischa Bàuim vum Joohr“ àànakumma.[20] Ànna 2018 ìsch dr Bàuim àbsìchtligerwiis verbrännt worra.[21] Ànna 2021 ìsch dr Bàuim krànk gsìì. Maa hàt’na z’äärscht wälla fälla, àwwer ar ìsch schliasslig pflaagt worra.[22][23]
  • d’haim z’ Boult-sur-Suippe hàt dr Blüamagàrtner Jean-François Thiebaux ìwwer 350 Bonsai gepflànzt. Siina Sàmmlung düat’r zitter 1987 pflaaga. Ar hàt g’sajt: „A Bonsai ìsch wia-n-a Frìnd, womm’r b’süacha wìll.“[24]
  • uff dr Suippe ìsch zitter 1348 a Mììhla, wo vum Gérard Labruyère († 2021) räschtoriart worra-n-ìsch.[25][26]
  • uff’m Gmaindagebiat fìnda m’r dräi Wànderwaaga, wo 4, 7 un 14 Kilomeeter làng sìnn.[27]
  • d’ Hailigkriizkìrìch mìt dr Liawafràuikàpall vornadràà
    d’ Hailigkriizkìrìch mìt dr Liawafràuikàpall vornadràà
  • d’ Hailigkriizkìrìch
    d’ Hailigkriizkìrìch
  • d’ Hailigkriizkìrìch
    d’ Hailigkriizkìrìch
  • s’ Bìrgermaischteràmt
    s’ Bìrgermaischteràmt
  • s’ Kriagerdankmool
    s’ Kriagerdankmool
  • uff’m Frììdhoof
    uff’m Frììdhoof
  • d’ Suippe z’ Boult-sur-Suippe
    d’ Suippe z’ Boult-sur-Suippe
  • d’ Suippe z’ Boult-sur-Suippe
    d’ Suippe z’ Boult-sur-Suippe
  • La Pouplie
    La Pouplie

wìchtiga Litt üss’m Dorf

[ändere | Quälltäxt bearbeite]
  • dr Tiaràrzt Pierre Charlier (1814–1893) ìsch z’ Boult-sur-Suippe uff d’ Walt kumma un g’schtoorwa. Ar hàt vììl g’màcht fìr d’ Vììh- un Pfardazucht verbässra un ìsch Mìtglììd vu dr Frànzeescha Làndwìrtschàftsàkàdemii so wia vu dr Reimser Àkàdemii gsìì. Ar ìsch Rìtter vu dr Eehralegioon worra.[28]
  • dr Mooler un Ätzer Gillot Saint-Evre (1791–1891) ìsch z’ Boult-sur-Suippe uff d’ Walt kumma un z’ Biarritz ìm Bàskalànd g’schtoorwa. Siina G’mälda schtälla wìchtiga Ärraignissa un Pärseenlikaita vu dr frànzeescha G’schìcht dààr.[29]

Lìteràtüür zem Dorf

[ändere | Quälltäxt bearbeite]
  • É. F: Un grand théâtre antique en bois. In: Archéologia. Nr. 615, Dezember 2022, S. 11 (französisch).
  • Jean Pétré: La Champagne pouilleuse du côté de Boult-sur-Suippe. In: Amicarte 51, association marnaise de collectionneurs de cartes postales anciennes et modernes. Nr. 36, April 1998, S. 18–25 (französisch).
  • Jean-Paul Ducreux, Charles Poulain: Notre-Dame de Bon Secours et l'église Saint-Martin à Boult-sur-Suippe. In: Bulletin de la société archéologique champenoise. Band 102, Nr. 3, 2009 (französisch).
  • Gaston Robert: La communauté de Boult-sur-Suippe, au XVe siècle. In: Travaux de l'Académie de Reims. Band 149. Reimser Àkàdemii, 1933, S. 131–171 (französisch). Àui ànna 1936 àls Büach ärschììna, 43 S. (Vorschtällung bii dr Départementsàrkiiv)
  • Claudine Allag: La mort d'Adonis : une peinture murale gallo-romaine à Boult-sur-Suippe (Marne). In: Bulletin de la Société archéologique champenoise. Nr. 2, 1988, S. 93–107 (französisch).
  • Frédéric Adam, Bruno Duchêne, Sandrine Thiol, Philippe Vidal: Le cimetière allemand de Boult-sur-Suippe. In: Un siècle de sites funéraires de la Grande Guerre. 2018, S. 53–75 (französisch).
  • L. Guillaume: Boult-sur-Suippe sous l'occupation allemande. 1925 (französisch, 36 S.).
  • Jean-Yves Sureau: La descendance d'Honorable Homme Jehan Fallon, marchand à Boult-sur-Suippe au 16ème siècle. 1980 (französisch, 175 S.).
  • Familles Le Camus et Le Boucher à Boult-sur-Suippe. In: Revue de Champagne et de Brie. Band 13, 1882, S. 172–173 (französisch).

Lüag àui

[ändere | Quälltäxt bearbeite]

Weblìnks

[ändere | Quälltäxt bearbeite]
 Commons: Boult-sur-Suippe – Sammlig vo Multimediadateie

Ainzelnoohwiisa

[ändere | Quälltäxt bearbeite]
  1. ↑ lüag ìn dr Dààtabànk LdH/EHESS/Cassini
  2. ↑ Ernest Nègre: Toponymie générale de la France : formations pré-celtiques, celtiques, romanes. Droz, Gämf 1990, S. 262 (französisch).
  3. ↑ Services publics à Boult-sur-Suippe. In: habitants.fr. Archiviert vom Original am 23. Juli 2024; abgruefen am 9. Dezember 2024 (französisch).
  4. ↑ 4,0 4,1 Dia Informàzioona sìnn üss’m Àrtìkel Boult-sur-Suippe ìn dr hoochdiitscha Wikipedia ìwwernumma worra.
  5. ↑ Répartition des superficies en 15 postes d’occupation des sols (métropole). CORINE Land Cover, 2018, abgruefen am 22. April 2024 (französisch).
  6. ↑ Carte spéciale des régions dévastées : 34 NE, Reims [Nord-Est]. Service géographique de l’armée, 1920 (französisch, bnf.fr [abgerufen am 9. Dezember 2024]).
  7. ↑ Journal officiel du 3 octobre 1920. S. 14741 (französisch).
  8. ↑ Un théâtre antique en bois près de Reims (Marne). INRAP, archiviert vom Original am 9. Dezember 2024; abgruefen am 9. Dezember 2024 (französisch).
  9. ↑ 9,0 9,1 Eglise Sainte Croix. Gmaindaverwàltung Boult-sur-Suippe, archiviert vom Original am 9. Dezember 2024; abgruefen am 10. Dezember 2024 (französisch).
  10. ↑ Eglise ìn dr Base Mérimée vum frànzeescha Kültüürminìschterium (frànzeesch)
  11. ↑ statue : Vierge ìn dr Base Palissy vum frànzeescha Kültüürminìschterium (frànzeesch)
  12. ↑ statue : Saint Jean-l'évangéliste ìn dr Base Palissy vum frànzeescha Kültüürminìschterium (frànzeesch)
  13. ↑ À Boult-sur-Suippe, le village au chevet de l’église et de la mairie. In: L’Union. 8. März 2024, abgruefen am 10. Dezember 2024 (französisch).
  14. ↑ Tissage Hennegrave Frères, puis Lelarge et Cie, puis entrepôt agricole ìn dr Base Mérimée vum frànzeescha Kültüürminìschterium (frànzeesch)
  15. ↑ Monument aux morts de la guerre 1914-1918 ìn dr Base Mérimée vum frànzeescha Kültüürminìschterium (frànzeesch)
  16. ↑ Yannick M.: Le peuplier noir « la Pouplie » de Boult-sur-Suippe, Marne. 18. August 2015, archiviert vom Original am 7. Mai 2013; abgruefen am 10. Dezember 2024 (französisch).
  17. ↑ Antoine Pardessus: L’arbre emblématique de Boult-sur-Suippe sera-t-il élagué ou… abattu? In: L’Union. 16. November 2020, archiviert vom Original am 10. Dezember 2024; abgruefen am 10. Dezember 2024 (französisch).
  18. ↑ Caroline Garnier: Boult-sur-Suippe. Les mensurations de La Pouplie, en lice pour l’Arbre européen de l’année, font débat. In: L’Union. 19. Februar 2021, archiviert vom Original am 10. Dezember 2024; abgruefen am 10. Dezember 2024 (französisch).
  19. ↑ L’Union. 15. Januar 2021 (französisch).
  20. ↑ Caroline Garnier: Boult-sur-Suippe. La Pouplie décroche la 9e place au concours de l’Arbre européen de l’année. In: L’Union. Archiviert vom Original am 23. März 2021; abgruefen am 10. Dezember 2024 (französisch).
  21. ↑ Le peuplier de 46 mètres de haut devra être abattu à Boult-sur-Suippe. In: L’Union. 23. September 2018, abgruefen am 10. Dezember 2024 (französisch).
  22. ↑ Boult-sur-Suippe. C’est bientôt l’heure du toilettage de La Pouplie. In: L’Union. 25. Februar 2021, archiviert vom Original am 10. Dezember 2024; abgruefen am 10. Dezember 2024 (französisch).
  23. ↑ À Boult-sur-Suippe, ils sont aux petits soins pour La Pouplie, élu le plus bel arbre de France. In: L’Union. 28. März 2021, archiviert vom Original am 9. Dezember 2024; abgruefen am 9. Dezember 2024 (französisch).
  24. ↑ PHOTOS. À Boult-sur-Suippe, il possède une collection de bonzaïs incroyable. In: L’Union. Abgruefen am 10. Dezember 2024 (französisch).
  25. ↑ Comment le moulin de Boult aide à réguler la Suippe. In: L’Union. 1. August 2017, archiviert vom Original am 10. Dezember 2024; abgruefen am 10. Dezember 2024 (französisch).
  26. ↑ L’amoureux des moulins de Boult-sur-Suippe est décédé. 8. April 2021, abgruefen am 10. Dezember 2024 (französisch).
  27. ↑ Chemins pédestres. Archiviert vom Original am 16. Juni 2024; abgruefen am 9. Dezember 2024 (französisch).
  28. ↑ Dia Informàzioona sìnn üss’m Àrtìkel Pierre Charlier ìn dr frànzeescha Wikipedia ìwwernumma worra.
  29. ↑ Dia Informàzioona sìnn üss’m Àrtìkel Gillot Saint-Evre ìn dr frànzeescha Wikipedia ìwwernumma worra.


Vun "https://als.wikipedia.org/w/index.php?title=Boult-sur-Suippe&oldid=1062685"