Skoliose
| Skoliose | ||
| Klassifikasie en eksterne bronne | ||
| ||
| ’n X-straalplaat van ’n 16-jarige meisie met skoliose. | ||
| ICD-10 | M41 | |
| DiseasesDB | 26545 | |
 Mediese waarskuwing
| ||
Skoliose (van die Griekse σκολίωσις skoliosis, "kromtrekking")[1] is ’n mediese toestand waar ’n mens se ruggraat ’n sywaartse kurwe het.[2] Die kurwe is gewoonlik S- of C-vormig.[2] In sommige gevalle is die kurwe stabiel, maar in ander kan dit mettertyd vererger.[3] Matige skoliose veroorsaak gewoonlik nie probleme nie, terwyl dit in ernstiger gevalle tot asemhalingsprobleme kan lei.[3][4] Gewoonlik is geen pyn aanwesig nie.[5]
In die meeste gevalle is die oorsaak onbekend, maar dit behels vermoedelik ’n kombinasie van genetiese en omgewingsfaktore.[3] Dit kan ook voorkom weens ander toestande soos spierspasmas, serebrale verlamming en sekere gewasse.[2] Diagnose word met X-strale bevestig.[2] Skoliose word gewoonlik geklassifiseer as óf struktureel wanneer die kurwe onbuigsaam is óf funksioneel wanneer die onderliggende ruggraat normaal is.[2]
Behandeling hang af van die graad van die kurwe, die ligging en die oorsaak.[2] Klein kurwes kan net gemonitor word.[2] Behandeling kan insluit ’n rugstut of chirurgie.[2] Die rugstut moet daagliks gebruik word totdat die persoon ophou groei.[2]
Skoliose kom in sowat 3% van mense voor,[6], gewoonlik op die ouderdomme van tussen 10 en 20[2] en meer dikwels by meisies as by seuns.[2][3]
Verwysings
[wysig | wysig bron]- ↑ "scoliosis". Dictionary.com (in Engels). Geargiveer vanaf die oorspronklike op 20 Oktober 2019. Besoek op 12 Augustus 2016.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 "Questions and Answers about Scoliosis in Children and Adolescents". NIAMS (in Engels). Desember 2015. Geargiveer vanaf die oorspronklike op 7 Augustus 2017. Besoek op 12 Augustus 2016.
- ↑ 3,0 3,1 3,2 3,3 "adolescent idiopathic scoliosis". Genetics Home Reference (in Engels). September 2013. Geargiveer vanaf die oorspronklike op 21 Maart 2020. Besoek op 12 Augustus 2016.
- ↑ Yang, S; Andras, LM; Redding, GJ; Skaggs, DL (Januarie 2016). "Early-Onset Scoliosis: A Review of History, Current Treatment, and Future Directions". Pediatrics. 137 (1): e20150709. doi:10.1542/peds.2015-0709. PMID 26644484.
- ↑ Agabegi, SS; Kazemi, N; Sturm, PF; Mehlman, CT (Desember 2015). "Natural History of Adolescent Idiopathic Scoliosis in Skeletally Mature Patients: A Critical Review". The Journal of the American Academy of Orthopaedic Surgeons. 23 (12): 714–23. doi:10.5435/jaaos-d-14-00037. PMID 26510624.
- ↑ Shakil, H; Iqbal, ZA; Al-Ghadir, AH (2014). "Scoliosis: review of types of curves, etiological theories and conservative treatment". Journal of Back and Musculoskeletal Rehabilitation. 27 (2): 111–5. doi:10.3233/bmr-130438. PMID 24284269.
Eksterne skakels
[wysig | wysig bron]
Wikimedia Commons het meer media in die kategorie Skoliose.
Hierdie artikel is vertaal uit die Engelse Wikipedia
