(TITLE)

May isang babae na talagang nagtagumpay sa kaniyang buhay. Siya ay naglalakad sa

medyo madilim na lugar habang nag-iisip ng mga bagay-bagay, tulad nang nakakatakot ang
multo ngunit para raw sa kanya, mas nakakatakot ang tao. Bigla syang nagulat ng may biglang
may humawak sa kanyang balikat. Napabuntong -hininga siya sapagkat ito pala ay isa sa
kanyang mga empleyado.
Ang empleyadong ito ay kinusap ang kaniyang amo at sinabing nakahanap na sya ng
taong pwedeng magbagahi ng buhay noong panahon ng pandemya. Ang nakuha kasi niyang tao
ay isang “SURVIVOR” sa sakit ng covid-19. Lahat ng pamilya niya ay namatay at siya lang ang
nabuhay. Ngunit tatawagan niya pa ito mamaya upang itanong kung ayos lang sa kaniya na
maging speaker para sa mga kabataan. Tinignan ng babae ang impormasyon na binigay sa
kanya ng empleyado. Nang dahil sa kuryusidad, pinuntahan nya ang survivor na ito upang
kamustahin ang lagay nito. Nang nasa bahay na sya, kumatok siya ng kumatok ngunit walang
nagbubukas. Kung kaya’t siya na mismo ang pumasok sa bahay nya at natagpuan niya ang
bahay na iyon na sobrang gulo, maraming nagkalat na mga papel, at maraming basag ng mga
alak na bote.
Bigla siya nakarinig na may papasok na tao sa bahay at dahil sa takot niya, agad siyang
nagtago. Baka kasi pagbintangan siya na magnanakaw o magtaka kung bakit siya nasa loob ng
bahay. Sabi pa naman niya, mas nakakatakot ang tao kaysa sa multo. Nagtago siya sa aparador
at tinakpan ang bibig upang hindi makagawa ng kaht na anong ingay. Pinagpapawisan na rin
siya sa kaba at tila sasabog ang kaniyang puso sa bilis ng tibok nito. Iniisip niya na paano kung
mahuli siya, baka kung anong gawin niya sa kaniya.
Pagpasok ng survivor sa bahay, napaluhod na lamang siya sa iyak at tila ba mababaliw sa
kaniyang lungkot. Nagwala siya sa kaniyang bahay, sumigaw at nagbasag pa ng mga bote.
TInignan niya ang laptop at nakita niya pa ang mga” posts” sa social media na ang sasaya ng iba
samantala siya ay parang mamamatay na. Nakita niya pa ang mga deadline ng kaniyang project
sa eskwela at lalo siya sumigaw sa galit.
Survivor: Namatay na nga pamilya ko sa virus at di ko man lang sila nakita o nahawakan man
sa huling pagkakataon tapos…tapos ganito makikita ko?! Sila lang ba ang mahal ng Diyos?
Paano naman ako?!

Biglang nagwala ang survivor at sumigaw ng sumigaw. Nang masaksihan ng babae ang
ginagawa ngayon ng survivor, lalo siyang natakot. Damang-dama niya ang sakit nito. Hindi niya
namalayan napaiyak na rin ang bababe sa takot. Nagulat na lang siya sapagkat nakagawa pala
siya ng ingay na siyang ikinalingon agad ng survivor sa kaniyang pinaroroonan. Unti-unting
lumapit ang survivor sa aparador. Nagbasag na rin ng bote ang survivor at tinutok ito sa
aparador. Lalong kinabahan ang babae sapagkat mukhang mahuhuli na siya nito. Napalunok
siya sa kaba ng may hawak pa itong patalim. Baka kung anong gawin nito sa kaniya. Ngunit
biglang nilipat ng survivor ang patalim sa kaniyang sarili, tumingin siya sa salamin at tinutok ang
patalim sa kaniyang leeg. Nagulat ang babae sapagkat nasa harap lang niya ang survivor na
balak pa atang magpakamatay sa harap niya. Pipigilan na niya sana ito ngunit unti-unting
binaba ng survivor ang patalim sa kaniyang leeg sapagkat nakakita ang survivor ng isang sulat
mula sa kaniyang magulang. Binasa niya ang sulat habang iyak ng iyak.

Sulat: Anak, sa lahat ng oras, maging matatag ka ha? Dumating man ang sakuna o pandemya…
o kung sakaling hindi kami makayanan ang virus na ito, sana mas piliin mo pa ring mabuhay at
maging masaya. Mabuhay ka para sa sarili mo at para na rin sa amin. Magtapos ka ng pag-
aaral anak, naniniwala kami sa kakayahan mo. Mahal na mahal ka namin at tandan mo na ang
kalaban mo ay hindi tao. Ang tao ay nakikita, ngunit ang kalaban ngayon ay hindi. Mabuhay ka
anak at sana ipangako mo na magiging successful ka.

Lumabas ang babae na nasa aparador at iyak ng iyak. Nawala bigla ang survivor at
nagbago ang itsura ng bahay. Ang bahay na pinuntahan nya ay ang mismong bahay nya
sapagkat ang babaeng survivor, ay siya. Napatigil na lang siya sa iyak ng biglang tumawag sa
kaniya ang trabahador niya at sinabing, payag siyang ikwento ang pinagdaaanan niya.