鵝蛋

鵝蛋（英文：Goose Egg），係鵝生出嚟嘅蛋，呈橢圓形，體積同重量係雞蛋嘅四至五倍，表面比較光滑，呈白色，鵝蛋嘅蛋白質含量比雞蛋低；脂肪含量比其他蛋類高，鵝蛋中亦含有多種維他命同礦物質，不過質地較粗糙，草腥味較重，味道唔及雞蛋同鴨蛋。

鵝蛋

食法

鵝蛋嘅食法同雞蛋一樣，可以做烚蛋、煎蛋，又或者煎蠔餅，食起嚟分外香口。

功效同作用

• 鵝蛋去胎毒
• 促進胎兒大腦發育
• 健身禦寒
• 增強記憶力

藥用價值

鵝蛋性味甘微溫，有補中益氣嘅作用，含有蛋白質、脂肪、卵磷脂、維他命、鈣、鐵、鎂等成分，有一定營養價值。但根據《食療本草》記載：鵝蛋「多食發痼疾」，所以比較少作為食療用。

因為鵝蛋有一種叫卵磷脂嘅物質，能夠幫助消化，亦富含有豐富嘅蛋白質，比雞蛋同鴨蛋高好多倍。此外，鵝蛋有一種鹼性物質，會損傷內臟。

治燙火傷，皮肉潰爛疼痛：鵝蛋清加入少少白酒搽，亦可以加少少冰，以加強止痛作用。

熱毒瘡瘍：以鵝蛋清搽喺瘡瘍上面。

副作用

• 食鵝蛋要適量，一次唔可以食太多，唔喺嘅話會引致腸胃不適。
• 鵝蛋唔可以同雞蛋一齊食，因為會傷元氣。
• 鵝蛋含有一種鹼性物質，會損傷內臟，所以每日唔好食超過三隻，以免令到內臟損傷。
• 發燒、動脈硬化、氣滯嘅人唔適宜食鵝蛋。

營養價值

• 鵝蛋含有豐富嘅營養成分，例如：蛋白質、脂肪、礦物質、維他命等。
• 鵝蛋含有多種蛋白質，最多同最主要嘅喺蛋白中嘅卵白蛋白同蛋黃中嘅卵黃磷蛋白，蛋白質中含有人體所必須嘅各種氨基酸，係完全蛋白質，人體容易吸收同消化。
• 鵝蛋中嘅脂肪絕大部分集中喺蛋黃度，含有較多嘅磷脂，其中一半係卵磷脂，呢啲成分對人嘅腦同神經組織嘅發育有重大作用。
• 鵝蛋中嘅礦物質主要喺蛋黃之內，鐵、磷、鈣含量比較多，亦容易被人體吸收利用。
• 鵝蛋亦含有豐富維他命，蛋黃中有豐富嘅維他命A、D、E、核黃素同埋硫胺素、蛋白中嘅維他命以核黃素同尼克酸居多，呢啲維他命亦係人體所必須嘅維他命。