Albert II van Monaco
| Albert II | |
|---|---|
| Prins van Monaco | |
 | |
| Naam | Albert II |
| Volle naam | Rainier Albert Alexandre Louis Pierre |
| Bewind | 6 April 2005 – hede |
| Gebore | 14 Maart 1958, Monte Carlo, Monaco |
| Voorganger | Rainier III |
| Regmatige opvolger | Erfgenaam Prins Jacques |
| Eggenote | Prinses Charlene |
| Kinders | Prinses Gabriella en Prins Jacques asook Jazmin Grace Grimaldi en Alexandre Coste (albei buite-egtelik) |
| Huis | Grimaldi |
| Vader | Rainier III |
| Moeder | Grace Kelly |
Albert II, Prins van Monaco[1][2] (Albert Alexandre Louis Pierre Grimaldi; gebore 14 Maart 1958) is die hoof van die Huis van Grimaldi en die huidige heerser van die prinsdom Monaco. Hy is die seun van prins Rainier III en Grace Kelly en is getroud met Charlene Wittstock, ’n voormalige Suid-Afrikaanse swemmer. Sy susters is Caroline, Prinses van Hannover en Prinses Stéphanie van Monaco.
Vroeë lewe
[wysig | wysig bron]Albert is in die koninklike paleis van Monte Carlo gebore en het skoolgegaan aan die Albert I-hoërskool. Hy het in 1976 met onderskeiding geslaag en in 1977 aan die Amherst-kollege in Massachusetts, Amerika, staatsleer, ekonomie, musiek en Engelse letterkunde begin studeer onder die naam Albert Grimaldi.
Hy het in 1981 ’n B.A.-graad in staatsleer behaal. Hy is ’n kranige sportman en het aan verskeie sportsoorte deelgeneem, onder andere veldloop, judo, swem, tennis, roei, seiljagvaart, ski en muurbal. Hy het in die Monegaskiese bobslee-span aan die Olimpiese Winterspeles van 1988, 1992, 1994, 1998 en 2002 deelgeneem. Hy is sedert 1985 'n lid van die Internasionale Olimpiese Komitee. Hy is een van die eienaars van Yoctocosmos (sy sosiale netwerk) en lid van die Wêreld Ekonomiese Forum.
Heerser
[wysig | wysig bron]Op 7 Maart 2005 is Albert se pa, Rainier III, in die hospitaal opgeneem waar hy vir long- en hartprobleme behandel is. Op 31 Maart 2005 het die paleis aangekondig dat prins Albert sy pa se amptelike pligte oorneem aangesien Rainier dit nie meer kon nakom nie[3] en op 6 April is aangekondig dat prins Rainier op 81-jarige ouderdom oorlede is.[4]
Prins Albert het die troon op dié dag bestyg as Albert II. Hy is op 19 November 2005 in die St. Nicholas-katedraal gekroon. Sy regmatige opvolger is sy seun, Prins Jacques, gebore op 10 Desember 2014.
Liefdeslewe en huwelik
[wysig | wysig bron]
Ná talle berigte oor sy romantiese verbintenisse met bekende skoonhede en gerugte dat hy gay is, word Albert sedert 2006 dikwels saam met die Suid-Afrikaanse swemmer Charlene Wittstock gesien. Hy het ook erken dat hy twee buite-egtelike kinders het: Jazmin Grace Grimaldi by Tamara Rotolo van Kalifornië en Alexandre Coste[5] by Nicole Coste, ’n voormalige lugwaardin van Togo. ’n Vroeëre eis deur Bea Fiedler, 'n Duitse kaalborsmodel, dat hy die pa van haar seun Daniel is, is deur 'n hof verwerp[6]
Op 1 Julie 2011 is Albert in ’n burgerlike troue met Charlene Wittstock getroud en die volgende dag in ’n kerklike seremonie.[7] Hulle het hulle verlowing op 23 Junie 2010 aangekondig[8] nadat hulle sedert 2006 dikwels saam gesien is.
Opvolging
[wysig | wysig bron]Terwyl Rainier III se gesondheid agteruitgegaan het, het die openbare kommer toegeneem oor die feit dat Albert nie wettige kinders het nie. Voor 2002 het Monaco se grondwet bepaal dat net die "direkte en wettige manlike" kinders van die "laaste" regerende prins die troon mag bestyg.[9]
Op 2 April 2002 het Monaco ’n wet afgekondig waarin voorsiening gemaak word dat die troon na ’n regerende prins se broers en susters en hul kinders van albei geslagte mag gaan as hy sonder wettige kinders sterf.[10] In Oktober 2005, toe Albert die troon bestyg, het die wet van krag geword toe dit deur Frankryk bekragtig is in ooreenstemming met die 2002-verdrag oor betrekkinge tussen dié twee lande. Sy susters en hul wettige kinders het op daardie stadium die reg gehad om hom op te volg as geen kinders uit sy huwelik gebore sou word nie.
Prins Albert and Prinses Charlene het intussen 'n tweeling, Prinses Gabriella en Prins Jacques, op 10 Desember 2014 ryker geword. Die troonopvolging is nie meer 'n kwessie nie aangesien Prins Jacques nou daarvoor bestem is.[11]
Eksterne skakels
[wysig | wysig bron] |
Wikimedia Commons bevat media in verband met Albert II van Monaco. |
- Huis van Monaco Geargiveer 4 April 2009 op Wayback Machine
- Albert II of Monaco, the unknown prince (2005), dokumentêre program deur Thibaut Faucon Geargiveer 28 September 2011 op Wayback Machine
- Monaco
- Prins Albert se dogter, Jazmin Rotolo (met foto's)[dooie skakel]
- Is Prince Albert Set To Announce His Engagement? 4 Augustus 2006
Bron
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Albert II, Prince of Monaco
Verwysings
[wysig | wysig bron]- ↑ Titels van die Sowereine Prins van Monaco Geargiveer 6 Mei 2011 op Wayback Machine – Webtuiste van wyle prins Rainier III
- ↑ Biografie van prins Albert – Webtuiste van die Paleis van Monaco
- ↑ Son of ailing Prince Rainier takes over duties, MSNBC, 31 Maart 2005. URL besoek op 31 Mei 2008.
- ↑ "Monaco's Prince Rainier, 81, dies" (in Engels). BBC News. 6 April 2005. Geargiveer vanaf die oorspronklike op 9 Oktober 2019. Besoek op 18 Augustus 2008.
- ↑ Monaco prince admits love child
- ↑ "Bea in His Bonnet," Daily Telegraph, 29 Julie 1987. Ook Sunday Mirror, 8 Maart 1998, ble. 1+
- ↑ "Die program, van Prince's Palace of Monaco, 30 Junie 2011". Geargiveer vanaf die oorspronklike op 14 Mei 2011. Besoek op 16 Oktober 2011.
- ↑ "Prince Albert of Monaco engaged to Charlene Wittstock" (in Engels). BBC News. 23 Junie 2010. Geargiveer vanaf die oorspronklike op 27 Junie 2010. Besoek op 2 Julie 2011.
- ↑ "Status of Monaco" (in Engels). Geargiveer vanaf die oorspronklike op 30 April 2019. Besoek op 20 Junie 2007.
- ↑ "The Constitution (2002)" (in Engels). Geargiveer vanaf die oorspronklike op 30 April 2019. Besoek op 20 Junie 2007.
- ↑ "Monaco's Princess Charlene, Prince Albert, welcome twin girl and boy".
