Islamitische Staete
D'n Islamitische staete in Irak en de Levant (Araobisch: الدولة الاسلامية في العراق والشام - ad-Dawla al-Islāmiyya fi al-'Irāq wa-sh-Shām, Iengels: Islamic State in Iraq and the Levant), ofgekort as IS(IS) dan wel ISIL, is 'n islamitische terreurgroep die in 2014 groôte delen van Syrië en Irak veroverde. Op 10 juni 2014 viel de twidde stad van Irak, Mosoel in han'n van Isis. In Syrië maeke ze gebruuk van de chaos as gevolg van de Syrische Burheroôrlog.
In auhustus sloege vee Jezidi's op de vlucht voo de strieders van d'n 'Islamitische Staete'. Ze kwamme vast te zitten op 'n gebergte bie de grens mee Syrië. Amerikaons ingriepen vookwam 'n groôtere genocide, mae toch kwamme d'r nog aoltied duuzenden van ulder om.
De staet was op'ericht op 3 jannewari 2014. Op 29 juni van dat jaer was 't kalifaot uutgeroope.
Sins 23 maerte 2019 bestaet 't kalifaot niet meêr.
Oôdstad van 't onoffciële land was Ar-Raqqah. 't Kalifaot bestond uut de volgende deêlen. Er weunde ongeveêr 7,5 meljoen mins'n.
- Syrische provincies
- Ar-Raqqah (gouvernement): 850.000 inweuners
- Al-Hasakah (gouvernement): 1.370.000 inweuners
- Deir ez-Zor (gouvernement): 1.095.000 inweuners
- Iraekse provincies
- Al-Anbar: 1.025.000 inweuners
- Salah ad Din: 1.045.000 inweuners
- Ninawa: 3.500.000 inweuners