伊能靜

伊能靜（粵拼：ji1 nang4 zing6；英文：Annie Yi；1968年 3月4號—）係一個臺灣女歌手、女演員，原名吳靜怡（粵拼：ng4 zing6 ji4），祖籍山東，喺臺北出世，佢阿媽係臺灣群星會藝人藍茜，筆名達客。

簡介

伊能靜嘅阿爸同阿媽離咗婚之後，佢細個時候便同家姐喺香港居住。後尾阿媽再婚嫁畀日本人伊能祥光跟伊能姓，改名伊能靜江（日文：伊能静江イノウシズカ／Inou Shizuka）。佢幾年之後又同阿媽去咗東京，18歲嗰陣就返去臺灣做藝人。

伊能靜早前係歌手出身，佢喺流行樂壇之中亦都有唔同程度嘅變化。1995年，佢開始擔演臺灣導演侯孝賢嘅電影《好男好女》、《南國再見，南國》同埋《海上花》。跟住又演出咗英國導演Peter Greenaway（英文：Peter Greenaway）嘅《八又二分之一女人（英文：8½ Women）》，仲連續四度入圍法國康城影展，1997年之後前往中國內地發展；1999年，伊能靜響臺灣播出嘅電視劇《人間四月天》中擔演陸小曼。

伊能靜18歲嗰時，即以同臺灣男藝人庾澄慶相識。跟住相戀多年之後，兩人響2000年嘅情人節當日低調拉埋天窗。2002年3月16號，佢個仔喺美國出世。到咗2008年，伊能靜畀大陸記者影到同臺灣男星黃維德兩人手拖手嘅相片。2009年3月20號，庾澄慶公開結束咗九年嘅婚姻，兩人宣告離婚。

2014年5月，伊能靜開始同中國大陸男藝人秦昊交往，同年7月便已接受男方嘅求婚。2015年3月21號，兩人喺泰國布吉府舉辦婚禮。2016年6月28號，佢個女響美國出世，花名米粒。