民主思路
民主思路（Path of Democracy），係一個香港政治組織，初時係智庫組織，立場定位係中間派，2015年6月創辦，召集人係公民黨前成員兼立法會前議員湯家驊（以填補於2015年6月22號退黨，到10月1號起生效係辭去立法會議員席位前公民黨成員嘅湯家驊喺新界東民選議席空缺職務）。但喺湯家驊加入行政會議之後，湯嘅立場同意見完全同泛民主派時期嘅佢相違背，所以大部分泛民主派支持者將湯家驊睇成係親中共建制派[1][2]。
歴史
[編輯]民主思路喺2015年6月8號成立，當時嘅香港經歷完雨遮革命，泛民主派同香港政府，同埋北京政府關係完全破裂，甚至催生出香港本土派，主張同北京全面對抗。當時啱啱完成退出公民黨嘅立法會議員湯家驊即日起無得留低（係喺2015年6月18號嘅香港立法會議員就投票政改方案2017後4天內退黨申請而離任）。牽頭成立，定位係智庫同論政平台，並且打出「修補裂痕 重新上路」嘅口號[3]，修補民主派同北京嘅關係。
創會成員入面由溫和民主派到建制派都有，例如陳祖為、葉健民、張楚勇、宋恩榮、王于漸等[4]（前三個通常畀人歸類係民主派，後面兩人就屬於建制派）。
不過，成立之後嘅一兩年時間，好多人因為唔同理由退出。
喺2016年立法會選舉，作為智庫嘅民主思路決定派人出嚟選，分別由黃梓謙出選香港島，麥嘉晉出選新界東。兩人分別攞到10,028票同8,084票，無緣晉身立法會。而學者葉健民同張楚勇就因為民主思路開始政黨化，所以退出[5]。
2017年香港特首選舉，湯家驊參選法律界選委，不過落選。之後湯氏好多次喺公開場合同寫文支持林鄭月娥，而成員李律仁同劉培榮亦喺林鄭嘅競選團隊入面。另一方面，總幹事袁彌昌就喺曾俊華嘅團隊入面。特首選舉最後由林鄭月娥贏咗，湯家驊入咗行政會議，成員馮海容就做咗商務及經濟發展局政治助理，陳祖為不滿湯家驊為港府同北京護航，偏離創會原則而退出[6]。去到當時期，民主思路好多核心人物已經走咗。
喺2018年左右，民主思路開始部署嚟緊嘅區議會選舉，佢哋計劃派6個人落區小試牛刀。最後佢哋得4個人真係參選，唔單只全軍覆沒，全部人重因為得票唔夠5%，連保證金都攞唔返。
2019年嗰時，政府提出逃犯條例修訂草案，湯家驊作為行會一員，負責同政府向大眾推銷條例。結果社會大眾發生好大嘅反彈，繼而衍生香港修例風波。由於湯家驊嘅法律專業，普遍認為湯家驊係有份一手一腳設計逃犯條例修訂嘅人。
2021年，民主思路同新思維結盟，派人出戰第7屆香港立法會選舉。民主思路派出參加地區直選嘅兩名候選人都輸咗。
參考
[編輯]- ↑ 〈湯家驊倡引例打港獨〉。《蘋果日報》。2020-03-27。原著喺2020-04-18歸檔。喺2020-04-18搵到。
- ↑ 〈湯家驊籲李慧琼主持內會「破局」〉。《星島日報》。2020-04-16。原著喺2020-04-18歸檔。喺2020-04-18搵到。
- ↑ 〈「民主思路」成立 阿湯任召集人 - 香港文匯報〉。paper.wenweipo.com。喺2020-02-19搵到。
- ↑ 〈湯家驊成立智庫「民主思路」 翟紹唐任榮譽顧問 | 立場報道 | 立場新聞〉。《立場新聞 Stand News》 (英文)。原著喺2019-08-18歸檔。喺2020-02-19搵到。
- ↑ 〈眾新聞 | 民主思路政黨化 葉健民：分手時候〉。《眾新聞》 (中文)。葉健民：分手時候 原著喺2020-03-27歸檔。喺2020-02-19搵到。
- ↑ 〈眾新聞 | 不滿湯家驊撐政府 陳祖為退民主思路 骨幹幾乎全退〉。《眾新聞》 (中文)。原著喺2020-03-27歸檔。喺2020-02-19搵到。
