Rwenzoriberge

Rwenzoriberge Nasionale Park*
Unesco-wêrelderfenisterrein
Margheritapiek op Berg Stanley is die hoogste punt van die bergreeks
Rwenzoriberge Ligging van die Rwenzoriberge Nasionale Park in Uganda
Koördinate: 0°23′09″N 29°52′18″O
Lande	Uganda
Tipe	Natuur
Kriteria	vii, x
Verwysings	684
Streek†	Afrika
Inskripsiegeskiedenis
Inskripsie	1994  (18de Sessie)
Bedreigd	1999–2004
* Naam soos dit in die Wêrelderfenislys verskyn. † Streek soos deur Unesco geklassifiseer.

Die Rwenzoriberge (Engels: Rwenzori Mountains; Frans: Rwenzori; Swahili: Safu ya Ruwenzori), voorheen bekend as die Ruwenzorireeks (die spelling is in 1980 verander om aan te pas by die plaaslike naam Rwenjura), is 'n bergreeks in Oos-Afrika, feitlik op die ewenaar, op die grens tussen Uganda en die Demokratiese Republiek die Kongo. Daar kom gletsers op die berge voor; die water uit die gletsers is een van die Nylrivier se bronne. Die bergreeks se hoogste punt is 5 109 meter. Die hoogste pieke is permanent met sneeu bedek. Die Rwenzoriberg Nasionale Park en Virunga Nasionale Park is in die bergreeks geleë; eersgenoemde is in 1994 deur Unesco as 'n wêrelderfenisgebied gelys en laasgenoemde in 1979.

Die bergreeks is ongeveer 120 km lank en 65 km wyd. Dit bestaan uit ses bergpieke met diep ravyne tussen hulle: Berg Stanley (5 109 m), Berg Speke (4 890 m), Berg Baker (Uganda, 4 843 m), Berg Emin (4 798 m), Berg Gessi (4 715 m) en Berg Luigi di Savoia (4 627 m).

Net noord van die bergreeks is die Albertmeer, terwyl die Edwardmeer 20 km suid is.

Sien ook

• Lys van Wêrelderfenisgebiede

Eksterne skakels

• Wikimedia Commons het meer media in die kategorie Rwenzoriberge.
• (en) "Ruwenzori Range". Encyclopædia Britannica. Besoek op 12 April 2021.

Hierdie artikel is in sy geheel of gedeeltelik vanuit die Engelse Wikipedia vertaal.