Kraaifontein

Kraaifontein
Kraaifontein
	Voorstad
	Kraaifontein
	Koördinate: 33°52′0″S 18°41′0″O / 33.86667°S 18.68333°O
Land	Suid-Afrika
Provinsie	Wes-Kaap
Metropolitaanse Munisipaliteit	Stad Kaapstad
Oppervlak
• Totaal	30,82 km2 (11,90 vk. myl)
Bevolking
• Totaal	154 615
• Digtheid	5 000/km2 (10 000/vk. myl)
Tydsone	UTC+2 (SAST)
Poskode	7570
Skakelkodes	021

Kraaifontein is 'n groot dorp in die provinsie Wes-Kaap van Suid-Afrika.

As gevolg van Kaapstad se noordoostelike uitbreiding is die dorp nou in die Kaapstad-metropool opgeneem en word as 'n voorstad beskou.

Kraaifontein het 2 hoërskole (Eben Dönges en Monument Park) en drie laerskole (Laerskool Aristea, Laerskool Fanie Theron en Laerskool Simonsberg).

Daar is twee spoorweë stasies naamlik Eikenfontein en Kraaifontein ook. Amptelik is daar ook 'n skietbaan vir sport beoefening.

Plaaslike bestuur

Kraaifontein se status het met verloop van tyd soos volg verander:

1957-1996: sy eie munisipaliteit
1996-2000: deel van die Oostenberg-munisipaliteit
2000 tot op hede: deel van die Kaapstad-metropool.

Wapen

Die munisipale raad het in 1963 'n wapen aangeneem: In silwer, 'n rooi keper, in die skildhoof vergesel van twee heraldiese fonteine en in die skildvoet van 'n druiwetros met blare van natuurlike kleur. Die helmteken was 'n witborskraai, en die wapenspreuk "Non auro sed virtute". Schalk Pienaar het die wapen ontwerp.

Die wapen is in 1964 by die Kaapse Provinsiale Administrasie geregistreer; in 1967 formeel deur die provinsiale administrateur verleen, en in 1969 by die Buro vir Heraldiek geregistreer.^[1]^[2]

Misdaad

Op Vrydag, 12 Julie 2019, is die Suid-Afrikaanse Nasionale Weermag in onder meer Kraaifontein ontplooi om hoë vlakke van misdaad, wat die Suid-Afrikaanse Polisiediens tot dusver nog nie onder beheer kon bring nie, te takel.^[3]

Sien ook

Lys van dorpe in Suid-Afrika

Verwysings

↑ Kaap de Goeie Hoop Offisiële Koerant 3245 (26 Junie 1964) en 3391 (3 Maart 1967).
↑ National Archives of South Africa: Data of the Bureau of Heraldry.
↑ "South Africa is deploying the army to fight crime – here's how the murder rate compares to an actual war zone". BusinessTech (in Engels). 12 Julie 2019. Geargiveer vanaf die oorspronklike op 6 Desember 2019. Besoek op 12 Julie 2019.

[ok-1] Kaap de Goeie Hoop Offisiële Koerant 3245 (26 Junie 1964) en 3391 (3 Maart 1967).

[boh-2] National Archives of South Africa: Data of the Bureau of Heraldry.

[3] "South Africa is deploying the army to fight crime – here's how the murder rate compares to an actual war zone". BusinessTech (in Engels). 12 Julie 2019. Geargiveer vanaf die oorspronklike op 6 Desember 2019. Besoek op 12 Julie 2019.

[1]

[2]

[3]