New Park
New Park is 'n residensiële voorstad van Kimberley, die hoofstad van die Noord-Kaap, Suid-Afrika.
New Park | |
|---|---|
  New Park New Park se ligging in Noord-Kaap | |
| Koördinate: 28°44′53″S 24°45′39″O / 28.74806°S 24.76083°O | |
| Land |  Suid-Afrika |
| Provinsie | Noord-Kaap |
| Distrik | Frances Baard |
| Munisipaliteit | Sol Plaatje |
| Hoofplek | Kimberley |
| Oppervlak | |
| • Totaal | 1,54 km2 (0,59 vk. myl) |
| Bevolking (2011)[1] | |
| • Totaal | 1 635 |
| • Digtheid | 1 062/km2 (2 750/vk. myl) |
| Rasverdeling (2011) | |
| • Wit mense | 60,9% |
| • Indiërs/Asiërs | 1,1% |
| • Bruin mense | 18,1% |
| • Swart mense | 19,4% |
| • Ander | 0,5% |
| Taal (2011) | |
| • Afrikaans | 70,8% |
| • Engels | 15,3% |
| • Tswana | 7,2% |
| • Xhosa | 2,4% |
| • Zoeloe | 1,3% |
New Park dateer van die vroeë dae van diamantontginning in Kimberley en was eers bekend as Newton, maar nadat die plaaslike krotbuurte op groot skaal opgeruim is, het dit in 1945 die nuwe naam New Park gekry. Die Newtonkerk was die eerste permanente kerkgebou wat in Kimberley opgerig is. Genl. J.B.M. Hertzog het kleintyd Sondagskoolklasse in die kerk bygewoon en ds. J.D. Kestell het sy loopbaan as predikant in die NG Kerk in dié gemeente begin. Hy was die stigter van die Newton-kinderhuis. Volgens oorlewering het die meester van die Vrede-en-Harmonie-Vrymesselaarslosie die weeshuis se hoeksteen gelê terwyl al die lede van die losie die geleentheid bygewoon het in hul volle Vrymesselaars-mondering.
New Park word begrens deur Albertynshof, genoem na nog 'n plaaslike predikant, ds. J.R. Albertyn, Kestellhof in die noordweste, genoem na ds. Kestell, en Hadison Park in die weste. In die noordooste grens dit aan die middestad.
Vir sensusdoeleindes beslaan New Park 1,54 km². In 2011 was hier 1 635 inwoners van wie amper 61 persent wit was, net meer as 19 persent swart en sowat 18 persent bruin. Amper 71 persent van die inwoners se huistaal was in daardie jaar Afrikaans en net meer as 15 persent s'n Engels.[2]
Bron
wysig- (en) Potgieter, D.J. 1973. Standard Encyclopaedia of Southern Africa. Cape Town: Nasionale Opvoedkundige Uitgewery Ltd.
Verwysings
wysig- ↑ 1,0 1,1 1,2 1,3 "Subplek New Park". Sensus 2011.
- ↑ (en) Adrianforth.com. URL besoek op 28 Februarie 2016.