Since 2006

ZAM Information Department

Volume 6, Issue 28 December 18, 2011

Estd. 2006

informing people, transforming lives

Midikpa in a kampau ding ngaihsun phot hi. Paunak 15: 28b

Kipawlna Tung A Gennuam Maw, Midang Khatpeuh Tung A Gennuam
(Hih anuai aa kigelh khempeuh Kipawlna buppi tang aa kigelh hilo-in, Thu Kizakna nasep lampan muhziate ahi hi.) Zomi Kipawlna ZAM in, thu kizakna leh mipi tawh kizopna, theihsakna ih zatzia lakpan THUPUAK kaal simin ih hanciam toto hi. A kisam vaihawmna khat a hanciam ihihi. Tuazong pen, kicing cihbang om samlo aa, tuhun teh leitung mahmahin thu kizakna leh thu ki hopsawnna-in zattheih ding internet, internet sung mahah zong thu suahsak zia, thu khahzia tuamtuamte kizang zihziah thei hi. Malaysia ah ih gam, ih lei bang dektak phialin minam khat hizah tak ih om taktak ciang SMS bek zong tampi kizel pahpah hi. Malaysia sung thu paizia khat Malaysia ah, Zomi leh Zomi ih kiveina tawh, kum khat khit kum khat vai puakzia tuamtuam sepziate khangto-in, sepzawhna zong kicing semsem hi. Lungdam huai hi. Sepding a tamna gam ahih mah bangin, gending leh kikup ding zong tampi om hamtang hi. Thupiang tuamtuam zong tam pah in, ki lungdampihna ding thu, ki dahpihna ding thu zong nipi kaal sim phialin kinei zel hi. Tuabang dinmun ngeingai lak panin, septheih zia leh sepnop zia, sepzawh zia a tuamtuam tawh ma kipang tek ahih manin muhzia, sanzia vekpi-in kibang sitset cihbang om ngeilo hi. A omlohna mah zong kicinna khat hizaw hi. Kipawlna hong tung masa lo lai kigelhte ZAM hong tung masa lo lai kigelh cihciang, Zomi sung vai lai kigelh khempeuh hilo hi. ZAM tawh kisai kha ahih kei leh ZAM ii nasep zia, ahih kei leh ZAM maban khat peuhpeuh a kigelh laite leh SMS pawlkhat gennuam ihihi. E-mail E-mail khat peuhpeuh tungtawn in ZAM vai leh ZAM nasep zia, ahih kei leh ZAM palaite vai khat peuhpeuh a kigelh e-mail om ngei zel hi. Mimal kikhak email tungpan zong kimu thei zel hi. A kikhak sawn pawlkhat zong om hi. SMS SMS pen, Malaysia tung Zomi a tamzaw in ki zangthei hi. A khakna zong baih hi. ZAM vai ahih kei leh palai te vai kikhak SMS zong om khollo-in, palai khatpeuh tung aki Forward om ngei hi. E-mail sangin mal tawmzaw tham hi. facebook A sawtlo khatin mimal email pan hong ki khaksawn facebook pan aa ZAM vai puakzia tam simsim kigelh pawlkhat ki ngah hi. ZAM kicin zawhlohna a gennuam hi ngel ding hi. Agelh pen mi a tuamtuam kizom suksuk leh kilawm aa, muhzia leh ngaihsut zia pawlkhat ki muthei hi. Ngimna khattek neiding hi Laidal tawh a hiphial zongin, Kipawlna vai apha, asia kigen khat peuhpeuh pen Kipawna avei man, ahih kei leh Kipawna a theihman, ahih kei leh Kipawlna tawh aki helkhak man cihpen kitel hi. Ahi zongin, zanni dongciang mah, ZAM vai lai kigelh khat peuhpeuh pen, ngimna thukpi a nei ding pawlkhat omin, ngimna nei mahmah leh kilawm napi-in, a thu tel taklo, a gelhna a hang kitel taktaklo pawlkhat zong om hi. A ngimna kitello hi. Bangbang hileh, Kipawlna phungvuh nuamtek, ma pangnuam tek ihihna kimu ahih manin, angtan huai thu khat ahihi. Banghang Kipawlna tung ki khakpah lozaw Tuni ciangciang, Kipawlna thapiakna, ki puahphat ding hilhna, nasep zia lamlahna hong kikhak khempeuh lungdam angtan huai-in, thupi thei mahmah hi. Hih Kipawlna leh a semte pen, bangci leh mipi aa ding semzo zawding cih ngimna tawh a kigelh laikhak khat peuhpeuh pen, athu a zaknop aa, a zaknop kei zongin, a ut peuhpeuh ii muhtheih simtheih dingin kikoih leh zong a deihna kitel sinsen hi. Tuabang aa deihsakna siangtho taktak tawh agelh pa/nu aa dingin ih ngaihsut teh, Kipawlna nasemte tung a khak zongin, Kipawlna e-mail tung a khak zongin, lungdam tak aa san ding laikhakte hi gige hi. Ama lam pan, deihsakna, veina kician tak tawh agelh ahih mah bangin ZAM e-mail tung a khakding pen van gik vetlo ding hi. Nasep ki behlap hetlo hi. ZAM vai kigelh lai pawlkhat pen banghang in, ZAM official e-mail ahih kei leh palai khatpeuh tung khak zawlo bilbel ihiam? ZAM Thu Kizakna pan theihsakna leh tangkona A masa-in, ZAM address leh official e-mail pulak pha hang: Zomi Association of Malaysia 155A, Jalan Maharajalela, 50150 Kuala Lumpur. E-mail: [email protected] Zomi a vei khatin, ZAM vai khat peuhpeuh nong gelh uh ciang, hawmthawhna, ngaihsut piakna, tha piakna, lamlahna khat peuhpeuh, angtang takin kimuak gige hi. Deihsakna thu pen Kipawlna a picin zawkna ding deihsakna ahih manin ZAM official e-mail ah khakziau leng baih mahmah hi. Hawmthawhna thu khatpeuh pen nidang ciang tua bangin omnawn kei hen, tuaci zaw hen ci aa deihsakna ahih leh angtang takin kimuak hi. ZAM official email ah khakding pen van gikpi hilo hi. Nasep ki behlaplo hi. Atung aa bang hilo aa, Kipawlna hawmthawh huai mun lian khat, ahih kei leh athu thei (telsiang) lo pi, mi tampi muhding leh kikup theihding ih khah/suahsak ahih leh, mi tampi muhna ah kidawk takpi mah hi. Mihing khat laigelh ding leh lai khakding ZAM Thu Kizakna in khaam na ding thu ki neilo hi. Zong kikhaamlo ding hi. Tuamah bangin, tuadan laite koimun ah ki simthei hiam cihpen ki kantawm manlo ding hi. ZAM Kipawlna leh palaite simding ih deih leh atung aa official e-mail ah khakding hipah hi. Haksalo hi. Tuabang aa mi tampi simtheih ding aa ki suaksak khat zong, mi tampi ii muhpih ding ngimna hizaw ahih manin, ZAM Thu Kizakna-in zong, mite-in ama muh bangin a mu mah hiam cihbek ki-en ding hi. A kisap kei leh, kithuk, ki gelhbehlo ding hi. A kisap zia zui-in mimal tung kikhak hi. ZAM Thu Kizakna-in, Zomi sung lawhcin nailohna khatpeuh Zolai tawh a kigelh pen diksalo hi. Banghang hiam cih leh, Zolai tawh gelh cih nungsang, ei leh ei kigen hi sinsen hi. Kipawlna tung ahi zongin, panmun neipalai khatpeuh simding ahi zongin, deihsakna tawh kikup ding thu a lunggulhte-in, atung aa official e-mail ah hong khak un. Laidal mahmah tawh zong kikhak thei hi. Palai asem khatpeuh ii e-mail deihte-in zong ki ngenthei hi. Mi tampi muhding deihzaw gige aa thu tanglo, thu langgen, kan masalo, tel masalo aa lai kigelh a om leh, deihsakna masuan hilo leh Kipawlna thanem sak nuam, Kipawlna vang kiamsak nuam in, ZAM Thu Kizakna-in ciamteh hi. iNFO

ZAM THUPUAK
HELP University Pan Pilna Sinding Kisamkikta
Ih gen ngeisa ommah bangin, pilna zongding gual Zomi tampi-in hamphatna ih ngahtheihna ding, UNHCR Youth Section leh HELP University in galtai khangno kum 15 leh 24 kikalte aa ding pilna, siamna manh lalo-in hilh kipan khin uh aa, a kahnailote aa ding a nihveina Sang lutna ding hong kikta uh hi. Tu ciangciang, UNHCR ciapteh ngahsa (register ngahsa) te bekmah in sinthei ding ci leuleu phot uh hi. Application form ap theita Sang lutna ding Form te January 31, 2012 ma-in UNHCR ah apkim ding hi. A form te ZEC Sang khat peuhpeuh pan ki ngah theita hi. UNHCR zum ki apsak ding hi. Hih form ap ding vai-ah, kuamah in sum ngetna, sum piakna om theilo ding hi. Bangteng kisin thei Anhuan-mehhuan zia, Mawtaw setvan tawh kisai, Multimedia, Zindo-lenglado siamna leh Manglai cihte ki sinthei ding hi. Sang minthang khin khat ahih mah bangin, a hilhdingte leh vanzat dingte a kicing pente vive ahihi. Assesment test om masa ding Form a ap sang naupang khatciat tawh Interview (thu kidotkidawnna) nei masa ding uh aa, sang naupang pa/nu ii zuihzawh ding zia zui-in, a kahna ding class ki theisak kik ding hi. A mun HELP CAT, Frasier Business Park, Sungai Besi, KL. Kizoptheihna: Tg. Kham (016 340 6743)

December 18, 2011

RSC Pan Contact Kingahlo

Anuai aa file nambatte pen, interview lutding RSC pan contact ngahzolo uh hi. Hih file nambat a tawite-in RSC zum ah zaksak kul aa, uliante-in interview ni ding hong sehsak kik ding uh hi. Vaihawm ziading a tellote-in ZAM ah kidong thei hi. ZAM Zum: 03 2142 6659, Hotline: 016 293 9027
354-07C04978 791-08C02370 791-09C06171 791-09C60191 791-09C14657 791-09C06223 791-09C06692 354-10C02590 354-09C02496 354-09C07188 354-07C07229 791-09C06112 791-09C06546 354-09C04892 791-09C14707 791-09C07266 791-09C01240 354-09C05443 791-09C07255 791-09C14686 791-09C07235 354-09C04477 791-09C07982 791-09C11583 354-07C05880 354-07C06547 791-09C00991 791-09C07018 791-09C07066 791-09C07329 791-09C14739 791-09C01238 791-09C10502 791-09C08072 791-09C14456 791-09C14662 791-09C07119 791-07C05190 791-09C13244 791-09C07439 354-09C00733 354-07C05190 791-09C03639 791-09C09747 354-07C07801 791-09C03639 354-08C06162 354-08C06162 791-09C06162 791-09C01066 791-09C11109 354-09C06373 512-03C00641 354-08C04832 791-09C02975 791-09C03666 791-09C05380 354-07C03941 354-06C03115 354-07C03941 791-09C06141 791-09C04860 791-09C11445 791-09C06226 791-09C14586 791-09C01647 354-09C01655 354-09C04062

ZOMI CUP 2012 Vai Theihsakna

Ih zatsa Taman Pudu Ulu (Maruli) tualpi tegel mah ki genkhin hi. Sum bulpi nei nailo ihih manin a saap kipia thei nailo hi. A lutding kician khin Khua te-in hong zasakta un. Banghang kimawlna kihel Hih thu pen ngaihsut huai mahmah thu khat hi. Khua makai khempeuh leh a kimawl ding khempeuh in ih theihkholh ding khatah, hih Zomi Cup cihpen, mimal khat peuhin ahih kei leh ZAM in, a khatnate tuazah ci aa sum tampi khamin ki vaihawm hilo hi. Gualzawhna leh sum leh pai tampi kikhapna, kidemnain aki vaihawm tukpeng pawi hilo hi. Zomi Nam Ni pahtawinain kumsim aa Zomi khempeuh kihel in ih vaihawm khop hizaw hi. Athu telsawm ni. Vaihawm khop ding pawi hizaw hi. Vekpi ki thukim aa thukhun ih bawl ahi hi Thukhun ih neihte pen, Khua makaite kikupna pan ih khentat vekpi zuihding ahihi. Kumsim aa omthei den, namdang sung pan kimawl sak nuam cihte, khuapihlo 2 val la cihte, kithawi kei zaw ni; Ahun ciang tua kimawlte ki khawlsak leh a Khua/Team aa ding supna lianpi hipah hi. A kimawl ding pa eipau zang Zomi hi hamtang ding; A kihel nuam Khua khat lutmanh RM500 December 31, 2011 nitak 5pm ma-in khia ding; Khuapih ahilo (2) ciang samthei; Khuapih ahilo khat ala Team in RM50, nih alak leh RM100, December 31 ma-in khia ding; Zomi Nam Ni pahtawina aa ih vaihawm ahih mah bangin, Minam Ni pawi bawlkhopna dingin sum kidong khia hamtang ding. Kizopna ding: Tg. Kham (0163406743), Hau Khai (0123674665)

ZSM Pan Dahpihna

Buanli khua, Sektak beh, Pa Pau Lam Cin (Pau Than Tuang) zi, Nu Nura (Kachin), Kum 25 in, December 8 zan nasepna pan a ciahlam ciangin cycel accident in Chowkit zato kipuak pah aa, December 9 ni-in, tawngtung Pasian kiang hong zuatsan hi. ZSM leh ZAC vaihawm khopna tawh December 13 ni-in Seremban hanah luanghawm lei-ah apna ki neithei hi. Tungzang kua, Naulak beh, Pa Khup Khan Piang, Kum 43 in, a natna tawh GHKL zatopi panin December 11 ni zingsang lamin hong nusiata hi. A luanghawm pen, ZSM makaihna tawh Seremban hanah December 14 ni-in lei sungah apna kinei thei hi. ZSM pawlmi khat ahih mah bangin bus khat leh hanmual leitang manh ZSM in piaksak hi. Tawntung Pasian kiang hong zuatsan sanggamte nih hang aa adah akap innkuanpihte tawh aki bangin ih dahpih hi. ZSM

ZSM Maban
Kizopna sum puakding Kipawlnate leh Mimal sum avan palaite tungah kipiasa khempeuh palaite-in a laibu tawh zum ah, December 24, 2011 ni ma-in nong aptek nading uh zumpi panin kong theisak uhhi. December 26, 2011 ni ciangin ZAM zumpi-ah ZSM Kumcin Kikhop leh Kitelna omding hi. Khua Kipawlna panin leh Biakna Pawlpi makaite (contact number record omsa khempeuh) khatta pello meeting kah dingin hong kisam ding ahih manin, palai khempeuh nong pai kim tekna ding uh, hih lai tungpan kong theisak uh hi. ZSM Upate

Sang Ap Kisangta Ding ZEC-Cheras pan Laisin Kum

2012 aa ding sang naupangte sang ap kisangta ding hi. December 26-30, 2011 kikal sung 8am-11am, 11:30am-2:30pm kikal hunte hiding hi. Naupang sang aa giaksak nuamte aa ding pasalno giahna leh numeino giahna zong kumluite danin ki vaihawm lai hi. Kum simin sang lut ziakaina tawh mun a ngah nawnlo ki omden ahih manin, atung aa hunsung aptheih ding kisam hi. Kizopna ding: Sianu Nuam (017 283 4101) ZEC Numeino Giahtheihna Ding Zomi Sang naupang numeino Sang aa giaksuak saknuam bangzah ciang omding ki theinuam hi. Nu leh pate-in, anuai aa phone nambatte-ah hong hopih un. (016 293 9027, 012 212 4048) ZEC-Cheras banah ZAM zumkim ah honzawh ding ki hanciam laitak hi.

ZAM Zumhon Zia Saturday leh Sunday te ciang, zum ah

vaihawm sakding a vai omzia palaite tung dot masak phot kisam hi. Saturday leh Sunday nibup zum ah ki-om manlo hi. KHUAHUN HOIHLO Mat leh hen atuak, zum hong zasak Zomi ki om zelzel hi. Palikte mat tawh, immigration te mahmah ii mat tawh ki om kawikawi hi. A deuhdeuhin UN card tawi nailote sungtum pusuah kidop huai mahmah hi! Khat leh khat ki phawksak, ki hilhsawn tek ni. Nasep UN tawi mi (10) kideih; Kum 30 nuai; Nitha RM38; Kaal khat khatvei off. Kizopna ding: 012 367 4665 Tongdot Zolai-Manglai, Manglai-Zolai Electronic Tongdot khat RM350 tawh ki ngahthei lai hi. A laibu pen RM50 tawh kingah hi. Contacts: 0146449612, 0126202125, 0162939027