Jamaica, Queens
Jamaica is 'n woonbuurt in die Queens-distrik van die metropool New York. John F. Kennedy Internasionale Lughawe is in Jamaica geleë.
Jamaika is in 1656 as 'n dorpie gestig onder Nederlandse bewind in die destydse Nieu-Nederland. Goewerneur Peter Stuyvesant het dit die naam Rustdorp gegee. Die Britte het die gebied in 1664 verower en dit die naam Jamecos gegee (jameco is die woord vir 'bewer' in die Algonquiaanse taal van die Indiane wat destyds daar gewoon het).[1] Later is dit na Jamaica verbaster. Die naam het dus geen verband met die Karibiese eiland Jamaika nie.
In 1683 is die County (graafskap) Queens geskep en Jamaica het een van die vyf dorpe geword, sowel as die graafskapsetel.[2] Op 1 Januarie 1898 is Queens, en daarmee saam Jamaica, by New York gevoeg.
Vandag is Jamaica een van die groot "swart" woonbuurte in Queens. Benewens Afro-Amerikaners, wat reeds lank hier woon, het immigrante uit die Karibiese Eilande, Sentraal-Amerika, Indië en die Midde-Ooste hulle hier gevestig.
Die gebied rondom Jamaica Avenue, die sentrale laan in Jamaica, is 'n belangrike plaaslike kommersiële sentrum. Jamaica-stasie is 'n stasie op die Long Island Rail Road, en die grootste en besigste stasie in Queens.
Hier gebore
[wysig | wysig bron]- Bob Beamon (1946), verspringatleet
- George Coe (1929-2015), akteur, rolprentvervaardiger en rolprentregisseur
- Mario Cuomo (1932-2015), goewerneur
- Bernard Wright (1963-2022), funk- en jazzmusikant en klawerbordspeler
- 50 Cent (1975), rapper
Verwysings
[wysig | wysig bron]- ↑ (en) Michael Pollak, What Is Jamaica, Queens, Named After?, The New York Times, 3 juli 2014. Gearchiveerd op 26 maart 2023.
- ↑ (en) Thirteen, A Walk Through Queens - The First Residents. Geargiveer op 19 Oktober 2022.
