郭德綱
郭德綱（1973年1月18號—），中國天津人，相聲演員，曾經擔任影視劇演員同電視清談節目主持人。2004年冬天起受到媒體嘅關註，知名度逐漸上升。郭德綱自稱「非著名相聲演員」，佢相聲愛好者自稱「綱絲」。
| 郭德綱 | |
|---|---|
| 曲藝家 | |
| 國籍 |  中華人民共和國 |
| 民族 | 漢族 |
| 籍貫 | 天津 |
| 出世 | 1973年1月18號 中國大陸天津 |
| 職業 | 相聲演員、主持人、演員 |
| 語言 | 漢語 |
| 教育程度 | 初中 |
| 宗教信仰 | 佛教 |
| 配偶 | 王惠 |
| 仔女 | 大仔：郭麒麟 二仔：郭汾瑒 |
| 代表作品 | 《我要上春晚》 |
| 活躍年代 | 2005年— |
| 經紀公司 | 德雲社 |
| 網站 | 個人網站 |
| Template:Crosstalk actor master-apprentice relation module | |
經歷
編輯- 1973年喺中華人民共和國天津出世。
- 1981年，8歲開始拜高慶海學習評書，曾演說《楊家將》、《張廣泰》、《隋唐》。
- 1989年，拜天津著名相聲演員、作家楊志剛為師學相聲[1]，學習了《鬧公堂》、《打燈謎》、《八扇屏》、《大保鏢》、《吃元宵》等傳統相聲段子。
- 1990年代以前，郭德綱曾久居天津紅橋區大紅橋兒南北竹林村一帶。
- 1991年初，楊志剛借住文化局招合同工嘅機會，把郭德綱招進咗文化館，既當辦事員，又喺小品隊當演員。[2]
- 據楊志剛話：「1994年初，文化館發現郭德綱偽造簽字票據，涉及的金額大概1萬元，以及郭德綱偷竊文化館演出『行頭』」[2][3]。
- 1995年郭德綱開始闖蕩北京。
- 1996年建立相聲表演團體北京相聲大會（而家嘅德雲社）。
- 1998年曾經同著名相聲表演藝術家範振鈺合作過一次。
- 2000年開始咗同北京相聲名家張文順嘅合作。
- 2000年，同于謙初次合作，2002年，2人開始搭檔[4]。
- 而後郭德綱又曾經同張永久、王世勇、楊進明、王玥波合作。
- 2004年拜師相聲名家侯耀文。
- 2005年加盟其師父侯耀文嘅鐵路文工團。
- 2006年12月，又同于謙、李菁同高峰3人拜民間藝人金文聲做師，分別得名郭增福、于增祿、李增壽同高增喜。
- 2008年，德雲社喺北京定期演出嘅基礎上又增加咗喺天津八一禮堂嘅定期演出。
- 2013年同老搭檔于謙首次登上中央電視台春節聯歡晚會，表演節目《敗家子》[5]。
佢嘅徒弟包括張雲雷、岳雲鵬、孔雲龍、朱雲峰、欒雲平、于雲霆（于謙個仔，本名于思洋）、李雲傑（相聲師承為楊進明）、曹鶴陽等。
作品
編輯相聲
編輯郭德綱所演繹嘅相聲作品入面，大多數係將原有嘅傳統相聲進行再加工，例如佢嘅《賣吊票》同《賣面茶》都是將原有嘅傳統相聲進行再加工同埋全新演繹。但是郭德綱喺傳統相聲基礎上，編寫咗一啲全新嘅相聲作品，例如佢自行創作嘅「我」字系列同埋「你」字系列相聲作品。
2006年，德雲社舉辦德雲社成立10周年紀念專場，郭德綱喺呢啲系列專場裏推出咗一系列新作。
2009年5月9號，郭德綱喺人民大會堂舉辦從藝20周年專場演出，重新演繹包括《學電台》《西征夢》等老作品[6]。
曲藝
編輯曾經錄制350集評書《梁山好漢》，由山東衛視播出。出版《單口相聲小段精粹》。策劃運作《千禧新春曲藝名家名段欣賞晚會》。投資拍攝《中國地方戲失傳劇目大觀》影碟系列。主演評劇《鍘判官》。 2004年錄制百集單口相聲《大話劉羅鍋》。
《濟公傳》：2009年8月21號——8月28號，作為從藝20周年系列演出嘅重要部分，郭德綱連續8日主要講傳統評書《濟公傳》，重話呢個只係第一季[7]。呢次演出喺優酷網同步實況直播，觀眾可畀錢觀看、下載[7]。
影視作品
編輯- 曾創作大型休閑喜劇《正德皇帝下江南》、20集青春偶像劇《優美情人》、百集系列片《俗語傳》 、電視電影《麥田往事》《笑面人生》、20集電視劇《尋人檔案》、20集系列片《井俓拉花》。
- 1998年拍攝電視藝術片《話說北京》。編劇並出演男一號《非常檔案》。任中國教育電視台《美食故事》主持人兼編導。任安徽衛視《超級大贏家》主持人。係北京藝飛鴻影視公司編寫20集情景喜劇《非常時期》。編創20集電視劇《中國藝人》，由廣東嶺南影業中心拍攝。
- 2003年安徽衛視《超級大贏家》任主持人。2005年安徽衛視《劇風行動》任主持人。
- 2006年喺北京電視台主持《星夜故事秀》節目。2006年國慶在天津衛視上映佢主演嘅100集情景喜劇《小房東》。2007年喺天津衛視主持綜藝節目《笑傲江湖》。
- 2007年喺電影《落葉歸根》入面客串出演角色。2007年德雲社出資拍攝《相聲演義》，2009年喺各大電視台播出。2007年喺天津衛視上映佢主演嘅60集情景喜劇《追著幸福跑》。
- 2008年遼寧衛視《到底是誰》擔任主持人。2008年喺天津衛視上映佢主演嘅古裝喜劇《清官巧斷家務事》。後因事停播，據知，11月份即將喺佢劇本改動後重新上映。2008年喺電影《扈三娘和矮腳虎王英》中飾演主角王英。2008年拍攝新戲《縣長老葉》。
- 2009年推出古裝相聲賀歲劇《天生我才》。（春節期間該劇在40家電視台播出）
- 2009年 雞毛蒜皮沒小事 飾演 剛子
- 2010年 竇天寶傳奇 飾演 竇天寶
- 2010年 知縣葉光明 飾演 葉光明
- 2011年江蘇衛視《非常了得》任主持人。喺遼寧衛視上映佢主演嘅民國喜劇《我是大偵探》。
- 2012年 胭脂霸王 飾演 圓頭道人
- 2013年 大宅門1912 飾演 高靜階
- 2013年 夢回唐朝 飾演 殷浩，大剛
- 2015年《歡樂喜劇人》擔任主持人
- 2016年 濟公傳 飾演 濟公
- 2016年《喜劇總動員》擔任主持人，拍檔吳秀波
文學
編輯- 2013年5月出版自傳性質作品《過得剛好》
爭議
編輯有人話郭德綱抄襲傳統相聲嘅名段改做自己嘅段子，例如：「騎馬前行」改做「騎摩托車前行」；「賣掛票」改做「賣吊票」等等，重有人指摘佢某啲作品風格低俗，語言庸俗、媚俗。對此，郭德綱曾經喺魯豫有約節目入面話批評聲音對相聲嘅要求「實在是太高了」。郭認為，能夠畀觀眾帶嚟歡樂係相聲最重要嘅目的，「教育意義」屬無稽之談。
- 同汪洋嘅糾紛
2006年3月初，2006年央視春晚語言小品類導演之一嘅汪洋將郭德綱告到西城法院，起因係郭德綱喺之前冇幾耐嘅新年相聲專場入面連名同姓咁講到「汪洋的老婆跟別人睡覺，汪洋因此要自焚」一事。就呢件事，汪洋特別嬲，喺接受採訪時再話：郭德綱故意捏造事實，必須對此事承擔全部責任[8]。呢件案原定喺4月5號上晝9點開庭審理，但由於郭德綱提前申請，要求延期15日，法院畀咗佢呢個請求。4月19號下晝2點半，郭德綱喺天橋劇場排練廳召開記者發布會首次按照汪洋要求通過媒體向汪洋同佢嘅家人道歉。4月23號下午4點半，汪洋喺北京崇文文化館召開新聞發布會，宣布撤訴[9]。
- 同楊志剛嘅糾紛
2006年，郭德綱曾經嘅老師楊志剛喺天津召開發布會，指出郭德綱「偽造說」入面涉及到自己嘅內容係畀自己身上潑咗「汙水」，要求佢「公開賠禮道歉」，3月16號記者知道，楊志剛已正式委托律師代理這起名譽糾紛，記者隨即聯系咗郭德綱嘅經紀人，佢嘅電話已轉至秘書台。但喺呢個之前嘅採訪入面，佢話過：「告就告唄，無所謂。」[10]
- 代言藏秘排油茶涉嫌虛假廣告
2007年3月，央視播出嘅《3.15》晚會入面，郭德綱代言嘅減肥藥「藏秘排油茶」廣告被曝“吹牛”[11]。許多人因為佢話嗰個茶可以「迅速抹平女人小肚子、男人大肚子」而買咗，結果發現幾乎無效，而狀告廠家。郭德綱自己話確實自己服用過，感覺有療效。
同年4月，北京居民王立堂狀告北京市工商行政管理局不履行法定職責調查「藏秘排油茶」嘅虛假廣告[12]。6月27號，北京市海澱區人民法院宣判北京市工商行政管理局怠於履行職責，要求被告對原告反映嘅涉嫌虛假廣告問題進行調查處理[13]。
- 徐德亮退出德雲社
2008年9月，王文林、徐德亮突然宣布退出郭德綱領銜嘅德雲社[14]，佢哋2個人隨後接受採訪話退出嘅原因係工資待遇問題。[15]
- 宋祖德罵戰
2009年4月，郭德剛同宋祖德喺網絡上展開對罵，大家有視頻同文字喺網絡上流傳。[16]
- 郭德綱徒弟打人事件
- 移民澳大利亞傳聞
2013年1月23號，網上有傳聞稱郭德綱已經移民去澳大利亞[17]。後郭德綱喺微博辟謠回應，否認移民澳大利亞，「仍為天津戶口的中國籍公民」[18][19]。
- 同北京電視台嘅再次衝突
2013年11月19號，時任北京電視台台長王曉東因肝癌去世，而郭德綱第二日透過微博發出一首打油詩，寫有「一去殘冬曉日紅，三杯酒淚奠蒼穹，雞腸曲曲今何在？始信人間報應靈。」重配以紅色「囍」字圖案，重將嗰個留言置頂，呢件事即刻引發咗媒體嘅廣泛關註同批評。北京電視台喺同年12月初發表聲明，指責郭德綱含沙射影，侮辱已故嘅王曉東，呼籲各方去譴責同抵制。中國廣播電視協會都喺召開緊急會議後發表公開聲明，譴責郭言行失當，除咗要求佢公開道歉外，重呼籲全國近400家電視台共同抵制。外界猜測，佢早年同北京電視台屢傳糾紛而遭封殺，所以借留言諷刺佢嘅去世係因果報應。郭德綱之後已刪除嗰個留言，而中國國內各媒體對應該支持抵制則意見唔同，有支持「抵制」者話郭德綱「有才無德」，都有唔少人反對抵制，重質疑北京電視臺「公器私用」，而中國國內各電視臺則紛紛噤聲，拒談這場風波[20][21]。
- 德雲社家譜事件
2016年8月31號，郭德綱公開《德雲社家譜》，表示「該清的清，該驅的驅。所謂的清理門戶，是為了給好人們一個交代。凡日月所照、江河所至皆以忠正為本。留下藝名帶走臉面，願你們萬裏鵬程。從此江湖路遠，不必再見。」同埋「另有曾用雲字名者2人，欺天滅祖悖逆人倫，逢難變節賣師求榮，惡言構陷意狠心毒，似此寡廉鮮恥令人發指，為警效尤，奪回藝名逐出師門。」令曹雲金喺同年9月5號發長篇博文反擊，重獲得何雲偉嘅支持，成了輿論嘅關註焦點[22]。
師承關係
編輯| 從師（相聲門） | 輩分（相聲門） | 收徒（相聲門）[23] | |
| 侯耀文 | 明 |
“雲”字科 | 閆雲達、張雲雷、欒雲平、孔雲龍、於雲霆、朱雲峰、岳雲鵬、寧雲祥、李雲傑、李雲天、陶雲聖、張雲藩、於雲田曹雲金 |
| “鶴”字科 | 杜鶴來、曹鶴陽、劉鶴春、閻鶴祥、李鶴林、李鶴彪、劉鶴英、張鶴倫、高鶴彩、張鶴君、姬鶴武、吳鶴臣、孟鶴堂、楊鶴通、梁鶴坤、鐘鶴軒、馬鶴琪、張鶴峰、於鶴真、劉鶴清、張鶴雯、孫鶴寶、楊鶴靈、張鶴帆、齊鶴濤、郎鶴炎、關鶴柏、王鶴江、高鶴鵬、侯鶴廉、李鶴東、張鶴艦、金鶴年、房鶴迪、靳鶴嵐、朱鶴松、欒鶴華、張鶴欒、李鶴浦 | ||
| “九”字科 | 張九齡、李九春、周九良、楊九郎、張九馳、高九成、王九龍、張九南、何九華、鄭九蓮、李九江、孫九香、劉九仁、關九海、尚九熙、李九重、劉九儒、劉九思、陳九福、陳九品、倪九濤、董九力、李九天、陳九桐、曹九台、張九泰、韓九鳴、董九涵、張九林、梅九亮 | ||
| 口盟弟子 | 張康、馬兆壯、王耀宗、歐弟 | ||
| 從師（西河大鼓門） | 輩分（西河大鼓門） | 收徒（西河大鼓門） |
| 金文聲 | 增 |
李景麟、高曉攀、李景麒、劉景華、閻景俞 |
參考
編輯- ↑ 〈當年師父楊志剛細說與郭德綱的恩恩怨怨(圖)-搜狐娛樂〉。
- ↑ 2.0 2.1 〈師傅楊志剛細說與郭德綱的"恩恩怨怨"〉。新京報。2006年3月9號。喺2016-05-25搵到。
- ↑ 〈郭德綱被師父揭短 曾因騙報銷被解聘〉。上海青年報。2006-03-05。喺2016-05-25搵到。
- ↑ 〈於謙簡介〉。原著喺2010年6月12號歸檔。喺2017年4月11號搵到。
- ↑ 郭德綱攜匯源冰糖葫蘆汁再登央視 8年恩怨一朝曲終
- ↑ 演出節目單：
- 1、陶 陽、龍龍 【雜學唱】
- 2、郭德綱、於 謙 【論捧逗】
- 3、高 峰、欒雲平 【誇住宅】
- 4、郭德綱、於 謙 【揭 瓦】
- 5、曹雲金、劉雲天 【栓娃娃】
- 6、郭德綱、於 謙 【學電台】
- 7、何雲偉、李 菁 【汾河灣】
- 8、郭德綱、於 謙 【西征夢】
- ↑ 7.0 7.1 邵靖 (2009-08-23)。〈郭德綱評書專場不怕網上"打包" 首創評書"兩吃"〉。《法制晚報》 (簡體中文)。原著喺2016-03-04歸檔。喺2009-09-04搵到。
{{cite news}}: Cite has empty unknown parameter:|coauthors=(help) - ↑ 稱曾被對方公開侮辱 曲藝同行汪洋要告郭德綱 互聯網檔案館嘅歸檔，歸檔日期2008年12月8號，.人民網，2006年2月27號
- ↑ 郭德綱身陷糾紛 新浪網，2006年4月23日
- ↑ 楊志剛要求郭德綱道歉 互聯網檔案館嘅歸檔，歸檔日期2017年3月5號，.人民網，2006年3月13號
- ↑ 虛假廣告坑了誰 郭德綱事小 人民事大 互聯網檔案館嘅歸檔，歸檔日期2016年3月4號，.人民網，2007年3月16號
- ↑ 藏秘排油茶廣告引發的行政案開審新浪網，2007年4月20號
- ↑ 北京工商局因藏秘排油茶廣告被起訴案宣判新浪網，2007年6月28號
- ↑ 徐德亮新浪博客聲明 2008年10月1號
- ↑ 新浪新聞-德雲社內訌 2008年10月1號
- ↑ 宋祖德與郭德綱掀罵戰：我要讓他跪地求饒 2009年4月2號
- ↑ 知名博主爆料：郭德綱已移民澳大利亞，鳳凰網娛樂。
- ↑ 〈郭德綱否認移民澳大利亞 自稱天津戶口中國籍〉。網易娛樂。喺2013-02-09搵到。
- ↑ 〈北京西城人民政府辟謠：郭德綱未移民澳大利亞〉。騰訊娛樂。原著喺2013-01-27歸檔。喺2013-02-09搵到。
- ↑ 〈辱已故京電視台台長 郭德綱遭封殺〉。《Apple Daily 蘋果日報》。原著喺2015年5月2號歸檔。喺2017年4月11號搵到。
- ↑ 多家電視臺冷對“抵制郭德綱” 外界籲法律解決-新華網
- ↑ 曹雲金郭德綱罵戰 2016年9月5號
- ↑ 〈北京晨報 - 德雲社家譜〉。原著喺2016年9月5號歸檔。喺2017年4月11號搵到。
