Pretoria News

Die Pretoria News is 'n koerant wat deur Leo Weinthal (1865 - 1930) gestig is en die eerste keer op 11 Junie 1898 in Pretoria verskyn het. Die koerant het publikasie gestaak tydens die Tweede Vryheidsoorlog, maar verskyn sedertdien daagliks. Die koerant word hoofsaaklik in Gauteng versprei, met verspreidingsgebiede in Noordwes en Mpumalanga. In 2008 is gemiddeld 28 055 koerante daagliks verkoop met 'n gemiddeld van 86 000 lesers. 65% van die lesers is swart terwyl 33% blank is. Teen die eerste kwartaal van 2022 het die koerant slegs 1 404 eksemplare per dag verkoop, terwyl nog 968 eksemplare gratis versprei is. Dit het van die Pretoria News die kleinste dagblad in Suid-Afrika gemaak.

Piet Rampedi is die redakteur sedert 2021. Die blad behoort tans aan Sekunjalo Independent Media.

Sien ook

• Lys van Suid-Afrikaanse dagblaaie

Eksterne skakels

• (en) Pretoria News se amptelike webwerf