Mikstertbyvanger
Die mikstertbyevanger (Dicrurus adsimilis) is 'n algemene standvoël wat in die meeste dele van Suider-Afrika voorkom. Dit leef in boomvelde, savanne, en plantasies. In Engels staan die voël bekend as die Fork-tailed Drongo.
| Mikstertbyvanger | |
|---|---|
| |
| D. a. fugax afgeneem in Rwanda, en sang van die nominale subsp., S.-Afrika | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | D. adsimilis
|
| Binomiale naam | |
| Dicrurus adsimilis Bechstein, 1794
| |
Die mikstertbyevanger is 'n swart voël met opvallende rooi oë en 'n tangerige diepgevurkte stert. Dit is 'n aggressiewe voël wat selfs groot roofvoëls van sy nes sal verwilder.
Die mikstertbyevanger is 'n voël omtrent so groot soos 'n duif, wat heeltemal glansend blouswart is. Sy opvallendste kenmerke is die rooi oë en die gevurkte stert. Sy snawel is kort en effens na onder geboë, en daar kom borselhare voor aan die snawelbasis, wat die neusgate bedek.
Buiten die suidelikste punt, kom mikstertbyevangers oral in Suider-Afrika voor en verkies veral die oop bosveld. Hulle word gewoonlik in pare aangetref, waar hulle op 'n hoë punt sit en insekte inwag. Insekte word in die vlug of op die grond gevang.
Die voëls broei in die somer en die nessie is 'n vlak kom van dun takkies wat gewoonlik hoog op in 'n boom aan die punt van 'n tak of in 'n takvurk geplaas word. Terwyl die een voël broei, hou die ander een naby die nes wag en val veral dan enige indringer, selfs groot roofvoëls of klein katte, onmiddellik aan. 'n Indringer word verwilder deur met 'n groot lawaai op hom af te duik en hom op die kop te pik.
Identifikasie
wysigDie voël word 23 tot 26 cm lank en weeg 38 tot 55 gram. Die voël is groot met 'n diep mikstert; die vorm kan verander tydens ververing. Die volwasse voël is glansend blouswart met helderrooi oë.
Die Afrikaanse koekoek, 'n broeiparasiet, gebruik hierdie voël as broeigasheer vir sy kleintjies.
Sien ook
wysigBronnelys
wysig- Wêreldspektrum, 1982, ISBN 0908409605, volume 19, bl. 77
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
