Scribd Logo
Upload

Welcome to Scribd!

  • 17 views

    PAGE-2 Ni 11 May

    Uploaded by

    Thingsulthliah
    1. The document discusses a power outage in Simeikhu village caused by a fault in the 133 KV transmission line from Serchhip. Staff from TST Power worked to repair the line. 2. It details the author's experience without power for several hours as they waited for repairs. They could not charge devices or access information. 3. Local leaders commended the author for passing their Class 12 exams and encouraged them to pursue further education, despite challenges.

    Copyright:

    Attribution Non-Commercial (BY-NC)
    Download as PDF, TXT or read online from Scribd

    PAGE-2 Ni 11 May

    Uploaded by

    Thingsulthliah
    17 views1 page
    1. The document discusses a power outage in Simeikhu village caused by a fault in the 133 KV transmission line from Serchhip. Staff from TST Power worked to repair the line. 2. It details the author's experience without power for several hours as they waited for repairs. They could not charge devices or access information. 3. Local leaders commended the author for passing their Class 12 exams and encouraged them to pursue further education, despite challenges.

    Original Title

    PAGE-2 Ni 11 May

    Copyright

    © Attribution Non-Commercial (BY-NC)

    Available Formats

    PDF, TXT or read online from Scribd

    Did you find this document useful?

    Is this content inappropriate?

    1. The document discusses a power outage in Simeikhu village caused by a fault in the 133 KV transmission line from Serchhip. Staff from TST Power worked to repair the line. 2. It details the author's experience without power for several hours as they waited for repairs. They could not charge devices or access information. 3. Local leaders commended the author for passing their Class 12 exams and encouraged them to pursue further education, despite challenges.

    Copyright:

    Attribution Non-Commercial (BY-NC)
    Download as PDF, TXT or read online from Scribd
    Download as pdf or txt
    17 views1 page

    PAGE-2 Ni 11 May

    Uploaded by

    Thingsulthliah
    1. The document discusses a power outage in Simeikhu village caused by a fault in the 133 KV transmission line from Serchhip. Staff from TST Power worked to repair the line. 2. It details the author's experience without power for several hours as they waited for repairs. They could not charge devices or access information. 3. Local leaders commended the author for passing their Class 12 exams and encouraged them to pursue further education, despite challenges.

    Copyright:

    Attribution Non-Commercial (BY-NC)
    Download as PDF, TXT or read online from Scribd
    Download as pdf or txt
    of 1

    SIMEIKHU KARTIN CHHUAK THINGSULTHLIAH

    Dt. 11 May 2013 (INRINNI) PHEK- 2

    editorial : CURRENT CHHIA Tunkar ningani chhun a ruahsur leh thli tlehin Serchhip atanga Current kan lak pheina 133 KV Line chu Tlungvel-ah a tichhia a, zankhuain current kan neilo.
    Current Line a chhiat thu hriat a nih veleh Tst Power SubDivision SDO leh JE hovin staff zawng zawng deuh thaw an thawk phei nghal a. Tlungvel Dawrkawn chunga 133 KV Line chhia chu theihtawp chhuahin thim thlenga thawkin an siam a, Tlungvel mipui ten an lo pui bawk a. Keini lam, Simeikhu chhut zan lo ni bawk nen, an siamtha hman lovang tih kan hlau hle a. A khat tawkin Power hotute kan va phone deuh reng a, Kan siamthat theih chuan kan Eng thei ang, Line dang chhia a awm loh chuan tih thu kan dawng a, kan en mai kan inbeisei ve hle a. Zan dar 7:30 velah an siam zo a, mahse kan Eng thei ta chuang lova. Kan han zawt chiang a, Bukpui leh Chhingchhip inkarah Line chhia a awm a, hei hi Bukpui lam chan a ni a, chu chu siamthat anih loh avangin Eng kan nei thei ta chuang lo a ni. Engpawhnise, Tst Power Dept lamin an chan lam an tifel thei hrim hrim hi a lawmawm a, Kan en hman loh hlauvin an thawkrim em em a, hei hi mipuite pawhin hre tlang ila a tha awm e. An thawhrim ang leh taimak ang hian khaw dang te pawhin hma la ta se kan Eng hman mai awm e.
    Zan dar 7:45 velah kan eng thei dawn lo tih kan hria a, kan Correspondent Pu Ramngaizuala te Inah, an Inverter hmangin tlai khawhnuah chanchinbu hi kan han buaipui a, mahse kan chhut zawh hmain Inverter-in min daih ta lova, kan buai hle. Kan thu chhut sa te kan han save zung zung a, tihdan tur rei fe kan ngaihtuah hnuah Pu H.Laltanpuia, Headmaster M/S-II Laptop chu zan rei pawh sawi lovin kan dil ta chawt mai a. Anin phal takin min hawhtir a, tichuan he chanchinbu hi kan rawn puitlin thei ta hram a ni. A chungah kan lawm hle mai. Amaherawhchu, kan thu chhut sa thenkhat, pendrive hmanga lakchhuah hmaih te kan han nei leh zel a, duh angin kan thu dawn thenkhat te a nih tur angin kan rawn tichhuak thei ta lova, a pawi kan ti hle.

    PASS LAWMPUINA
    - R.Lalfakawma, Vice Principal, Tst HSS

    Thing delh loh lung delh loh nafam chu hei pawl 12 hial pass chhuak te in lo ni ve ta poh chu a nia le, in nundan phung la mawlmang ve tak tak han ngaihtuah chuan chhungte hmuh phak lohva college kal tura han se zawl chhuah tawp mai atan chuan a tam zawk hi chu in ruh a la no deuhin ka hria. Zirna sang zawk bei turin mahni in lum, nu leh pa chhungkhatte in kalsan a tul dawn ta a, lungleng leh khawhar hman in ni ta lo. Mahni hmabak tawn ngam lo khawpa dawihzep in ni palh hlauh dah ang nge. Aizawlah in zir deuh vekin ka ring a, in lung a leng a nih vaih chuan in zirna Aizawl khua ami te khan vairam mai ni lo, mahni mizo puite enga pui phak lohna hmun tuipui ralah te hial an zir ve bawk tih hrechhuak thin rawh u. Lunglen vanga i zirlai i bahhlah phah a nih vaih chuan i nun kawng a bahhlah nghal tih hre nghal ang che. Aizawl a college kal chunga mahni khua a Sunday Skul kaikim lawmman la thei in nih chuan a ropui lo hle ang. Thingtlang mi ten hlawhtlinna kan zawnna kawng a kan mamawh ber ni a ka hriat fo chu chhelna a ni. Lehkha zir taimak kawngah hrim hrim chuan in ngaihtuahawm tawh lovin ka hria; in tih that duh chuan. In nu leh pa, chhungten in mamawh ang diak diakin sum an thawn thei kher bik che u ka ring lo va, helai tak hi chhuanlam remchanga hmanga beidawng in awm ang tih hi ka hlau hle mai. Harsatna leh buaina tawk lo mihring nun chu a khingbai kan tih thin kha hre reng ang che u. Harsatna i tawh nasat poh leh chher hriamtu i nei tha-ah ngai hmiah mai rawh. Rangkachak pawh hian a nihna ang hmel pu tur hian fiahna meipui vawi tam a kal tlang hmasak a ngai thin a sin. Mihring mihrinna min hloh tirtu ruihhlo leh zu chungchang hi chu tlem bak sawi tulin ka hre lo.Tunlai khawvel-ah mifel leh thiam, ruihhlo chi hrang hrang kuhva thleng a fihlim an tam em em tawh tih hria la; in duty leh zu/ruihhlo chawm pawlh chung phei chuan tunlai khawvelah hian din khawchhuahna chance in nei hlawl lo tih hi hre chiang hle ula a tawk maiin ka hria. Pawl 12 in pass ta chu a ni a, kohhran, YMA leh thalai pawl hrang hrang pawhin an hmu tai ve tawh khawp ang che u. Zirna kawnga hnam dang kan tluk loh fo nachhan kan sawi thin inhmanna kan ngah lutuk tih thute kha ngaihtuah ve fo ang che u. I zirlaia i chak vak lo chung pawha i inhmang hram hram a nih chuan chak lohna ata chak loh leh zualna i hmabak a ni mai. A ruh langin kan sawi mai ange, pawl 12 pass, sang ve taka kan dah ho kha thalai thil tih nikhuaah sound box leh thutthleng pu kawi vu vu tawk lekah in tang mai ang tih hi ka hlauh pui deuh che u a ni.
    Thenkhat chuan nu leh pa, chhungte tihah rei lova thawh chhuah neih ve vat vat pawh in chak tawh ang tih ka ring. Pawl 12 meuh pass ta chu in thawh theih tawk hna, a bikin phai lamah a tam tawh ang, he thilah hian fimkhur hle ula ka duh a ni. Human trafficking hluar zia hre chiangtute chu chanchinbu chhiar peih deuh leh news thlir peih deuh nangni ho hi in ni a, in hna thawh tur chu a him tawk em tih in zuan hmain uluk takin zir chiang hmasa thin phawt rawh u. Chuti a nih loh zawngin se bo hnu a se kawngkhar an sawi ang deuhin kan va tih luatah lengin ka zir sual e in rawn tihaw palh hlauh dah ange. Tunlaia lar ve tak Massage parlour te hi maw! Vai dulkiar ruakkung mai kha in han massage hleuh hleuh mai dawn chu a nia; in hlawh a tlemin sum um in nih hre ran khan sum eng emaw zat an han tawktarh ngei che ang a; sum lah hian mahni zahawmna hlauh thak khawp hian kan mit a tidel fo mai si a. Awm lohna tura ka awmin, ka tih loh tur sual ka ti thin in ti chuai raih raih palh ang e, fimkhur mawlh teh u. Zirna sang zawk bei turin hmun dangah in kal turah ngai ila, Graduate hlawhchham emaw, I zirlai bansan mai maiin emaw lo haw hlek suh. Damate thianho kha hre reng la, beidawnga in haw a nih vaih chuan inkal hma ai in miin an ngainep zawk ang che u. Duli tia vung kha in han siki haw hlauh dah ange. Nun puitling tih mark 8 pu in zir tlut tlut exam naa chhuak leh ta si lo kha in nunah rah chhuak zawk mai rawh se. I seh tawh anih chuan I khabe kham mah se, puitling takin pet tlat rawh. Pass tharte kan lawmpui rual che u in hlawhtlinna hmu zo ve ta lo te pawh kan hre reng a, Failure is the piller of success tih hriaa rawn bei leh hram turin kan sawm nghal ni se. A tawp ber a ka sawi duh chu in hriatsa kha a takin nunpui zel ula a tawk el-awl viauin ka hria. Eng kawng pawh zawh la, Lal ropui leh fing Solomonan Pathian tih la, a thupekte vawng rawh; hei hi mihring zawng zawng tih tur chu a ni mai a tih kha hria la, Nitin Lalpa tih kha in dam chhung hla atan kan thlansak nghal che u ni rawh se.

    You might also like