Patrick Anson, 5de Graaf van Lichfield

Hoogedele Graaf van Lichfield
Gebore	(1939-04-25)25 April 1939
Oorlede	11 November 2005 (op 66) Oxford, Engeland
Beroep	Fotograaf
Jare aktief	1962-2005

Thomas Patrick John Anson, 5de Graaf van Lichfield (25 April 1939 - 11 November 2005) was 'n Engelse fotograaf van die Anson-familie. Hy het die titel Graaf van Lichfield in 1960 van sy oupa aan vaderskant geërf. In sy professionele hoedanigheid was hy bekend as Patrick Lichfield.

Biografie

Thomas Patrick John Anson is op 25 April 1939 gebore. Hy was die enigste seun van luitenant-kolonel Thomas William Arnold Anson, burggraaf Anson (1913-1958), die oudste seun en vermoedelike opvolger van Thomas Edward Anson, 4de Graaf van Lichfield (1883-1960). Sy moeder was Anne Bowes-Lyon (1917-1980), 'n niggie van koningin Elizabeth die koninginmoeder. Sy ouers is in 1948 geskei, en sy moeder het daarna prinses Anne van Denemarke geword ná haar huwelik met prins George Valdemar van Denemarke in 1950.

Sy vader is in 1958 oorlede en Patrick het die 5de Graaf van Lichfield geword ná sy oupa se dood in 1960.

Lichfield was in die Britse weermag tot in 1962 en het daarna as 'n fotografiese assistent begin werk. Hy het vir hom 'n reputasie opgebou, deels omdat hy toegang tot die koninklike familie gehad het. Hy is gekies om die amptelike foto's te neem op die troue van die Prins en Prinses van Wallis in 1981, en het daarna een van Brittanje se bekendste fotograwe geword. Vanaf 1999 was hy 'n pionier van digitale fotografie as 'n professionele standaard. Koningin Elizabeth II en die Hertog van Edinburg het hom gekies om in 2002 die amptelike foto's van haar goue jubileum te neem.

Op 10 November 2005 het Lichfield 'n ernstige beroerte gehad en hy is die volgende dag in 'n hospitaal in Oxford oorlede. Hy was 66 jaar oud.

Bibliografie

• Lichfield on Photography. Londen: Collins, 1981.
• The Most Beautiful Women. Londen: Elm Tree, 1981.
• A Royal Album. Londen: Elm Tree, 1982.
• Creating the Unipart Calendar. Londen: Collins, 1983.
• Hotfoot to Zabriskie Point (saam met Jilly Cooper). Londen: Constable, 1985.
• Not the Whole Truth: an autobiography. Londen: Constable, 1986.
• Lichfield on Travel Photography. Londen: Constable, 1986.

Skakels

• Hierdie artikel is in sy geheel of gedeeltelik uit die Engelse Wikipedia vertaal.