島國

島國係指一國全部係由島組成，響大陸上面完全無領土。2007年為止，世界有四十七個島國，好多都係好細。

島國有兩隻。第一隻係大島夾成，同大陸好近，人口亦都多，日本、斯里蘭卡、菲律賓、古巴、馬耳他、英國、波多黎各、馬達加斯加、臺灣同埋印尼。呢啲島國文化政治同大陸鄰國都好近。島國有度好，就係隔住個海，無咁易俾人打。重有係，佢哋行船都好掂，響地區，甚至國際都有貿易優勢。

另一隻係細島組成，呢類島國有馬耳他、科摩羅、巴哈馬、湯加同埋馬爾代夫。呢類國同大陸好唔同，因為佢哋太細，地都唔夠耕田，又無咁多天然資源。之不過，家下佢哋可以發展旅遊業，甚至變成全國收入支柱。

有啲島國集中響一兩個島，好似英國同日本咁。有啲就分散到千百個島上面，好似菲律賓、印尼同馬爾代夫。有啲島國同第二啲國分佔一個島，好似愛爾蘭、海地、多明尼加共和國、聖馬田同巴布亞新畿內亞。