Pōe-sò͘

Pōe-sò͘ (倍數) sī chi̍t ê sò͘-ha̍k bêng-sû, kong-ê sī chi̍t-ê sò͘ chham chi̍t-ê chéng-sò͘ ê chek. Oaⁿ-kù-ōe-kóng, chiam-tùi nn̄g-ê sò͘ a kap b, nā-sī chûn-chāi chi̍t-ê chéng-sò͘ n tì-sú b = na, lán tiō kóng b sī a ê pōe-sò͘. Nā-sī a bô-téng-î 0, tiō piáu-sī b/a sī chi̍t-ê chéng-sò͘, chit-ê tû-hoat ē-ēng chéng-tû, bô î-sò͘ chûn-chāi. 2 ê pōe-sò͘ mā chia̍p-chia̍p hō-chò ngó͘-sò͘.

Nā-sī a chham b lóng sī chéng-sò͘, b sī a ê pōe-sò͘, a tiō sī b ê iok-sò͘.

Nā-sī a chham b lóng sī chéng-sò͘, chi̍t-ê chéng-sò͘ c tông-sî sī a chham b ê pōe-sò͘, lán tiō kóng c sī a chham b ê kong-pōe-sò͘; koh nā-chún c sī boán-chiok chit-ê tiâu-kiāⁿ ê siōng-sè ê chèng-chéng-sò͘, lán tiō kóng c sī a chham b ê chòe-siáu kong-pōe-sò͘.