FAQ

ኢቲኬር ምንድነው?

አባል ለመሆን ምን ያስፈልጋል?

ኢቲኬር የሚሰጣቸው አገልግሎቶች …

ኢቲኬር
ኢቲኬር የገንዘብ ቁጠባና ብድር ኃላ.የተ.የህብረት ሥራ ማኅበር
EtCare Saving and Credit Cooperative Society LtdEtCare Saving and
Credit Cooperative Society Ltd.
ራዕይ

በ2030 ዓ.ም በኢኮኖሚ የዳበረ እና ስራ ፈጣሪ አባላትን ገንብቶ ማየት፡፡

ተልዕኮ

የሰለጠነ እና በስነምግባር የታነፀ የሰው ሃይል በማሟላት፤ ዘመናዊ ቴክኖሎጂን በመጠቀም ለህብረተሰቡ የፋይናንስ
አጠቃቀም ተከታታይ ስልጠና በመስጠት ዘላቂነት ያለው ሁሉን አቀፍ የፋይናንስ ተቋም በመገንባት ምቹ፣ ተደራሽ
እና ቀልጣፋ የፋይናስ አገልግሎት በመስጠት የአባላትን እና የደንበኞችን ፍላጎት ማሟላት ነው፡፡

ዓላማ

ለህብረተሰቡ የፋይናንስ ትምህርትና ስልጠና በመስጠት የፋይናንስ አጠቃቀም ንቃተ ህሊና በማሻሻል አባላትን
በስፋት ማፍራት፣

የአባላትን ፍላጎት መሰረት ያደረገ የተለያዩ የቁጠባ አገልግሎቶች በማስፋፋት ቁጠባን በስፋት ማሰባሰብ፣

የአባላትን እና ደንነኞችን ፍላጎት መሰረት ያደረገ የተለያዩ የብድር አገልግሎቶችን በማስፋፋት የብድር አገልግሎትን
በብዛት፣ በጥራት እና በተመጣጣኝ ዋጋ ለአባላት በማቅረብ የኢንቨስትመንት አቅም ለማሳደግ፣

የወለድ አልባ የፋይናንስ አገልግሎት ስርዓት በመዘርጋት አባላትን መሰረት ያደረገ የፋይናንስ አገልግሎት በመስጠት
የኢንቨስትመንት አቅምን ለማጎልበት፣

የአነስተኛ መድን ዋስትና ወይም የተካፉል አገልግሎት በመስጠት በኅብረት ስራ ማህበሩና በተበዳሪዎች ላይ ሊደርስ
የሚችለውን የአደጋ ስጋት ለመቀነስ፣
የፋይናንስ ተቋማት እና ኅብረት ሥራ ማህበሩ የፋይናንስ ትስስር በመፍጠር የሚከሰተውን የፋይናንስ እጥረትና
ክምችት ችግርን ለመፍታት፣

ቁጠባ

የቁጠባ ዓይነትና አፈጻጸም

በኅብረት ሥራ ማህበሩ መተዳደሪያ ደንብ በተገለጸው መሠረት መደበኛ ቁጠባ፣ የፍላጎት ቁጠባ፣ የጊዜ ገደብ ቁጠባ፣
ወለድ የማይታሰብበት ቁጠባ፣ የልጆች ቁጠባ እና የቤት ቁጠባ፣ የትራንስፖርት መኪና ቁጠባ፣ የአውቶሞቢል መኪና
ቁጠባ ዓይነቶች ይኖሩታል፡፡

 መደበኛ ቁጠባ

o የአንድ አባል ዝቅተኛ የመደበኛ ቁጠባ መጠን 750.00 መቆጠብ አለበት፣

o የመደበኛ ቁጠባ መጠን የአባሉን የመቆጠብ አቅም ያገናዘበና በአባሉ ማመልከቻ ላይ የሰፈረና
በኅብረት ሥራ ማህበሩ የተፈቀደ መሆን ይኖርበታል፣
o በኅብረት ሥራ ማህበሩ መተዳደሪያ ደንብ በተወሰነው መሠረት አባሉ ለመደበኛ ቁጠባ ወለድ
ያገኛል፣

 የፍላጎት ቁጠባ

 የፍላጎት ቁጠባ መጠን የሚወሰነው በተጠቃሚው አቅምና ፍላጎት መሠረት ይሆናል፣በዚህም መሰረት
ከ500.00 ብር ጀምሮ የቁጠባ ሂሳ በመክፈት ሂሳቡ ከተከፈተ በኃላ ከ100.00 ብር ጀምሮ መቆጠብ
አለበት፡፡
o በኅብረት ሥራ ማህበሩ መተዳደሪያ ደንብ በተወሰነው መሠረት አባሉ ለፍላጎት ቁጠባ ወለድ
የሚታሰብለት ይሆናል፣
o የፍላጎት ቁጠባ አባሉ በማንኛውም ጊዜ ወጪ ሊያደርገው ይችላል፣
o የፍላጎት ቁጠባ አባሉ ለብድር ዋስትና ማቅረብ ይችላል፣
o አባሉ የፍላጎት ቁጠባን ወጪ ሊያደርገው የሚችለው ገንዘቡ በዋስትናነት ካልተያዘ ብቻ ነው፣

 የጊዜ ገደብ ቁጠባ

o የጊዜ ገደብ ተቀማጭ ዝቅተኛው የገንዘብ መጠን 50 000.00/ ሃምሳ ሽህ ሽህ ብር ይሆናል፡፡

o ዝቅተኛው የማስቀመጫ ጊዜ ስድስት ወር ሲሆን
 o የጊዜ ገደብ ተቀማጭ ዝቅተኛው የገንዘብ መጠን 50 000.00/ ሃምሳ ሽህህ ብር ሆኖ ዝቅተኛው
የማስቀመጫ ጊዜ ስድስት ወር ሲሆን የወለድ መጠኑ ለ ስድስት ወር ከሆነ ከ8-12 ሆኖ በገንዘብ
መጠኑ እና ቆይታ ጊዜ ይወሰናል፡፡ የተቀማጭ ገንዘብ መጠን ከአምስት መቶ ሽህ ብር በላይ ሆኖ
ከ ሁለት አመት በላይ የሚቀመጥ ከሆነ የወለድ መጠኑ በስራ አመራር ኮሚቴ በስምምነት
የሚወሰን ይሆናል፡፡ሆኖም ከ13.5 ፐርሰንት በላይ መሆን የለበትም፡፡
o ኅብረት ሥራ ማህበሩ እንደአስፈላጊነቱ ከአባላቱ ጋር በሚያደርገው ስምምነት መሠረት ለተወሰነ
ጊዜ ለአስቀማጩ ተከፋይ የማይሆን የጊዜ ገደብ ቁጠባ ሊሰበስብ ይችላል፣
o አባሉ ኅብረት ሥራ ማህበሩ ውስጥ ያለውን የጊዜ ገደብ ቁጠባ ለብድር ዋስትናነት ማስያዝ
ይችላል፣
o ለብድር ዋስትናነት የዋለ የጊዜ ገደብ ቁጠባ ዋስትናው እስኪነሳ ድረስ ለአባሉ ወጪ ሆኖ
አይከፈልም፣
o ኅብረት ሥራ ማህበሩ የጊዜ ገደብ ቁጠባን ማበረታታት የሚችለው የጊዜ ገደብ ቁጠባውን
የመጠቀም አቅሙ ከፍተኛ መሆኑ ሲረጋገጥ ብቻ ይሆናል፡፡

 ወለድ የማይታሰብበት ቁጠባ

 ኅብረት ሥራ ማህበሩ በአባሉ ፍላጎትና በኅብረት ሥራ ማህበሩ በሚደረግ ስምምነት

መሠረት ወለድ የማይታሰብበት ቁጠባ በተለያየ ምክንያት የሚያስቀምጠውና ቁጠባ
ይኖራል፣
 ወለድ ለማይታሰብበት ቁጠባ አባሉ በማንኛውም ሁኔታ ወለድ የመጠየቅ መብት
አይኖረውም፣ ሆኖም በማመልከቻ ወለድ እንዲታሰብለት ቢጠይቅ ሲፈቀድለት የወለድ
ተጠቃሚ ይሆናል፣
 ወለድ የማይታሰብበት ቁጠባ ለብድር ዋስትናነት ሊውል ይችላል፣
 አባሉ ወለድ የማይታሰብበት ቁጠባን ወጪ ሊያደርግ የሚችለው ገንዘቡ በዋስትናነት
ካልተያዘ ብቻ ነው፡፡

 የልጆች ቁጠባ

o እድሜያቸው ከ18 አመት በታች የሆኑ የኅብረት ሥራ ማህበሩ አባላት ህፃናት ልጆችና
የሚያስተዳድሯቸው ህፃናት ልጆች መቆጠብ ይችላሉ፣
o ህፃናት ቁጠባ ሲጀምሩ የመመዝገቢያም ሆነ የዕጣ ክፍያ አይከፍሉም፣
o የህፃናት ቁጠባ መኖሩ ያለው ጠቀሜታ ስለኅብረት ሥራ ማህበር ግንዛቤ እንዲኖራቸው እና
የቁጠባ ባህልን እንዲያዳብሩ ይረዳቸዋል፣
o የቁጠባ መጠኑ በብር 500.00 ጀምሮ ሂሳቡ ይከፈታል፣
o ህፃናት በኅብረት ሥራ ማህበሩ እየቆጠቡ ቆይተው እድሜያቸው 18 አመት ሲሞላ ያለ
መመዝገቢያ ክፍያ ሌሎችን መስፈርት ካሟሉ ማህበሩ ላይ ዕጣ በመግዛት አባል ሊሆኑ ይችላሉ፣
o ህፃናት ለቆጠቡት ቁጠባ ወለድ ያገኛሉ ሆኖም የቁጠባ ወለድ በቁጠባ ላይ የሚደመር ይሆናል፣
o የህፃናት ቁጠባ ለወላጆቹ ወይም ለአሳዳጊዎቹ ለብድር ዋስትናነት ያገለግላል፣
 o የልጆች ቁጠባ ሂሳብ ከወላጆች ጋር በጣምራ የሚከፈት ሂሳብ ሆኖ በፈለጉት ጊዜ ወጪ ማድረግ
የሚችሉበት የሂሳብ አርዕስት ከፍተው ማስቀመጥ ይችላሉ፡፡

 የሴቶች ቁጠባ
o ሴቶች ስራ ፈጣሪ እንዲሆኑ ለማበረታታትራን የቻለ የቁጠባ አይነት መጀመር አስፈላጊ ሆኗል፡፡
o የሴቶች ቁጠባ መኖሩ ያለው ጠቀሜታ ስለኅብረት ሥራ ማህበር ግንዛቤ እንዲኖራቸው እና
የቁጠባ ባህልን እንዲያዳብሩ ይረዳቸዋል፣
o የቁጠባ መጠኑ በብር 1000.00 ጀምሮ ሂሳቡ ይከፈታል፣
o ሴቶች ለቆጠቡት ቁጠባ ወለድ ያገኛሉ ሆኖም የቁጠባ ወለድ በቁጠባ ላይ የሚደመር ይሆናል፣
o የሴቶች ቁጠባ ለብድር ዋስትናነት ያገለግላል፣

 የቁጠባ ወለድ መጠን

o ለመደበኛ ቁጠባ በዓመት 7 % ይከፍላል፣

o ለፍላጎት ቁጠባ በዓመት 7.5 % ይከፍላል፣
o ለጊዜ ገደብ ቁጠባ በዓመት ከ8 % እስከ 12 % የሚከፈል ይሆናል፡፡
o ለልጆች ቁጠባ በአመት 8 % ወለድ ይከፈላል፣
o ለሴቶች ቁጠባ በአመት 7.5 % ወለድ ይከፈላል፣
o የመደበኛና የፍላጎት ቁጠባ ወለድ ከተቀማጭ ሂሳብ ጋር እየታሰበ መደበኛ ቁጠባ ሂሳብ ላይ የሚቀመጥ
እንጂ በአመቱ መጨረሻ እየታሰበ ለአባላት የሚከፋፈል አይሆንም፣ ሆኖም የጊዜ ገደብ ተቀማጭ ወለድ
ግን የሚከፈለው ይሆናል፣

ብድር

የኢቲኬር ኅ/ስ/ማ/ የብድር ዓይነቶች፣

የፍጆታ ብድር (consumer loan)

o ለትምህርት የሚሰጥ ብድር

o ለህክምና የሚሰጥ ብድር

o ለቤት ዕቃ ማሟያ

o ማህበራዊ አገልግሎት ( ሰርግ፣ ልደት፣ምርቃት…)

 o የተለያዩ ቦታዎችን ለመጎብኘት የሚሰጥ የጉዞ ብድር

 ለንግድ ሥራ የሚሰጥ ብድር፡፡

እነዚህም፡-

o ለከተማ ግብርና ስራ የሚሰጥ ብድር፣

o ለአነስተኛ ንግድ ስራ የሚሰጥ ብድር፣

o ለአገልግሎት ስራ የሚሰጥ ብድር፣

o ለማኑፋክቸሪንግ ስራ የሚሰጥ ብድር፣

o ለኮንስትራክሽን ስራ የሚሰጥ ብድር፣

ለቤት ግዥ፣ መስሪያና ማደሻ የሚሰጥ ብድር

የመኖሪያ ቤት

የንግድ ቤት

የኮንደሚኒየም ግንባታ ማስጨረሻ

የመኪና ግዥ የሚሰጥ ብድር

የቤት መኪና

የንግድ መኪና

o የታክሲ አገልግሎት መኪና

o የህዝብ ማመላለሻ መኪና

ልዩ የአጭር ጊዜ ብድር

የሊዝ ፋይናንስ ብድር

ወለድ አልባ የብድር አገልግሎቶች

የደመወዝ ብድር

የብድር መጠን እና መመለሻ ጊዜ

 የፍጆታ ብድር
  5/አምስት ወር/ እና ከዛ በላይ በተከታታይ የሚበደረውን 15 % መደበኛ ቁጠባ የቆጠበ እና 10% እጣ

የገዛ አባል የፍጆታ ብድር የሚያገኝ ሲሆን የብድር ጣራው 300‚000.00 ሲሆን የመመለሻ ጊዜው እስከ

30 ወራት ድረስ ይሆናል፡፡

 6/ስድስት ወር/ እና ከዛ በላይ በተከታታይ የሚበደረውን 15 % መደበኛ ቁጠባ የቆጠበ እና 10% እጣ

የገዛ አባል የፍጆታ ብድር የሚያገኝ ሲሆን የብድር ጣራው 400‚000.00 ሲሆን የመመለሻ ጊዜው እስከ

36 ወራት ድረስ ይሆናል፡፡

 የንግድ ብድር

 5/አምስት ወር/ እና ከዛ በላይ በተከታታይ የሚበደረውን 20 % መደበኛ ቁጠባ የቆጠበ እና 10% እጣ

የገዛ አባል የንግድ ብድር የሚያገኝ ሲሆን የብድር ጣራው 500‚000.00 ሲሆን የመመለሻ ጊዜው እስከ

36 ወራት ድረስ ይሆናል፡፡

 6/ስድስት ወር/ ከዛ በላይ በተከታታይ የሚበደረውን 20 % መደበኛ ቁጠባ የቆጠበ እና 10 % እጣ

የገዛ አባል የንግድ ብድር የሚያገኝ ሲሆን የብድር ጣራው 750‚000.00 ሲሆን የመመለሻ ጊዜው እስከ

48 ወራት ድረስ ይሆናል፡፡

 12/አስራ ሁለት ወር/ ከዛ በላይ በተከታታይ የሚበደረውን 20% መደበኛ ቁጠባ የቆጠበ እና 5% እጣ

የገዛ አባል የንግድ ብድር የሚያገኝ ሲሆን የብድር ጣራው 1‚500‚000.00 ሲሆን የመመለሻ ጊዜው

እስከ 60 ወራት ድረስ ይሆናል

 ለቤት ግዥ፣ መስሪያና ዕድሳት የሚሰጥ ብድር

 የቤት ብድር ለመበደር 6/ስድስት ወር/ እና ከዛ በላይ በተከታታይ የሚበደረውን 20 % መደበኛ ቁጠባ

የቆጠበ እና 10% እጣ የገዛ አባል የቤት ብድር የሚያገኝ ሲሆን የብድር ጣራው 2‚000‚000.00 ሲሆን

የመመለሻ ጊዜው እስከ 60 ወራት ድረስ ይሆናል፡

 8/ስምንት ወር/ እና ከዛ በላይ በተከታታይ የሚበደረውን 20% መደበኛ ቁጠባ የቆጠበ እና 10% እጣ

የገዛ አባል የቤት ብድር የሚያገኝ ሲሆን የብድር ጣራው 3‚000‚000.00 ሲሆን የመመለሻ ጊዜው እስከ

84 ወራት ድረስ ይሆናል፡

 12/አስራ ሁለት ወር/ እና ከዛ በላይ በተከታታይ የሚበደረውን 18% መደበኛ ቁጠባ የቆጠበ እና 7%

እጣ የገዛ አባል የቤት ብድር የሚያገኝ ሲሆን የብድር ጣራው 5‚000‚000.00 ሲሆን የመመለሻ ጊዜው

እስከ 84 ወራት ድረስ ይሆናል፡

 የ መኪና ግዥ ብድር
  ስድስት ወር እና በላይ በተከታታይ የሚበደረውን 20 % መደበኛ ቁጠባ የቆጠበ እና 10% እጣ የገዛ

አባል የመኪና ብድር የሚያገኝ ሲሆን የብድር ጣራው ከ 2,000,000.00 ሲሆን የመመለሻ ጊዜው

እስከ 48 ወራት ድረስ ይሆናል፡፡

 8/ስምንት ወር/ እና በላይ በተከታታይ የሚበደረውን 20% መደበኛ ቁጠባ የቆጠበ እና 5% እጣ የገዛ

አባል የመኪና ብድር የሚያገኝ ሲሆን የብድር ጣራው እስከ 3‚000‚000.00 ሲሆን የመመለሻ ጊዜው

እስከ 60 ወራት ድረስ ይሆናል፡፡

 ልዩ የአጭር ግዜ ብድር

 አራት ወር እና ከዛ በላይ በተከታታይ የሚበደረውን 25% መደበኛ ቁጠባ የቆጠበ እና 5% እጣ የገዛ እና

የንግድ ስራ ውስጥ ላሉ አባላት ልዩ የአጭር ግዜ ብድር ወለድ የማይከፈልበት በ10% ኮምሽን

/Commission/ ብቻ በመክፈል የሚያገኙ ሲሆን የብድር ጣራው 400‚000.00 ሆኖ የመመለሻ ጊዜው

እስከ አራት ወራት ድረስ ይሆናል ፡፡ የብድር መመለሻው ጊዜ በወር ሁለት ጊዜ በየአስራ አምስት ቀኑ

ይሆናል፡፡

ስድስት ወር እና ከዛ በላይ በተከታታይ የሚበደረውን 20% መደበኛ ቁጠባ የቆጠበ እና 5% እጣ የገዛ እና የንግድ
ስራ ውስጥ ላሉ አባላት ልዩ የአጭር ግዜ ብድር ወለድ የማይከፈልበት በ15% ኮምሽን /Commission/ ብቻ
በመክፈል የሚያገኙ ሲሆን የብድር ጣራው 600‚000.00 ሆኖ የመመለሻ ጊዜው እስከ 6 ወራት ድረስ ይሆናል ፡፡
የብድር መመለሻው ጊዜ በወር ሁለት ጊዜ በየአስራ አምስት ቀኑ ይሆናል፡፡

 የደመወዝ ብድር

አባል ለሆኑ የመንግስት ሰራተኞች፣ለባንክ ሰራተኞች፣ለኢንሹራንስ ሰራተኞች እና ለሆስፒታል ሰራተኞች

ለሚያጋጥማቸው አስቸኳይ ብድር የስድሰት ወር የተጣራ ደመወዝ ደመወዝ 15% ቅድመ ቁጠባ እና 5%

ዕጣ አሟልተው በአንድ አመት የሚመለስ ብድር ከሚሰሩበት መ/ቤት የዋስትና ደብዳቤ አቅርበው

መበደር ይችላሉ፡፡

የኢቲኬር ኅ/ስ/ማ/ ብድር አገልግሎቱ ተጠቃሚዎች ማሟላት ያለባቸው፣

 አንድ አባል የብድር አገልግሎት ጥያቄ ለማቅረብና ለማግኘት ቢያንስ ከላይ በብድር አይነቱ የተገለፀውን

ጊዜ በተከታታይ የተጠቀሰውን ገንዘብ የቆጠበ አባል መሆን አለበት፣

 የንግድ ስራ ዕቅድ ማዘጋጀት እና ማቅረብ

 መታወቂያ(የቀበሌ፣መንጃ ፈቀድ፣የመንግስት ሰራተኛ) እና ፓስፖርት) ማቅረብ የሚችል

 የጋብቻ ማስረጃ ማቅረብ የሚችል

 ተመጣጣኝ ዋስትና ማቅረብ የሚችል

 የንግድ እና ኢንቨስትመንት ብድር ከሆነ ንግድ ፈቃድ ማቅረብ የሚችል መሆን አለበት

የማበደሪያ ወለድ መጠን አወሳሰን ፣

ማንኛውም ተበዳሪ ለሚበደረው ገንዘብ ብድሩን በሚበደርበት ወቅት በሚደረገው የብድር ውል ስምምነት

መሠረት ወለድ የሚከፈልበት ብድር ከሆነ በወር ላይ ባለው ቀሪ ዕዳ ላይ እኩል የሆነ የአከፋፈል ስርዓት

/አሞርታይዤሽን/ ወለድ ይከፍላል፡፡ ኅ/ስ/ማህበሩ የብድር ወለድ መጠን ለውጥ የሚያደርግ ከሆነ

ተበዳሪዎቹ ኅ/ስ/ማህበሩ በውስጥ ማስታወቂያ ለ10 ተከታታይ ቀናት ካሳወቀ በለውጡ መሠረት አባሉ

የተደረገውን ማስተካከያ ተፈፃሚነት የሚቀበል ይሆናል፡፡ በተጨማሪም የብድር ክፍያ በወቅቱ ከነወለዱ

በውሉ መሠረት ካልተከፈለ ባልተከፈለው ወርሃዊ ክፍያ መጠን በወር በተጨማሪ 10 በመቶ በቅጣት

ይከፍላል፡፡

 የብድር ወለድ መጠን

o ለፍጆታ ብድር በአመት 13.5 በመቶ

o ለንግድ ብድር

o ለሴቶች 14 ፐርሰንት በአመት

o ለወንዶች 14.5 ፐርሰንት በአመት

o ለቤት ግዥ፣ ግንባታ እና ዕድሳት

o ለሴቶች 14.5 ፐርሰንት በአመት

o ለወንዶች 15 ፐርሰንት በአመት

o ለኮንደሚኒያም ግንባታ ማስጨረሻ

o ለሴቶች 15 ፐርሰንት በአመት

o ለወንዶች 15.5 ፐርሰንት በአመት

o ለ መኪና ተበዳሪዎች

o ለሴቶች 14 ፐርሰንት በአመት

o ለወንዶች 14.5 ፐርሰንት በአመት

 o ለ ልዩ ብድር ከውሉ ውጭ የሚቆይ ከሆነ ሁሉም ተበዳሪዎች 15.5 በመቶ ወለድ እና 5 በመቶ

ቅጣት ይከፍላሉ

o ወለድ አልባ ብድር ወለድ አይከፈልበትም

o የደመወዝ ብድር

o ለሴቶች 15 ፐርሰንት በአመት

o ለወንዶች 15.5 ፐርሰንት በአመት

 የዋስትና ዓይነት

 በቁጠባ እና ዕጣ ዋስትና የሚሰጥ ብድር

ተበዳሪው ወይም ዋስ የሚሆነው አባል ያስቀመጠውን ቁጠባና ዕጣ ከኅ/ስ/ማህበሩ አባል የሆነ የዋስ ቁጠባ

እና ዕጣ 95 በመቶ መበደር ይችላል፡፡

 በደብዳቤ /በደመወዝ/ ዋስትና የሚሰጥ ብድር

 በደብደቤ ዋስትና የሚሰጥ ብድር ከብር 300,000.00 (ሁለት መቶ ሺህ) ሳይበልጥ በዋስትና የሚያዘው

የተጣራ ደመወዝ 1/3 ኛው በብድር ጊዜው ተባዝቶ ይሆናል

 የሚያቀርበው የዋስትና ደብዳቤ ከመንግስት መስሪያ ቤት እና ከታወቀ ድርጅት እና መ/ያ/ድ መሆን

አለበት፡፡ከሚሰራበት መስሪያ ቤት የደመወዙ መጠን፤ ቋሚ ሰራተኛ መሆኑንና ጡረታ ለመውጣት

የቀራቸው ጊዜ፤ ዋሱ መስራቤቱን ቢለቁ በቅድሚያ የሚያሳዉቁ መሆኑን እና የስራ ግብር ከፋይ

መሆኑን የሚገልጽ ማስረጃ መቅረብ አለበት፤ የዋሱ ሚስት/ባል መፈረም አለበት/ባት፡፡

 በንብረት ዋስትና የሚሰጥ ብድር

 በተሸከርካሪ መኪና ዋስትና የሚሰጥ ብድር ከብር 2,500,000.00 ( ሁለት ሚሊየን አምስት መቶ ሺ)

መብለጥ የለበትም፡፡ ሙሉ ኢንሹራንስ በተበዳሪው እና በማህበሩ ስም መገባት አለበት

 ለዋስትና የቀረበው ንብረት/መኪና/ ሙሉ ኢንሹራንስ በኅ/ስ/ማ/ እና በመኪናው ባለቤት ስም

የተገባለትና አግባብ ባለው አካል እዳ እና ዕገዳ ነፃ መሆኑ የተረጋገጠ እና በኅ/ስ/ማህበሩ ስም የታገደ

መሆን አለበት
 የሚሰጠው ብድር መኪናው ኢንሹራንስ ከገመተው እና ከተገዛበት ዋጋ በላይ መሆን የለበትም፡፡

 የመኪናዎችን አይነት ግምት ውስጥ በማስገባት የወቅቱን በባለሙያ የተገመተውን የገበያ ዋጋ

መሰረት ያደረገ መሆን ይኖርበታል፡፡ ለዚህም ኅብረት ስራ ማህበሩበዋስትና የሚያዘውን መኪና የገበያ

ዋጋ የሚገምትለት ኮሚቴ ወይም ባለሙያ ይኖረዋል፡፡

 በዋስትና የሚያዘው መኪና እንደየ ብድር አይነቱ የሚለያይ ሲሆን ከፍተኛው ግን

ከተመረተ/በሊብሬው መሰረት/ 25 አመት ያልበለጠው መሆን አለበት::

 በቋሚ ንብረት /መኖሪያ ቤት/ መያዣነት የሚሰጥ ብድር

 ተበዳሪው በስሙ፣ በባለቤቱ፣ በወካዩ ወይም በዋሱ የተመዘገበ ቋሚ ንብረት /መኖሪያ/የንግድ/ ቤት

ካለው የንብረቱ ዋጋ ግምት ውስጥ በማስገባት ንብረቱ ታግዶ መበደር ይችላል፡፡

 በቋሚ ንብረት /መኖሪያ ቤት/ የሚሰጥ ብድር ሌላ ተጨማሪ ዋስትና የተበዳሪውን የመክፍል

አቅም፤ የብድሩ አላማና የቁጠባ መጠኑ ታይቶ የሚሠጥ ብድር ሆኖ ከብድር ጣራው መብለጥ

የለበትም፡፡

 የቦንድ እና አክሲዮን ድርሻ ዋስትና ስለመያዝ

 አክሲዮን የተገዛበት ድርጅት ባንክ፣ ማይክሮ ፋይናንስ እና ኢንሹራንስ ፣ ሪል እስቴት፣ ሆስፒታል፣

ትምህርት ቤት መሆን አለበት

 የአክሲዮን ሰርተፊኬት ማስረጃው የተገዛበት ቀን የሰርተፊኬት ቁጥር የአክሲዮን ብዛት ያንዱ ዋጋ

እና ጠቅላላ የአክሲዮን ዋጋ ያለበት የአክሲዮን ማህበሩ ባለስልጣን ፊርማ እና ማህተም ያለበት

መሆን አለበት

 ተበዳሪው ከአክሲዮን ማህበሩ ያላቸው የአክሲዮን ድርሻ በዕዳ ያልተያዘ ለመሆኑ እና በማህበራችን

ስም ታግዶ ማስረጃ መቅረብ አለበት፡፡