寓言 (專輯)

寓言
王菲嘅錄音室專輯
發行日期	2000年10月20號
類型	國語流行音樂
唱片公司	百代唱片
監製	王菲、張亞東（1-5） 梁榮駿（6-12）
王菲專輯年表
唱遊大世界王菲香港演唱會 98-99 （1999年） 寓言 （2000年） 王菲音樂盒 （2001年）

《寓言》係香港歌手王菲出嘅第十七張大碟、第八張國語大碟，喺百代唱片嘅第四張大碟，喺2000年10月20號發行。專輯有12隻歌：10隻係國語，2隻粵語歌係將碟入面嘅2隻國語歌重新填詞做粵語，照顧香港市場。

簡介

呢張大碟係王菲第二次完整嘅藝術嘗試。唱片完全割裂做兩部分：前5首王菲作曲，林夕作詞，張亞東編曲，王菲同張亞東合作製作；後5首（加2首粵語歌）係商業作品，由王菲合作咗12年嘅梁榮駿製作，呢次都係梁榮駿最後一次為王菲製作專輯。前5首渾然一體，用複雜宏大嘅編曲同沉重嘅背景樂表達一個完整嘅概念。呢次係唯一一次由林夕負責全部作詞嘅王菲專輯。

「寒武紀」以弦樂開場，厚重嘅風格類似電影配樂；「新房客」係王菲、張國榮等主演電影《戀戰沖繩》嘅其中一個主題曲；「香奈兒」弦樂貫穿電音裡；「阿修羅」凝重低沉，嘆息般嘅吟唱營造出陰霾嘅氛圍；最後嘅「彼岸花」用佛教輪迴講明世事無常，將五首歌融為一個整體。林夕負責全部五首歌嘅歌詞，用神話、傳說、文學、電影、宗教嘅辭彙嚟配合張亞東嘅編曲。

喺後5首，「再見螢火蟲」行歌德風搖滾，「笑忘書」係鋼琴搭配弦樂嘅抒情歌，都係固定班底C.Y. Kong寫嘅。郭偉亮第一次為王菲寫歌，「如果你是假的」。潘協慶第二次合作，寫咗「你喜歡不如我喜歡」。固定班底Adrian Chan寫咗「不愛我的我不愛」。

唱片版本

• 香港豪華版：CD+VCD，厚紙書，膠盒裝，豪華版封面。
• 香港平裝版：1CD，平裝版封面，膠盒裝。
• 台灣版：進口港版。
• 日本版：1CD，藍色側標，豪華版封面，普通CD盒裝。
• 大陸首版：1CD，平裝版封面，膠盒裝。
• 大陸再版：1CD，紅色側標，平裝版封面，普通CD盒裝。
• 新加坡版：進口港版，送「你喜歡不如我喜歡」單曲同封面紙袋。
• 韓國版：1CD，平裝版封面，有貼紙，膠盒裝。

其他版本：

• 卡帶 錄音帶版
• 《唱遊5 in 1》版：《唱遊5 in 1》係將王菲喺百代5張大碟綁埋一齊發售。

衍生產品：

• 《寓言 + 精選 卡拉 OK》 VCD/DVD：收錄咗呢張專輯7隻歌加上頭兩張專輯6隻精選成13隻歌歌音樂錄影帶，附帶卡拉OK 功能。

曲目

全碟填詞：林夕　

曲序	曲目	作曲	編曲	監製	時長
1.	寒武紀	王菲	張亞東	王菲、張亞東	5:16
2.	新房客（電影《戀戰沖繩》主題曲）	王菲	張亞東	王菲、張亞東	5:12
3.	香奈兒	王菲	張亞東	王菲、張亞東	4:52
4.	阿修羅	王菲	張亞東	王菲、張亞東	4:58
5.	彼岸花	王菲	張亞東	王菲、張亞東	5:19
6.	如果你是假的	Eric Kwok	恭碩良	梁榮駿	3:58
7.	不愛我的我不愛	Adrian Chan	Adrian Chan	梁榮駿	4:20
8.	你喜歡不如我喜歡	潘協慶	Adrian Chan、Barry Chung	梁榮駿	4:02
9.	再見螢火蟲	C.Y. Kong	C.Y. Kong	梁榮駿	5:09
10.	笑忘書	C.Y. Kong	C.Y. Kong	梁榮駿	4:27
11.	螢火蟲（「再見螢火蟲」粵語版）	C.Y. Kong	C.Y. Kong	梁榮駿	5:09
12.	給自己的情書（「笑忘書」粵語版；無線電視劇《婚前昏後》主題曲）	C.Y. Kong	C.Y. Kong	梁榮駿	4:27

日本版（附加曲目）
曲序	曲目	填詞	作曲	編曲	時長
13.	Eyes On Me（Almighty Radio Mix）	染谷和美	植松伸夫	Almighty	3:59
14.	香奈兒（日語版）	山田ひろし	王菲	張亞東	4:55

韓國版（附加曲目）
曲序	曲目	填詞	作曲	編曲	時長
13.	Eyes On Me	染谷和美	植松伸夫	濱口史郎	5:34

豪華版（附加VCD）
曲序	曲目
1.	海倫仙度絲Head & Shoulders最新廣告—製作花絮
2.	海倫仙度絲Head & Shoulders最新廣告
3.	寒武紀 新房客 香奈兒 阿修羅 彼岸花製作花絮—尋愛的冒險

獎

香港：

• 香港電台十大中文金曲頒獎音樂會：
  • 2000年度：「十大中文金曲」—「給自己的情書」
  • 2000年度：「十大優秀流行歌手大獎」
  • 2000年度：「全國最受歡迎中文流行歌曲獎」銀獎—「給自己的情書」
  • 2000年度：「全國最受歡迎女歌手」—金獎
  • 2000年度：「全球華人最受歡迎女歌手」
  • 2000年度：「四台聯頒—傳媒大獎」
• 無綫電視十大勁歌金曲頒獎典禮：
  • 2000年度：「十大勁歌金曲」—「給自己的情書」
  • 2000年度：「最佳填詞」：林夕—「給自己的情書」
  • 2000年度：「最佳編曲」：C.Y. Kong—「給自己的情書」
  • 2000年度：「亞太區最受歡迎香港女歌星獎」
• 商業電台叱咤樂壇流行榜：
  • 2000年度：「專業推薦叱咤十大」第六位—「給自己的情書」
• 新城電台新城勁爆頒獎禮：
  • 2000年度：「勁爆歌曲」—「給自己的情書」
  • 2000年度：「勁爆女歌手」
  • 2000年度：「勁爆亞洲女歌手」
  • 2000年度：「形爆女歌手」

台灣：

• 金曲獎
  • 2000年度：最佳流行音樂演唱專輯獎（提名）
  • 2000年度：最佳作詞人獎：林夕—「笑忘書」（提名）
  • 2000年度：最佳編曲人獎：張亞東—「香奈兒」（提名）
  • 2000年度：最佳專輯製作人獎：王菲、張亞東、梁榮駿—《寓言》（提名）
  • 2000年度：最佳國語女演唱人獎（提名）

Channel V

• 中文榜中榜：
  • 2000年度：Top 20—「笑忘書」
  • 2000年度：新千年傑出女歌手獎