Ernest Leonard Johnson
| Ernest Leonard Johnson | |
| Gebore | 21 Desember 1891 Bloemfontein, Suid-Afrika |
|---|---|
| Oorlede | 1977 (85–86 jaar oud) Suid-Afrika |
| Nasionaliteit | Suid-Afrikaans |
| Vakgebied | Sterrekunde |
| Instelling(s) | Union Observatory |
| Toekennings | Donohoe Komeetmedalje |
Ernest Leonard Johnson (1891 - 1977) was 'n Suid-Afrikaanse sterrekundige en 'n voormalige personeellid van die Union Observatory in Johannesburg, Suid-Afrika. Hy is bekend vir die ontdekking van 18 asteroïdes tussen 1946-1951, asook verskeie komete.[1] Op 25 Augustus 1949 het hy 48P/Johnson ontdek, 'n periodieke komeet wat omtrent 1,2 AU van ons planeet sal wees wanner dit in 2025 verbygaan.[2] Johnson het die Donohoe Komeetmedalje twee keer ontvang[3]: 40 voordat hy in 1956 afgetree het. Hy is in 1977 dood.[4]
Biografie
[wysig | wysig bron]Johnson was die seun van William Johnson, 'n mediese praktisyn, en Rachel Sarah Joan Sanderson. Hy het aan Grey-kollege, Bloemfontein, Suid-Afrika gematrikuleer en begin werk in 'n myn, maar toe sy broer, Cecil Robert Johnson, in 'n mynongeluk dood is, het hy by die Union Observatory in Johannesburg, Suid-Afrika, aansoek gedoen. Hy het daar in 1914 as leerder sterrekundige begin werk.[5]
Hy het tydens die veldtog in Suidwes-Afrika (nou Namibië) as deel van die gewapende magte van die Unie van Suid-Afrika tydens die Eerste Wêreldoorlog (1914-1918) gedien, maar was huis toe gestuur weens siekte. Hy het herstel en na Engeland gegaan waar hy as 'n bomwerper vlieënier aan die Royal Flying Corps gedien het. Ná die oorlog het hy teruggekeer na die Union Observatory en daar vir die res van sy loopbaan gebly.[5]
Johnson het sterrekaarte van die hemel suid van 19 grade-suid gemaak, in samewerking met Harry Edwin Wood. In Januarie 1935, terwyl hy 52 grade-suid in die hemel soek, het hy 'n dowwe komeet ontdek, wat vir minder as twee maande sigbaar was. Hierdie komeet is Johnson se komeet 1935 genoem. Hy het in 1948 'n tweede komeet ontdek.[5]
Tussen Augustus 1946 en Julie 1951 het Johnson ook 18 asteroïdes ontdek, waarvan die belangrikste 1580 Betulia genoem is. Hierdie asteroïde is op 22 Mei 1950 ontdek tydens sy naby benadering tot die aarde. Van 1921 tot 1953 is sy waarnemings van die asteroïdes en meer as 30 komete gepubliseer in die Circular of the Union Observatory, Johannesburg.[5]
Johnson was 'n lid van die Sterrekundige Vereniging van Suider-Afrika en het bygedra tot dié se Maandelikse Notas.[5]
Komete
[wysig | wysig bron]Johnson se ontdekkings van komete sluit in:
- C / 1935 A1 op 8 Januarie 1935 (Komeet a 1935)[6]
- C / 1948 R1 op 1 September 1948 (Komeet 1948 j) [7]
- 48P / Johnson op 25 Augustus 1949[2]
- C / 1949 K1 op 20 Mei 1949 (Komeet 1949 a en / of 1949 d)[3]
Asteroïdes
[wysig | wysig bron]Johnson word gekrediteer deur die Minor Planet Center met die ontdekking van 18 asteroïdes:[1]
- 1568 Aisleen (21 August 1946), vernoem na sy vrou Aisleen Johnson
- 1580 Betulia (22 Mei 1950), vernoem na Betulia Herrick, vrou van die Amerikaanse sterrekundige Samuel Herrick
- 1585 Union (7 September 1947), vernoem na die sterrewag, Union Observatory
- 1607 Mavis (3 September 1950)
- 1609 Brenda (10 Julie 1951), vernoem na een van sy kleindogters, Brenda
- 1618 Dawn (5 Julie 1948)
- 1623 Vivian (9 August 1948)
- 1731 Smuts (9 August 1948 ), vernoem na Jan Smuts
- 1760 Sandra (10 April 1950), vernoem na een van sy kleindogters, Sandra
- 1819 Laputa (9 Augustus 1948)
- 1885 Herero (9 Augustus 1948)
- 1922 Zulu (25 April 1949)
- 2546 Libitina (23 Maart 1950)
- 2651 Karen (28 Augustus 1949)
- 2718 Handley (30 Julie 1951)
- 2829 Bobhope (9 Augustus 1948), later vernoem na Bob Hope, Amerikaanse komediant
- 3184 Raab (22 Augustus 1949)
- 5038 Overbeek (31 Mei 1948), vernoem na Michiel Daniel Overbeek, Suid-Afrikaanse sterrekundige
Privaat lewe
[wysig | wysig bron]In 1922 het Johnson met Aisleen Devenish getrou, met wie hy 'n dogter en 'n seun gehad het. Hy het in Desember 1951 van die sterrewag afgetree, maar het voortgegaan om tot 1956 te werk. Gedurende hierdie tyd het hy potensiële sterrekundige terreine getoets met draagbare reflekterende teleskope vir die organisasie European Southern Observatory.
Verwysings
[wysig | wysig bron]- ↑ 1,0 1,1 Minor Planet Discoverers (by number) (Engels). Minor Planet Center (2 April 2018). URL besoek op 2 Mei 2018.
- ↑ 2,0 2,1 JPL Small-Body Database Browser: 48P/Johnson (Engels). Jet Propulsion Laboratory. URL besoek op 2 Mei 2018.
- ↑ 3,0 3,1 C. D. Shane (Februarie 1952). "Report of the Donohoe Comet Medal Committee". Publications of the Astronomical Society of the Pacific (in Engels). 64 (376): 39. Bibcode:1952PASP...64...39.. doi:10.1086/126418. Besoek op 2 Mei 2018.
- ↑ Johnson, Carolyn A. (2015). Ernest Leonard Johnson (1891 - c.1977) - Genealogy (Engels). URL besoek op 23 Mei 2019.
- ↑ 5,0 5,1 5,2 5,3 5,4 Johnson, Mr E L (astronomy) (Engels). S2A3 Biographical Database of Southern African Science. URL besoek op 23 Mei 2019.
- ↑ R. G Aitken (Februarie 1936). "Report of the Comet Medal Committee with Awards of the Comet Medal". Publications of the Astronomical Society of the Pacific (in Engels). 48 (281): 52. Bibcode:1936PASP...48...52.. doi:10.1086/124657. Besoek op 2 Mei 2018.
- ↑ C. D. Shane (Februarie 1949). "Report of the Comet Medal Committee". Publications of the Astronomical Society of the Pacific (in Engels). 61 (358): 51. Bibcode:1949PASP...61...51.. doi:10.1086/126123. Besoek op 2 Mei 2018.