BMA AW

Editor: Obeda Lalhuliana Copies: 75 A man Cheng 15 p.m

Asst.Editor: C. Lalthanzuala E-mail: [email protected]
Cir Managers: Blessy Sailo Phone: 9886111304/9844467685
C. Lalramthanpuia
(An Official Organ Of The Bangalore Mizo Association)
Regd. Under Societies Act Of Karnataka No. 415/85-86 Dated February 20, 1986

Vol. XI Issue No. 52 - Bangalore Mizo Association Pathianni Chhuak Chanchinbu - 31th Dec, 2006

BMA DAY
Tun Kumthar 1st January, 2007 hian Bangalore Mizo Association Day chu ropui leh
hlimawm takin Goodwill Girls High School-ah hman tum a ni a, he ni lawmawm tak hi mahni ta a
ni tih hria-a inthlahrung hauh lova kal vek turin BMA member tinte kan in hriattir e. Programme
neih dan tur chu hetiang hi a ni ang:
1) Compere : Tv. Anthony , Nl. Lalthapuii
2) Tan hun : 2:30 pm
3) Chairman : Pu Lalrokima ( President BMA )
4) Hunserh : C. Lalmuankima (Sr. Adviser)
5) Solo : Nl. Vanlalhmingthangi
( Solo thleng hi kan Chairman-in a kaihruai ang a, heta tang
hian kan Compere-ten an kaihruai tawh ang)
6) Website Report tawi : Joshua Lalrempuia
7) Website hawnna : Pu Lalrokhuma Pachuau
8) Special Item : BMMP Naupangte
9) BMA Chanchin tawi : Dr. Lalrinawmi Ralte
10) Solo : Tv. Francis Lalawmawma
11) Special Item : BMMP
12) Intelligent Report: Pi. Lalrinpuii
13) Special Item : Samuel Lalrozama
14) Solo : Tv. Darliansanga
15) Group Dance : Grace Home Girls Hostel
16) Solo : Mimi Renthei
17) Lawmthu Sawina : Tv. K. Laltlankima
18) Banna Hla : BMA hla.
19) Malsawm Tawngtaina : Rev. Sairengpuia Sailo
(Note: He Programme hi a tul anga tih danglam theih a ni.)
 SADDAM-A SA A DAM TA LO
Mihring piangchhuak tawh zawng zawng zinga pa tawrawt ber pawl, Christian-tena ‘Black
List of God’zinga an chhiar tel Saddam Hussein-a chu ni zan zanlaiah khan Khaihlum a ni. A
ruang hi tukin zing khawvar hma khan a chenna hmun Tikrik bul Awjah-ah phum a ni a,
Lebanon sawrkhar chuan ama sun nan nithum chawlh a puang. Saddam-a thih thu hian
nghawng a nei thui hle a, vawn chawhma thleng hian a thih thubuai nghawng avangin mi 70
chuangin nunna an chan phawh tawh a ni. Hmun tam takah Kawngzawh leh buaina tichhuakin
amah tantuten khawvel an chawkbuai mek a, thil tha lo thleng thei zawng zawng a thlen loh
nan i tawngtai tlauh tlauh ang u.

TUNKAR CHANGVAWN
Lalpa chu fak rawh u, Lalpa tih mi chu a eng a thawl e, A thupekahte nasa taka lawm mi
chu. A thlahte chu leiah hian chak takin an awm ang a; mi dik takte chuan chu malsawmin an
awm ang. A inah chuan sum leh hausakna a awm a, a felna chu kumkhuaa awm tur a ni.
-Sam 112:1-3
QUOTE OF THE WEEK
Mizote hian ze mak tak kan nei a. Kan rilru leh mit hi a vir em em mai a, incheina lam ni se
kan rilru a lepchiah em em bawk a. . . Kan mit leh rilru virzia lannate chu : Thawmhnaw leh
sekrek thilah kan duh sang em em vek a, a tha leh to ber chi kan hre tlat zel. Neih theuh kan
tum bawk. Mahni khawsakna leh neihin a tlin reng reng loh te pawh thenawmten an neih
avangin neih ve vek kan tum tlat. –R. Lal Rinawma IRS

BMA TLANGAU
#Chhinlung Magazine 2006-2007 kha kan president Pu Lalrokima leh Nl. Thari Hnamte
hnenah lei tur a la awm a, la nei lo te chuan lei theuh i tum ang u.
#BMA Directory 2006-2007 hralh bang kawl kan la awm chuan Kan President hnenah i
thehlut theuh ang u.

THUFING chuan ‘a bul tan that hi a chanve zo tluk a ni’ a ti a, 2007 lo herchhuak
tur hi Hrisel leh Duhawm tak, Mahni Inhlan tharna nen Bul tan theuh i tum ang u!

BMCF INKHAWM PROGRAMME (7th January, 2007)

Hruaitu : Pu Ramdinsanga Saiawi
Tantu ; Tv. Samuel Lalrozama
Tawngtairualna
Thuhriltu : Rev. Sairengpuia Sailo
Special Item: Tv. Solomom Lalhminghlua

EDITOR ZIAHKHUANG
Kumhlui 2006 chu thleng leh tawh ngai reng reng lo tur thlang lenkawl panin a tawlh hrut
hrut a, chutih rual chuan BMA AW enkawl hna duhawm tak pawh a hmawr kan lo bawk leh ta
reng mai. Khawvel hi heti hi a ni reuhva, hnah hluite kan til chum chum a ni ber. BMA AW
enkawl chhunzawm tur Pasaltha tlawmngai tak takte chungah kan duhsakna sang ber kan hlan
mawlh mawlh a, Phuisui zawk leh changtlung zawka par an chhuan theih nan Lalpan’ Hriselna
leh Finna duhawm tak Pek belh rawh se.
 BMA AW kan enkawl chhunga Fuihna thu tha tak taka min finchhuahtu te chungah
lawmthu kan sawi a, Chhiartute mit kan tlun lohna zawng zawngah thupha kan chawi bawk e!
BMA DAM RENG SELA, BMA AW VUL ZEL RAWH SE!

ANTI
# Thiamlohna lama hlawhtling ta hlauh hi ‘Ngurthangvelism’an ti.
#Inkhawm lo vang vanga Inkhawm leh zeuh thinte hian an In khawm chhunah hian kawr thar
an ha duh phian an ti.
#Isua Piancham lawmtute hi Isuan a lawm let vek kher lo an ti.
#Thian thatak, Christmas Boruak avanga in thiantha ta lo kan awm an ti..
#Pawisa hmang hnem nazawng hian pawisa an nei kher lo an ti.
#Robert-a hian BMA AW-a kah a hlauh avangin midang kah tur a thawh thin an ti.
#Mas ruaiah khan cheng 30 man aia eitam kan tam an ti.
#Bangalore-a la awm duh avanga Exam Fail pawi ti lo kan tam an ti.
#Chhinlung thlalak-ah khan Dingdihlip an awm an ti.
#’An ti’tih nazawng hi a finthlak vek kher loh an ti.
#An ti tih duh lo pawl ‘Anti-An ti’a ding thara, ‘An ti’chungchang an ti ti an ti.

BMA DAY Mawhphurhna hrang hrang changtute:

Coupon Buaipuitute : Nl. Remlalfaki, Nl. KC Lalramchuani, Nl. Jenny Lalnipuii
Lunch Buaipuitute: Tv.Lalramthanpuia, Tv.C Lalthanzuala, Nl. Margeret Fanai
Seat Arrangement : Grace Home Boys
Refreshment : Mapuii Girls’Hostel
Banner : Tv. Obeda Lalhuliana, Tv. C Lathanzuala, Tv. C. Ramthanpuia
Decoration :Nl. Shirley, Nl. Lalmuansangi,Tv. Laltlankima, Nl.Thari Hnamte
Zai Hruaitute : Tv. C. Lalhriatpuia, Tv. Vanlalchhanhima,
Camera men : Tv. John Sailo, Tv. Samuel Lalrozama ( Video)
Tlai Dar khatah Chhunchaw ei nghal tur a ni a, a Buatsaihtute hnen atanga thu kan
dawn danin tuizawng tehna temperature-ah chuan a sang ber pawl a nih hmel. Tlailam Dar
1:30 ah kilh tur a ni. Puitling tan cheng 35 a ni ang a, Naupang tan cheng 15 a ni thung ang.

A CHE CHE SIH HLAWK

(che ve lo pawh kan sik tho)
# Zun a han chhuah tak tak tawh hi chuan dal tu a awm tawh lo, Mipa Zun In-ah pawh zun
tawp mai tur. -Hriati leh Kuri
# Ramchhuana leh Maia hi kan Hostel cheina Christmas Tree hi lo ei ziah tawh suh u, a nalh
hman lo. - Wisdom Hmeichhe Boss
# Beauty Planet that leh that loh i hriat duh chuan ka sam hi en mai rawh u.
–Emily of Cooke Town
# Ka fatu ve tlauh tlauhva, samsei min be tha tu ber chu Francis-a a ni thau thau.
–Sammy (luck ve awm lo)
# Zai chu ka thiam lo va, mi zai zir chu ka thiam a ni. –Nautea@JK Hos
# Kumthar atang chuan ka hmuh hmuh, especially Oil ka ei tawh dawn a, ka thau vaih chuan
ka hmel chu ****** bontop ni tawh mai. -Teremi
# Tun tum Christmas ruai zet chu… … Char plate !! -Ramhluna@WsdHome
# Mizo Hmeichhe Sexy ber han nih meuh hi chuan chaw bar dan leh mut dan thlenga thlak a
ngai. –Mimi Renthlei
#BMA DAY chu thum tha leh ang chu aw!! -Dara the Gr8

THU PUARPAWLENG Khawchhak lamah khian mikhual hi an duat thei khawp a, Zan
puanthuah sin tir tur an neih loh pawhin an nulate an mutpui tir tawp mai zel. Chung nula ho
chuan an mikhualte chu an pawm lum a, an chet vaih chuan ‘Chet Hlah’an ti tuar zel a, chu chu
‘che hlek suh’tihna a ni. Rilru bawlhhlawh erawh an pu hauh lo.

KUMTHAR CHIBAI
TUN KUMTHAR LO AWM TUR HIAN I TAKSA LEH THLARAU AH MALSAWMNA DUHAWM TAK
THLEN SELA. I LUNGNGAIHNA LEH HREHAWMNA ZAWNG ZAWNG CHU NUNHLUIIN LIAMPUI
MAWLH RAWH SE! – EDITORIAL BOARD

Vol. XI Issue No. 52 - Bangalore Mizo Association Pathianni Chhuak Chanchinbu - 24th Dec , 2006

BMA WEBSITE
-R.Lal Rinawma (Core Team) & BMA Sr. Adviser
Tun atanga reiloteah Bangalore Mizo Association website thar
(www.bangaloremizo.info) chu tar chhuah a ni dawn a. Website buatsaih tura hotuten an
ruat- Core Team (Pu Joshua Lalrempuia, MBA (IT) kaihhruaina hnuaiah) chuan chak takin
hma a la chho char char a. Hotuten schedule an duan chhunga peih hman ngei an tum a ni. He
website hi a hmangtute tana remchang leh tha tak ni turin engkim ‘professional’ taka
ruahman a ni a. Bangalore hi IT City a nihna khawvela lang tham a nihna phurin Bangalore
Mizote website thar pawh hi chutiang taka ‘professional hnuhma’ lang chu a nih a
pawimawhzia Core team memberte hian an hrechiang em em a ni. Hemi a nih avang hian senso
pawh a sang lo thei lova. Sum senso tam lutuk silo, tha ve tawk niturin an thawk a ni. Tin,
Website tha leh hmanna features ngah siam turin Rs. 30,000 atanga Rs. 75,000/- sen a ngai
thin. Thil tha hi a man a tlawm thei lo reng a ni. Kan website thar siam nan hian BMA sum zen
lovin Brigade group ISO company, India ram pawha lang tham ten an sponsor a ni. A vaia
senso hi Rs. 20,000/- vel a ni dawn a ni. Chutichuan, Mizoram pawna Mizo khawtlang thiltihna
kawng hrang hrangah hmahruaitu a lo nih thin angin BMA hian he website thar hmang hian
midangte entawn leh duhsak a hlawh ngei beisei a ni.
Tun hunah hian Website siam hian mawhphurhna leh phurrit a keng tel fe tih hi BMA
memberten kan hriat tel ngei a tul a. A bik takin tarlan tur thunbelh kawngah tan lak mar at
reng a tul dawn a. Website update ngai loh chu miten an kheuh hawng fo duh lo thuai thin.
Chuvangin, BMA-a kan hotute pawhin he thil pawimawh tak hi hriain a update thintu tur,
webteam uluk fe a an siam a tul dawn a. Taimakna a tul a, mawhphurna hriat hle a pawimawh
hle dawn a ni. Website dintuten Rule 2 an hriat reng tur a awm a. Rule 1: Update every day.
Rule 2: Not to forget Rule 1 a ni e.
Tin, Webteam (content developer) te tana hriattur pawimawh tak dang chu:
 1) Website-a tarchhuahte hi khawvel puma mite chhiar theih a nih avangin thil tarchhuah
reng reng hi belhchian dawl a ni fo tur a ni a. Phuahchawp leh a source mumal lo
pumpelh a tha ber fova, source dang atanga lakchhawn a nih pawhin a source tihlan fo
a dik;
2) Tawngkam duhdah leh mawilo (rude and obscene) telh hlek loh tur a ni;
3) Community website a nih angin zahawmna a keng tel tur a ni a, mimal inbeihna leh
inkhakna lam pumpelh fo a tha;
4) India rama hnam hrang hrangte leh sakhaw betute inkara inhriatthiam lohna leh
innghirnghona thlen thei thil pumpelh fo tur a ni;
5) Ram venhimna (national security) ti derthawng thei leh thil pawi telh ngai loh tur a ni.

EMERGENCY MEETING
Vawin tlai inkhawm ban hian BMA Executive Emergency Meeting, Biak In-ah koh a ni a,
BMA DAY hman dan chungchang Sub- Committee ten an rel tawh chu thlir zui ho a ni ang.
Member-te kim takin i kal theuh ang u.

MI CHHUANAWMTE
#Lalmuansangi Hnamte chuan a zirlai BA 3rd sem. chu Distinction-ah a pass. (college: Mount
Carmel)
#Lalmalsawmi pawn BA 3rd sem hi 1st –ah a pass bawk.
#Dr.AIT atanga Electronic and Communication Engineer zir zo leh Campus Placement hmu
Vanlalpeka c/o H.Lianzuala chuan Wipro Company-ah Project Engineer hna a hmu.
#K.Malsawmtluangi d/o Rev. Dr. K. Sapthanga chuan AOL ah Cataloger hna a zawm thar. He
hna hi mi engemawzatin an exam a, Web Designing A+ a traning chhuak tawh sawmtei hian a
tih that chungchuan bik avangin an la ta a ni. Sawmtei hian BA (Communicative eng) Jyoti
Nivas-a a zawh hnuin BU hnuaiah correspondence-in MA (eng) 2nd year a bei mek.
#Philia L. Khiangte c/o Rev Dr. K. lalrinthanga, Ernst and Young Company-a associate
EYOnline thawklai chu performance, skillsets leh Leadership quality neih that avangin India
Hub Teamlead zinga Promote a ni.

CHRISTMAS NI INKHAWM PROGRAMME

( 25th December, 2006)
Hruaitu: B. Kapthuama IAS(Retd)
Tantu : Tv.Lalchhanhima
Thawhlawmhlantu: Pi Jenny Lalrinmawii
Thusawitu: Rev. Dr. K.Sapthanga
Special Number : BMCF CHOIR
Nl. Vanlalhmingthangi (solo)

EDITOR ZIAHKHUANG
Keizawng awmhmuhah hian ka za zek zek tawh mai ka ti. Khuangpui nufa leh Vawksa thau ka
hmu kawp rial rial bawk a, Isua piancham chauh emaw ka tih thin, ka NUNNA PIANCHAM a
lo nih zawk zia ka hriat hnu phei hi chuan ka nihlawh mawlh mawlh a ni ber. tunah tak khan “in
hmangaih tawn turin min zirtir si a” tih kha ka ngaithla mek. Mass chibai u!
KRISTMAS-AH HIAN
#Accident a tam. ( kawngpui dungah leh khumlaizawlah)
#Rawng sen a tam.
# Inthren ai inchhar thar an tam zawk.
#Mihring kan zawi bik.
#A ruka kawthralo kan tam.

BMA DIRECTORY KHA

BMA Directory 2006-2007 hralh bang kan awm chuan kan President hnenah i thehlut ang u.

BMA DAY
BMA Day chu Goodwill Girls HS-ah 1st January,2007 hian lawm tum a ni a, Lunch nen nuam
taka hman tum a ni. Vawin Executive Committee chuan he thu hi a nemnghet ang.

A CHE CHE SIH HLAWK

(che ve lo pawh kan sik tho)
# Tuntum urlawk zan leh new year chu samsei hmanpui tur zawn ve a ngai tawh a ni. A
pahlang ringawta ar kan reng mai zawng - sammy
# Exam-in min dang thei lo, kan rawn tichho nawk nawk dawn tho. - Dr. AIT Valrual
# Ka thil thar neih tur chuan nula a chhawm hmel khawp mai. -Zaia@Kora
#Tunlai chu ka buai aniang, zing thingpui te hi tlai ni nemah ka in hman trawk..!
-Pa RKa
# Sass lam a nih loh chuan tuman min call suh u, incoming call chawi ngai, no money. -Robert
4m Vellore

The Little Drummer Boy - Mapuia Chhangte Roa

Tunlai chu ofis-ah hna kan neih lem loh avangin internet atanga Christmas hla
download-in ‘ka ngaithla e’ka tia. Ka hman bawk a, hla chi hrang hrang ‘O Holy Night’, ‘Silent
night’leh a dangte pawh ka download nual. Amaherawhchu, ‘The Little Drummer Boy’hla ang
renga min hnehtu a la awm lo. Vawi tam tak ka ngaihthlak hnu leh Masi vawi engemawzat ka lo
hman liam pui tawh hnu chu a ni ngei mai, mahse kumin Masi tluka he hlain min den nat hi ka la
tawng ngai lo a ni awm e. Mite angin a Mizo tawngin dah thiam vein hrilhfiah thiam ve kilh
kelh lo mah ila, keimaha a tlak dan tlem azawng han ziah ve ka chak a. Ka saptawng thiamin a
daih lova, ka Mizo tawng thiamin a tlin hek lo, "ngaihruatin lunglen a hril chang chang" tih ang
vel chauh pawha ziah ve hram ka duh si a, a fiah lo lai a awm pawhin ka rilrua a tlak dan in lo
ngaihruat tawh mai dawn nia.
A hla thu hi kei, mimawl saptawng thiam lo pawhin hnukulh teuha ka ngahthlak theih turin
a mawl (simple) a, mi khirh leh rilru sak berte lairil chhun tui pha khawpin a ril thung si.
Mite'n thil hlu tak tak rangkachak, beraw leh murra te nen Lal chibai an buk lai khan he
naupangte hi chuan engmah thil hlu pek tur a nei ve lo. Amaherawhchu, chuti chung chuan Lal
thar lo piang chu chibai bukna thilpek pek ve ngei a duh si a. A pek ve theih chhun, a thiam
leh theihna chu Lal chibai buk nan a 'show' ta a ni.
“I am a poor boy too, That's fit to give a king, Shall I play for you, On my
drum? “
'Hmeithai rethei thawhlawm thawh' nen khan a 'rank' a inangin ka hria.
“I played my drum for him, I played my best for him, Then he smiled at me, Me
and my drum.”
A thiam leh theihna vawrtawp Isua tan a hlan a. Nausen Isua'n hlim hmel tak maia a rawn
seih let kha a tan chuan lawmman hlu a tling em em a. Kraws lera chawplehchilha misual
ngaidamtu chuan ani pawh hi a hnen Paradis-ah a chen tir ve ngei ang tih a rin theih.
Christmas kan han tih mai hian ka rilruah enge lo lang hmasa ber thin le? Christmas card,
present, ruai thehte a ni hlawm ngei ang. A nih leh he hunah hian "Tanpui ngaite tanpui" hi
kan rilruah a lo lut ve thin em? Zep lovah chuan kei chu a lut khat khawp mai. Mahni theuh
inzawt ta hlawm ila. Mi tumah hi ‘chumi chu ti rawh,’emaw ‘ti suh’emaw kan inti ngawt thei lo.
Amaherawhchu, keimahni duh ang leh nuam tih anga hman kan tum piah lamah hian engemawti
kawng talin midangte tan malsawmna ka ni thei em tih hi inzawt theuh ila. Sum leh paiin
midangte i tanpui thei lo anih pawhin i bula mi lungngai taka kun reng kha hlim hmel pu
chungin Krismas chibai han buk teh, i rin loh leh tum loh deuhin a lungngaihna i chhem kian
sak maithei asin.
Chutiang zelin engemaw kawng talin kumin christmas ah hian midangte tan malsawmna nih tum
theuh ila. Naupang te in Lal hnena pek turin thil hlu a nei lo ang hian keini pawhin thil hlu pek
tur ka nei lo a ni maithei, mahse, a neihchhun; a thiam thil a hlan ang hian keini pawhin kan
theihtawk, a tlem emaw a tam emaw, a mawi emaw mawi lo emaw, a tam emaw a tlem emaw
kan theihtawkin Lal lo piang chu chibai i buk ang u.

Vol. XI Issue No. 51 - Bangalore Mizo Association Pathianni Chhuak Chanchinbu - 17th December, 2006

‘U AMA’AN AM A
Se en rual te te an in tuk khawm a, lungthu nung vei ken chungin thlertin an suartluan a. Tleirawl rual
ho chu khu luih luihin pi Tawni dawr kawtah an thu khawm a. Senior ho hlazir tur pawh tingtang pawmin
kawnah an liam mek a. Thlangra kan thei chin thah Laizawn pali awmna Rotawnite sumhmun atang chuan
buhden ri a in thumrawn dat dat bawk a. Kumpui linglet teh meuhva an nghah Kristmas a lo thleng dawn
miau a tin ni.
‘Zuali Sailo’ tih leh ‘thlehem’ chauh chuan tawhna Cassete thulkhung chu Head master Hotupa
Liankunga chuan a thingrem upa ber atang chuan a kawm chhuak a. Kum sawm leh pariat teh meuh a lo
hun tawh a makpa Rangoon kal a chah ve ngat National Tape-ah chuan a han khengbet a, Chu zan
khawvawt vin tuk mai hnuaia chu khawro tak, ‘Lelte kiu ri ringawt pawh a ngap ange’tih mai awma mawi
chu Bethlehem dai phulleng an chang leh ta delh delh mai a. Zan Lalnu pawn saruak ngatin ni vanzawlah
lam a thai ni.
Val to lo U Hluna leh U Zarate chuan kutkawr bunkhat chu khing lehlam ve ve an bun a. U Hluna
chuan Upat luat avanga chhe thei reng reng lo a jeans tlang chu a mawza lumah a thun ngei a, tichuan a
mawza lum rahchhan atan ‘Lotto Savun’chapel a chawi bawk a. U Zara ve thung chuan kawrlum a ha ve
lova, lum a tih vang erawh a ni hran lo. A thawh hmaa a nau Khumtiran an lether jacket intawm Mass
Sial kaihnana a ha kher kher chu a pawi a ni. Lo haw vat teh se a chak lo vang.
‘A nun chanve a hmang tawh ange’tih mai tur nula U Tha-i leh Lalngovi hlazir bang chu chang rantu
an neih ve loh avangin an rawn inkuah thla hnawk hnawk a. Kawngsira tleirawl lentur hre lo ho chuan
chhawm thlak beiseiin an lo chang ran bawk a. U Tha-i zawng senior a ni a, a ngaihtuahawm lovang.
Chung tleirawl rual ho chu lo be tha duh ta lo ringawt se, Urlawk zana a kan hual an arpahluisen chu tuin
nge puahpui ta ang!
 Pi Biaki In a lun hle. A lo inhmakhua nasa bawk a, Pulit leh kawr uk ha hlauh tur awm ve hek lo,
banglaiah te chuan an khai ang nelh nelh a, nasa takin thukpui an tialh hluah hluah a. Thurei deuh tawh
pu Cheuva te, Pu Kulha te, Chawkidar Liantea te chu an rawl a ring leng lawng hle tawh a, Khawchhak
mifing pathumin Lal Isua thilpek an hlan chungchangah an in chapchar a ni.
Piandanga zawng mi lungleng mi ngang hi a ni a. Kawnghren hmanga a awrh perhkhuang hmapawm
chungin Sulhnu a rawn chhui leh ta tleng tleng mai. IB hnunga hmeithai Pi Hauvi In atangin a rawn tleh
phei tan a. A kal than tawh em avangin atan kawng en a ngai lova, Vanvadaka maimitchhing chungin a aw
mil ngei mai lungthu key chuan a rawn nuai phei a, Thaduna te Carol tur nen an in tawk, remchang lutuk
ringawt, tu inah nge an luh hmasak be rang? Pi Biakin thlawr thar hlim a nei a, a thlum tha hle mai tih an
hria. Het! Tih chi lutuk tlat, tumah an hrilh dawn lo reng reng.
Mi strict lutuk pu Chhawna ve thung chuan perek inchi 6 laia a kilh beh an sikul gate chu a la him nge
him lo thlithlai pahin torchlight cel li kengin, a inleng pu Kunga chu a hruai a, a hlauh ang ngeiin a lo in
hawng. “ka fa te pawh ni se ka phawk tho thovang” ti niawm takin a veh. Nula pawh an lawn ve theih ik
lohna tur thingbuk lam lam a chhun kual. Sikul hnung barbet wire inkham chu a kuak kuau avangin an
chhuak ta a ni mai thei. Perek inchi 6 bawk chuan a kilh tha leh ta. Chutiang zan vang leh romantic
lutukah pawh an sikul chu chance neihna atan a phal awkawng lo a nih chu.
Kawngpuiah ve thung chuan nulat hre tir, inleng la nei ngam si lo awmpawng rual chu a awmkhawm a,
chau kang turin veng tawp lamah an phei. Kalkawngah an mahni rualpui Mipa hovin an lo lambun. Hlau em
em si lo hlau chu an tlan darh. Reilo teah an lo let leh, Gang rual an lo la thu si, an hlau an inman khawm
a, an ri chel chul. Intiamruala mass hman ho ve awm a nia, an zak tlat si, Buaithlak!
Pi Biaki zu bat dil hlawhchham Ch.t-ate thiandun lungawi lo chu sipai bang Lawmkunga
jeepah lunghnurin an thu,a thianpa chu a nupui ruk zawk a then leh tak Sangpuii rim turin a
fuihpawrh ta vel mai mai. Chutih lai chuan naupang thuawih thei tak Sentea tuichawi tur
tuitai kawngah a lum an ti. Nat chu a na em lo va, lenna tur nei ve lo ho chu Tuitai kawngah an
in hmukhawm a ni ringawt. A khup a sawh na deuhva, a tin ken chu hmantlak lohvin a chhia a,
tin a zu char tu tlangval pachhunga hmel a chhia an ti bawk. Tual Upa Chunglawma pawh Tap
aiah mafler awrh chungin Chanchintha a chhiar a, Christmas tuka hun a neih dawn avangin
nasa taka a in puahchah a ngai a ni. Upa thlan leh hunah pawh a buk rit pawl tak a ni tih hre
rengin a Aizawl kal laia a thlenin pa Letter Head a dilchhuah’ State Bank of India’ inziahna
note buteah chuan pawimawh a tih lai lai pencilin a ziak zel a. An nu pi Saikungi pawn a
kawlbahra chum vil chungin a tawiawm bawk a, nu fel tak pasalte ngaisanga chhuang em em tu
a ni. Nula Zualbawihi te in a lun hle mai an ti. Inchhunga thu ve duh lo titau ang reng ho chuan
Zualbawihi koh lawm lawm pawh hre tha duh lovin tual charah an in la riang bik a, awm ze nei
deuh deuh hla an sa. Inchhunga awm ho pawh an ri chel chul a, pu Tawia zu thuhruk an lak ruk
laia an lum dan chanchin an sawi. Zualbawihi rilru a chavaih! Inchhunga a inlengte chhuahsan a
rem si lo, a bengin pawna thu ho thawm a ngaithla ru reng bawk.
Rorela leh Chhuanmawii zawng Pawltlak tirh atang daih tawha inkawp an nih avangin tuman
an zim buai lo. Chhuanmawiite tap chhak lum chu a pa ‘ngawr’takngial pawhin a pawlh dal lova,
an pahnih chauhvin rannung ang maia zawiin an inkawm a ni. Inhmatawnin an thu ve ve a,
pakhatin chaicheh a khal a, pakhatin chhemthei, an thu sawi lah chu a zawi em em mai a, Nau
pian hun chu an sawi ngei mai. Chhandamtu nau pian hun nge an sawi a, chu tapchhaka minung
pahnih thute suihnghettu tur nau pian hun tih chu tawng ve hlawl lo maenga ten bangawng
atanga an ngaithla te a nih ngawt loh chuan tun an hre lawng e!

BMA WEBSITE
BMA Website thar Bangaloremizo.info chu BMA day lo awm tur January ni 1, 2007-a
hawn hman tuma chak taka hmalak chhoh mek a ni . Cheng 20000 laia sponsor tu Brigade
Group chungah BMA a lawm meuh meuhva, tin Website Sub-Committee Convener Pu Lal
Rinawma leh a thuihhruaite thawhrimna an fakawm hle. He Website hi a class a sang hle a,
lian leh phuisui hle tura duan a ni.

JOINT COMMITTEE
Nimin Inrinni tlai dar hnihah khan BMA leh MSA hruaitute (OB-te leh Adviser-te) chuan
Rev. Sairengpuia In, UTC Quarter, Nandidurga Road ah joint Committee an nei a, he .
Committee thurel, MSA leh BMA thawh ho chungchang chu tuna indawrna boruak atang
chuan thawh ho dan tur mumal taka thutawp siam theih a la ni lo.

BMA EXECUTIVE COMMITTEE

Nimin tlai , MSA leh BMA hruaitute Joint Committee neih zawh tlai dar 5-ah BMA
Executive Committee, Rev. Sairengpuia Inah vek neih a ni

BMA DAY
Bangalore Mizo Association Day chu Kum thar ni khat lo awm turah hian neih tum a ni a,
member pariat awmna BMA DAY sub- Committee-te buaipuina hnuaiah hmandan chungchang
ruahman mek a ni.

BMCF INKHAWM PROGRAMME (24th December, 2006)

Hruaitu : Rev. Dr. K. Sapthanga
Tantu : Nl. Lalnunpuii Fanai
Thawhlawm hlantu: Pi.Lalhmangaihzuali
Thusawitu: Pu. H.T.Sangliana
Special Number : BMCF Zaipawl

EDITOR ZIAHKHUANG
Madawnga ten chhuhsak min chak zek zek tawh mai si a, Hapta khat lo liam a awm tawh lo
ve. BMA AW chhu tur hian kartin KM 50 ka zin thin tih hre tu in tlem si a, Computer ka neih
hman loh vang leh VIP tlemna venga awm current min cut hnan avanga kan issue tihchhuah
hmasak ber tur zan kan mut chhin eih loh ziate kha Teremi te hian hria se zawng, an hun laia
cyber leh hostel inkar, a huhova kartawn ringawt thawkrim an in tih ve te lakah kha chuan U
tak a ni U tak. Kan Cir. Manager pawh hi chawlhni tin inkhawm si kar khatmah a la inkhawm
loh hi! tun tum pawh hi lo ngai reng mah rawh u, inkhawmbana sem tur inkhawm lain a Xerox
chawp leh anga, inthram bang biscuit a ei leh hman chauh ang.

A CHE CHE SIH HLAWK (che ve lo pawh kan sik tho)

#jenny, “mi pakhat ka rawn kap anga min kap tawh suh u, ka intlan ang” i tih kha rawn intlan
th rh. – Editorial Board
#blore-ah hian chhass ka nei lo tak ngial dawn a nih hi- Malsawma Hauhnar
#MSA Calendera ka pawsi hi ka pianpui chiah chiah –Madawnga Hauhnar
#Calender-ah hian ka lang ngun ve ta bawk a, hming phelah tal hmang ta ila a mawilo lem
lovang chu! - Calendar tharie
#’u will be lonely this christmass’ tih hla hi tun kum atang zawng ka bai bai thei ta! -
Aldrin@AIT
#Keinite chu aw pek zawp hun kan hria a,kan nghei thei ve hlei nem! -
Tlana@UTC

Vol. XI Issue No. 50 - Bangalore Mizo Association Pathianni Chhuak Chanchinbu - 10th December, 2006

MI MAK TAK CHU ! -EDITOR

Suria ram thingtlang khaw te tak te ‘Nazareth’ an tih a mi, miin thingrem an mamawh tawh loh
huna chawnghei mai tur ‘Mistiri’fapa upa ber, pianna tur khualbuk an chan ve loh avanga Bawng In tawp
, hing leh chep zeta piang, Bawng chaw an pekna kuang hnang kawih tak an tih fai chawpa an zalh ve mai,
tuamna puan pawh an neih loh buhpawl hmanga an tih lum, a tet lai chanchin tumahina an hriat zui loh,
kum 30 a nih atanga kum 3 chhung chauh thingtlang vela vak vak thin, a chipui tena hnawksak an tih em
avanga an hek, suamhmang leh mi sual berte an hremna thingkawkalha an sawisak hlum tlangval chanchin
kha ka ngaihtuah thin a.
A hming maka a ni reng a, a mak hle mai. Pathian fapa an tih lain thenkhatin mihring fapa an tih
bawk, rem lentir tura lo kal do lentir hlauh tu, mifel famkim ni si misualte thian, chhandam tura lo kal si
amah inchhandam si lo, thi hma si dam rei em em, a hmelah ngaihno a bei lohzia Bible-in a sawi laiin
amah ngainatute chuan an en ning ngai si lo, Mihringin Ramhuai a tih ramhuaiin Pathian a tih thung si,
rethei taka lo piang birthday hla ngah ber, hlawh nei lova zirtirtu te zirtirtu, trained lova daktorte
daktor, thlantlin hlek lova lalberte lalber, thianghlim famkim si nawhchizuar leh hleprute mikhual,
hmelma ngahber mahse hmelmate hmangaih ber tu, kan hreawm phal lo tu ni si amah zuitu chu ‘mahni
hreawm pawh pawisa lovin’ ti bawk, lei naufa leh Van naufa nisi lei leh van inkara an khaikan, ti damtu
mahni intidam ve duh lo, mahni thih tur thu hrelawk tu mahse tlan bosan tum hauh lo, khawvelina an
khenbeh avanga khawvel khengbettu Isua Krista chu!
He khawvelah hian a awm rei lo hle! Alexander the great leh Bruce Lee ang maiin kum 33 chauh a
dam a, a chanchin pawh kum 3 chhung a vahvaihna bak hriattur kan nei lo.( kum 12 mi a nihin Biak Inah a
kala, haw nachang a hre lo tih chu kan hria a). Chu tlangval, ka mitthla dana ria lam deuh, feet 5’11 vela
sang, sam buang ngil tak, hnar ngul sang, meng paw chiai, zahawmna, nelawmna leh hlauhawmna keng
kawp, nui tam lem lo tak chuan chutih laia an Moderator te, Rev. te, an Cabinet lu tak tak te leh an VCP
te chu pakhat mah hlauh a nei lo va, ‘In tidik lo a ni’tiin a kawk sak sak ngam a, an dan leh hrai kumhlun
zahawm tak takte chu ama dan thara thlak a tum a, Uire a ngaidam, phar a tidam, mithi a kaitho,
nawhchizuarte a kuangkuah, chhiah khawntute inah a thleng, miin thil an zawh lahin tehkhinna thufing
tak tak hmangin a chhang dang zel si, ‘mahni hmelmate hmangaih tur’ a ti, “miin i bianga an ben che
chuan a lehlam pawh dawh rawh” a ti leh zel, mirethei leh michhiaten an zui luai luai, Biak Ina thil
zuarte hnenah phei chuan ‘Tsunami’ tenau a thlen tir, ramhuai ang maiin tui chungahte a kal, thilmak
tam tak a ti, Pathianah a inchhal, chu zet chu dan kalh a ni si, Judai ram a buai zo ta! Hruaitute lu a hai,
an Messia nia inchhal chuan Messia na reng reng a nei ta lo, an hek, an khing, a tawpah an khengbet ta a
ni.
Nimahsela a tho leh vat a, vanah a lawn a, tisa ni lovin thlarauvin a ram a zauh ta zawk a. A thisen
chhuak chu Blood Bank atanga draw chhuah chi a ni lova, rinnaa kan dampui theih zawk nan mitin hnenah
a leihbaw ta zawk a. An khaikanna Kross pawh mit neite chauhvin an hmuh bik theih loh nan mit
nei ve lote thinlungah pawh a phun vek a, a hming lam apiang an dam ta zel a. A dam laia mi 12
lek zuitu nei khan kar lovah Rom sorkhar suat thamin amah tantu a nei ta a, Ephesi,
Jerusalem leh Rom khawpui atangin a darh zau zel a, Asia ram leh Pacificte a kang kai ta
chum chum mai a, a Lehkhabu phei chu tunlai khawvel Literature chawmtu a ni ta hial a ni.
Ranchawpekna thlenga piang khualbuk chang lo khan i thinlung khualbukah pian a rawn dil leh
dawn, engtin nge kan lo mikhual ang! “Chung siar kan tan lo eng ve rawh, hmana mifingte i
hruai ang khan, Bethlehem khuaah min hruai ve rawh, Lalthar chibai kan buk ve theih nan!”

QUOTE OF THE WEEK

“Mizote hi arbawm chhe kang ang deuhva thawk khat rik hluai nei, daih rei lem lo kan ni
fovin ka hria”
-Rev. Lalhmingchhuanga, UTC

CHHINLUNG SIAMTHAT A NI
Chhinlung Magazine 2006-2007 chu siamthat a ni a, mistake tamtak siamthat a nih bakah
thlalak kim lote dah belh a ni.

BEAUTY PARLOUR THAR

‘BEAUTY PLANET’, Sony Complex, Jay Bharatnagar, ITC Infotech Park atanga hnaiteah
kan hawng ta e, rawn pan ve teh! Training pawh kan pe thei a, Dawr hawn ni atanga X-Mas
thleng DISCOUNT kan pe dawn bawk.
Parlour thar, PATHIAN HNENA HLANNA, Naktuk Dt.11.12.06 tlai dar 2-ah neih a ni
dawn a, a thei apiang min tawiawm turin kan sawm nghal che u.
Prop: F.Lalrotluangi(mapuii)
Ph: 9886738975, 9845541884,
080-25476947

ZORAM NEWS
#Mizorama Synod Khawmpui neih mek chu zaninah a tiak dawn ta. Moderator tharah Rev.
Vanlalchhunga thlan thar a ni.
#Nizan khan YOUTH ICON thlan a ni a, 1st Zoramthani ( N Vanlaiphai), 2nd Lalhmingsanga
(Republic), 3rd Esther Lalchhanchhuahi (Chhinga veng)

BMCF INKHAWM PROGRAMME (17th December, 2006)

Hruaitu: Rev. Sairengpuia
Tantu: Nl. Eunice
Thawhlawm hlantu :Tv. Lalbiakdika
Thusawitu: Pu. K. Lalrokima
Special Number: Tv. Salomon Lalhminghlua

EDITOR ZIAHKHUANG
CHHINLUNG HMING HI
Bangalore Mizo mai pawh ni lo, mizo hnam rohlu tak Chhinlung Magazine hi a tichhuak hmasa
tute khan engvanga ‘Chhinlung’hming lo put tir ta mai nge an nih tih ka ngaihtuah thin a.
Pipute titi pakhatah chuan China Lal pakhat ‘chhinlunga’hi a awm a. A pa angchhung atangin
ho tam tak hruaiin a chhuak tau a, Burma ram ‘Awksatlang’ah khian awmhmun a bengbel a, Lal
ropui tak a ni. Nikhua a lo rei a, ani chu a thi ta a. A hote chuan Lal dang hnuaia awm an duh
ta lova, tichuan an tladarh zo ta a. Chung tladarh ho chu ‘Chhinlunga chhuak’an lo ni ta a ni.
Mizorama awm te, Manipura awm te, Cachar tlanga awm te leh Satikang tlanga awm te hi
heng tladarh zinga mi te hi kan ni. Titi pakhat lehah chuan mihring tawh phawt hi ‘Chhinlunga
chhuak’ kan ni a, puk thuk tak, lung lianpui maiina a chhin atanga chhuak vek kan ni. Piputen
mihring an tih hian a huam zau lo mai thei a. Pu Bengkhuaiaten Assam ram thingpuihuana
Mary Winchesteri an man tum pawh khan hniak an hmu a, “ helai hniak chu a bel hle mai.
Mihring dang an awm ve a nia nge” an ti duh lek a nih kha. Khatih laia an hmuh phak chin (mizo
hnahthlak chi hrang hrangte) bak kha mihringah an chhiar telin a rinawm loh. A enga pawh
chu lo ni se, ‘Chhinlung’chuan thuk taka ngaihtuah chuan ‘Zalenna’a kawk ta tlat mai a, lung
chhin hnan atanga chhuak kan ni emaw ‘Chhinlunga’lalram atanga chhuak kan ni emaw, ‘Zalen’
kan lo ni ta a. He Bangalore Mizote Magazine tihchhuah, zalen taka Ar dum leh Ar var kan
lawi luh za na huang hi ‘Chhinlung’ni awm reng a lo ni. Kan rual U te khan thil an lo thlir zau
ngawt mai!

TUALTE VANGLAI(tun hnua phuah belh):Tualte Vanglaia Bangalore-a Mizo tlem zia mai
chu(h) an han inkhawm ve a, thusawitu chu Pulpit atang chuan a tawngtai a, “Aw Lalpa, vawin
nia Fianrial tawngtaina hun hlu tak mi pek avangin ka lawm e” a ti mauh mai.
Kar lehah chuan an tam ve deuh tawh a, papakhat chu tlar hnung bera a thut avangin a ninhlei
hle a, Pastor chuan “Tlar hmasa bera thu si zah nachang pawh i hre lo” tiin a hau va. An
Pastor haw tur chuan pawnah Sabengtung a phar dinga one and half-in a chuang. An zaipawl
pawh kha an indaih lo mai mai khawp a, an Conductor chu darthlalang hmaah a ding a, a rilruin
a bass a, a ngaihtuahnain tenor a sa a, a mitthlain controlto a sa bawk a, a suangtuahnain
soprano, tichuan a ka in Haleluia a pe thung a.

A CHE CHE SIH HLAWK(che ve lo pawh kan sik tho thin!)

#Nizan Grace Home hmeichhe ho rawn Carol chu sawitur engmah ka hre lo, ka lai chhe der a
ni ringawt. –Ramhluna of Wisdom Home
#Tun trum Chhinlung Magazine chu ka Album a ni ringawt . – Nl. Hriati
#Pu Muana leh Pu Rengpuian Lalruotmawii hming thar chu heti hian an phuah a ‘
LEILUNGLEHACHHUNGATHILAWMZAWNGZAWNGLUNG-TILENGHLUAHHLUAH-I’

TLANGVAL CHHUANAWM : Tlangval SAMUEL LALROZAMA chu tun thawhlehni lo awm

turah hian India ram aiawha MUAY THAI WORLD CHAMPIONSHIP khel turin Bangkok-ah a
kal dawn. BMA –in kan chhuang hle.

WITH FUN FROM HRANGHLUI:

Hranghlui pa turu, Sai butu-a an tih mai, Lord Robert Pu Saia intikher thin, “German ral chu a
seh a seh tur em ni? Silaimuah tal min hmang rawh u” titu khan tum khat chu Pu Samuela, Kan
Sap Missionary leng hi a zui ru a. Pu Samuela chuan “nang chu lo kal ve suh” tiin a awmah a
nem a. Pu Saia lungawilo chu a petek thla zel a, an dinna atanga hla taka awm Pu Samuela Inah
chuan a petek lut ta a, an bungbel dahna chhuar chu a bawh thlu ta rem rum mai a. Miin a
chhan an zawh chuan “ Pu Samuelan min nem a nih kha” a ti mai a, awihawm loh viau mah se
thiam a chang tho. Tumkhat pawh miin Sakei an tihhlum chu “engati nge London atanga ka
sakei chahchhuah in tih hlum” tiin a chhuahchhal a. Ran a seh thin thu an hrilh chuan a ni
chuan “Bawng leh vawk te chu a chaw ve reng a lawm! Seh lo sela enge a ei ang? In chawm
peih em ni?” A ti ta hrep a ni awm e!