白銅

白銅係銅合金一種，實情係銅鎳合金，銅與鎳混埋，加硬時會加鐵或錳。白銅就算含銅好多，色澤同銀相似，所以叫白銅。白銅中國好早就發現，可能來自雲南礦物，雖則當時並唔知乜嘢係鎳，但戰國時有兵器同白銅。歐洲希臘人有造過白銅，而希臘人到西域大夏等地，亦因波斯有礦物，而造出白銅，用來鑄錢。不過歐洲此後就無白銅記載，直到一五九七年先再發現白銅。

白銅好抵得到鹹水浸蝕，唔易生鏽，時時拎來海上用。抵得鹹水，皆因佢可調到電離中性。現今亦時時拎來做銀仔，通常成份，七成半銅，二成半鎳，輕量錳。