'Ulst (plekke)

'Ulst (Nederlands: Hulst) is 'n stadje in Zeêuws-Vlaonderen. 't Ligt in d'n gemeênte 'Ulst. De stad 'Ulst ei 11.030 inweuners (2023) en is de zesde plekke van Zeêland.

Liggienge

D'n kerke van 'Ulst

'Ulst noemt z'n eige de mist Vlaemse stad van Nederland. Het dialect van 'Ulst en de omliggende durpen wiekt sterk af van het Zeêuws en is in feite een Oôst-Vlaems dialect. 'Ulst wor al als stad genoemd in het middeleeuwse dierenepos Van den vos Reynaerde.

'Ulst kreeg in 1180 stadsrech'n van de Vlaemse graaf Filips van den Elzas. De stad bloeide op deu de anwezigeid van een 'aeven en de moernerieng die ten noor'n van de stad plaesvong. De stadsrech'n wiere in 1350 uutgebreid en in 1413 wier toestemming tot de anleg van verdedigiengswerken verleend. In 1453 wier de stad, tiejens de Gentse Opstand 'eel verwoest. Van 1453-1477 wiere de wallen en poorten versterkt, mae de Gentenaren brandschatten de stad opnieuw in 1485 en 1491.

In 1795 wier de 'aeven opgeheven: Het Hellegat was verzand en wat er van over was wier ingepolderd. Bebouwing buten de vestinggordel was voorasnog nie toegestaen, mae in 1816 wier de vesting opge'even en in 1845 wier ze angekocht deu de stad. Pas nae 1860 begon er bebouwing buten de vestinggordel te ontstaen. Ok kwam er in 1871 een spoorwegstation, dat in 1952 wier opgeheven. In 1861 kwam er een Liefdesgesticht bie het refugiehuis van de Abdij van Baudeloo. Dit wier in 1968 ofgebroken. Pas vanof 1920 was er spraeke van uutbreidingsplannen buten de vestinggordel.

De Sint-Willibrordusbasiliek van 'Ulst wier in 2010 uutgeroepe tot de 'mooiste kerke van 'Olland'. In de Tweêde Wereldoôrlog is de spits van de toren geschoten. Nae d'n oôrlog is d'r een spits opgezet, mae nie in oorspronkelijke stijl. De spits is van beton. 'Ulst lei mar dertig kilometer van Antwerpen. Inweuners worre ok wè kallesaieschaiters genoemd.

Plaetjes

• 
  Stadswallen uut de Tachentigjaorige Oorlog
• 
  Stadsmeulen uut 1792
• 
  Sint-Willibrordusbasiliek
• 
  Letterkunstwerk inulst

'Eboren in 'Ulst

• Cornelius Jansenius (1510-1576), eêste bisschop van Gent
• Frans Mostaert (ca. 1528-1560), schilder
• Cornelis de Vos (ca. 1584-1651), schilder
• Hugo Metsers (1 april 1943), acteur
• Jean Paul de Bruijn (14 maerte 1965), biljarter

Lienks nae buten

• Plaatsengids
• AlleCijfers

Zeêuwse steden

Steden, meê een stem in de Staeten van Zeêland: Hoes · Middelburg · Reimerswaol (tot 1587) · Ter Veere (nae 1574) · Vlissienge (nae 1574) · Tole · Zurrikzeê Smalsteden (gin stem in de Staeten van Zeêland): Brouwes'aeven · Domburg · Erremu · Kortjeen · Smerdiek · Waschappel Steden in Zeêuws-Vlaonderen (buuten het vroegere gewest Zeêland): Aksel · Biervliet · Erreburg · Filepine · Iezendieke · Sas · Sint Anna ter Mu · Sluus · Terneuzen · 'Ulst · Wosburg